Gálatas 6:1 - Nuevo Testamento Toba Sur

¹ Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

Nuevo Testamento Toba Sombrero Negro

¹ Ami yaqaya'olqa, ami jo'ne joote auajoitalegue ñe'me Dios Lepaqal. Chane'eja, qom 'uo ga'me qo'youatelegue da'me ya'uo loec, 'noota qom auedoilo'te naa'me onaĝayaqa at'aqataqadi' da'me auapaĝagueñi. Qalaĝaja achiya'aguet qaedi ja nach'e ena'am 'uo ga'me anapiyenaguequi da'me auauoyi ga'me ja no'en.

La'aqtaqa Ñim Lo'onatac 'Enauacna 2013

¹ Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

Gálatas 6:1 Referans Kwoze

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

2 Ts 3:15

Qalaxayi sa ishit da 'ico' qanpa'aguenaxauai. Chaqdata da ÿataqta qauqachiÿa, qoñiiteguem ca qadqaÿai.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

1 Juan 5:16

Qaq da huo'otaq huo'o ca ÿauaachigui ca l'amqajnataxanaxaua da huo'o ca isoma'aguet lasouaxashit, da huo'otaq sa ishit da taÿa'a naq'en da nleuaxa, qaq no'on da nqouagaxaueelec camayi. Nachi ñi Dios ÿami' camayi da lca'alaxa, da huo'otaq que'eca lasouaxashit sa ishit da taÿa'a naq'en da nleuaxa. Cha'ayi huo'o ca nasouaxashit mayi taÿa'a naq'en da nleuaxa ca shiÿaxaua. Qaq sa ishit da shiitega da qanqouagaxaueelec que'eca nasouaxashit.

2 Corintios 2:7

Qaq ÿoqo'oyi nagui no'on da chaqdata da qauchoxoyiñi camayi, qataq qau'añaqchichi. Ten, qom huo'otaq ÿagueec da laquicoxo, nachi ishit da qaica ca naquitaxac.

Hebreos 12:13

Nachi qanmichiÿaique so nqa'aic mayi ÿataqta ÿashicteec, yaqto' ca napia' mayi sa da'añiigue, qalaq ishit da no'oita, qataq sa ishit da vi'ita'a't.

1 Pedro 3:15

Chaqdata da ÿi'oxoden da qadquiyaqteÿaxaqui so Cristo som qadataxala'ai. Qataq qami' lhuotte' da qau'aqtaxañiim 'enauac cam ichimaxattega da qadpi'iÿaxaqui, qalaxayi sa ishit da qami' napagaqnaxaiqa, qataq huo'o naq 'enec qanqashiñi que'eca shiÿaxaua.

Romanos 14:1

Ca shiÿaxaua da huo'otaq qaica ca l'añaxac da lpi'iÿaxac, qalaq camayi qauacoñiiguet, qalaxayi sa ishit da qancotaitapigui cam saq 'en.

1 Corintios 10:12

Qaq ÿoqo'oyi da huo'o ca ipi'itaxaatega da sa ishit da huañi, qaq no'on da ntelañi, da yaqto' sa ishit da huañi.

1 Corintios 4:21

¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

Santiago 3:2

Cha'ayi 'enauac huo'oi naua qadsomaxaco. Qaq da huo'o ca sa ishit da huo'o ca lsomaxac da detaqa, que'eca shiÿaxaua ÿataqta nalochiguiñi, cha'ayi ÿataqta ÿaÿaten da ilo'ogue 'enauac da l'oquiaxac.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

Mateo 9:13

Qauesomiÿa qome, nachi qanapaxaguiñiÿa cam naigui naua ñiyigui'shi l'aqtaqa ñi Dios mayi 'eeta': “Aÿim ñishitaique da qami' qauchoxonnataxañi. Qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi aÿim sa ishit da ñanac da seÿaxanaique nam no'on da lataxac, chaqnata nam 'itaxaloxoicpi, da yaqto' ÿaxaadeec naua n'onataxaco.

1 Corintios 14:37

Da huo'o ca ipi'itaxaatega da l'aqtaxanaxanec ñi Dios, huo'otaq ipi'itaxaatega da netanguit so Espíritu Santo, qaq no'on da ÿaÿateeteguet de'eda shiyiñi da damayi lqataxac so qadataxala' Jesús.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

1 Corintios 2:15

Qalaxayi ca shiÿaxaua mayi netanguit so Espíritu, camayi ishit da nmit 'enauac na lataxaguesat. Qaq camayi qaica ca ishit da nmit.

Romanos 8:6

Cha'ayi da qaiuennatapega cam 'eetapeguec da napachiyaxac, qaq damayi naigui da nleuaxa. Qaq da qaiuennatapega cam 'eetapeguec so Espíritu, qaq damayi naigui da achaalataxac qataq da nlagaxayic.

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Santiago 3:13

Da huo'o ca 'oonolec da qoñiita ÿataqta ÿajnataxanaxaic qataq huo'o na ÿaÿaten, ña ÿachaxan ca ÿaÿamaqchiguiñi n'onataxac qataq da huosotta lataxac dam ÿachigoxotaigui da laÿajnec.

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.

Gálatas 5:23

sa n'amqajnaxaic, qataq ntel-la't. Qaq ca 'eeta'am de'eda qaica ca ishit da illapeguem ca shiÿaxaua.

1 Corintios 3:1

Ÿoqta 'eesa, qami' ÿaqaÿa't, da aÿim sa seshit co'ollaxa da setaxaiguilo qami' da se'enaxatteguema ca shiÿaxaua mayi netanguit so Espíritu Santo. Chaqdata da shiita'am ñaq'en qami' ca shiÿaxaua mayi ñaq quetaigui da lapachiyaxac, cha'ayi qami' 'ico' da ñaq nogotolec da qadpi'iÿaxaqui so Cristo.

Mateo 26:75

Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

Mateo 26:69

Qaq so Pedro ña nso'ootañi, netauga so qasoxoc, nachi anac aso namaxashi. Nachi 'enapega somayi, 'eeta': –'Am nataq'en 'annaictague' da Jesús mayi l'ec yi Galilea.

Gálatas 6:18

Qami' ÿaqaÿa't, so qadataxala' Jesucristo qami' ÿanema qome da lqouagaxanaqtaic 'enauac da qoñiita. Aja', nachi 'eetec.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

2 Corintios 2:8

Qaq ÿoqo'oyi qaltaq qami' ñachoxonnoiguilo da qaltaq qauachaxañiÿa da qadauotaxanaqtaiqui camayi.