Gálatas 5:19 - Nuevo Testamento Toba Sur

¹⁹ Huaña, nachi ishit da saq alaq da qaila'a na n'onataxacpi cam quetague' da maichi lapachiyaxac, 'eeta': lauatapiguiñi' aca sa ishit da lhua, qataq i'ottac nam ishit da deshipaxanaqtaxan, qataq qopitaxanaqtaqaic,

Nuevo Testamento Toba Sombrero Negro

¹⁹ Qaya'te laqalaic nale qoyec'ate'n gaa'me quetapegue'to daa'me lapa'che lamaico; ja yataĝalegue da'me 'lonáĝac, 'uo ga'me lequejeguetaĝa, nataq'aen yauapiye gaa'me paĝachiguilo ja 'noe'n namanaĝanaĝaco.

La'aqtaqa Ñim Lo'onatac 'Enauacna 2013

¹⁹ 'Enauac na shiỹaxauapi ỹauatton da lataxac nam ỹalaxaguet nam qauem lqopitaxanaqtaic: ncachetague' aca saishet da lhua, qataq ỹo'ottac nam ishet da deshepaxanaqtaxan, qataq 'enauac nam qauem lamanaxanaqtaic qataq na qauem lhuennataxacpi,

Gálatas 5:19 Referans Kwoze

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Gálatas 6:8

Ca shiÿaxaua da nqopita da ÿaañi cam 'eetapeguec da lapachiyaxac, nachi camayi nqat ca naigui nleuaxa de'eda lapachiyaxac mayi ÿaañi. Qalaxayi da huo'otaq ÿaañi cam ÿaÿamaxadeeta so Espíritu, nachi so Espíritu ÿanem camayi da nqat ca achaalataxac mayi qaica ca loga't.

Tito 3:3

Cha'ayi nachi 'en'ama qomi' co'olloxochi saxanaxa da sa'amqajnataxanaq. Ÿataqta qaica ca saÿajnaqpec, qataq sa salaxasoxolec ñi Dios. Sesomaqtac, qataq qomi' l-lataqa na ÿotta'a't qadqopitaxanaqtaic qataq qadamanaxanaqtaic. Souaqtaigui da so'otaqtapeguec ca sa ÿaÿamaxañi ca qadÿa, qataq sepa'aguenaqtac. Mashi sotaq qomi' qaishitegueta. Chaqdata da ñipa'aguenaqtega't.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Romanos 8:5

Cha'ayi cam iuennatapega cam 'eetapeguec da lapachiyaxac, camayi quetague' da lhuennataxac da maichi lapachiyaxac. Qaq cam iuennatapega cam 'eetapeguec so Espíritu Santo, nachi camayi i'ot cam 'eetapeguec somayi.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

1 Corintios 6:18

Ÿoqo'oyi qauataiueguesop da nquishiguetaxac. Na laÿipi sa ÿaÿamaxañi mayi ishit da i'ot ca shiÿaxaua, namayipi sa ishit da pa'aigui da l'oquiaxac. Qalaxayi cam quetaigui da lquishiguetaxac, qaq camayi maichi ÿasouaxat da lalamaxat l'oquiaxac.

Gálatas 5:17

Cha'ayi na 'eetapeguecpi ca shiÿaxaua sa ishit da nhuoteete' cam 'eetapeguec so Espíritu mayi chigoqo'ot ñi Dios. Qataq som Espíritu nataq'en sa ishit da iuoteeteguet cam 'eetapeguec ca shiÿaxaua. Qanachi naamayi sa ishit da nhuoteeta't. Qaq ÿoqo'oyi qami' sa ishit da qau'ochi cam maichi qoñiitapeguec.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

Romanos 7:18

Cha'ayi aÿim saÿaten da sa ishit da huo'o ca ÿaÿamaqchiguiñi huetaigui da yi'oqchigui ÿapachiyaxac. Qaq nai'ctaxa da aÿim huo'o da iyaxa da so'ot ca ÿaÿamaqchiguiñi, qalaxayi sa ishit da sañoxot da so'ot.

Romanos 7:5

Cha'ayi co'ollaq qomi' ñaq qolaqtague' da qadapachiyaxac, nachi ne'ena nqataxacpi, namayipi ÿayiita'a nam qauem 'eetapeguecpi dam qad'oquiaxac. Qaq nachida da qomi' ÿauecta'alo da qadeleuaxa.

Juan 3:6

Ca chigoqchigui da lañoxoc ca yi'oqchigui shiÿaxaua, camayi ipacchigui da chochi shiÿaxaua. Qalaxayi ca chigoqchigui da lañoxoc so Espíritu, camayi ÿaatañi da achaalataxac mayi chigoqo'ot somayi.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Romanos 7:25

Qaq nachaqñita ñi Dios mayi ishit da ÿachigoxotchigui naq'en so qadataxala' Jesucristo. ¡Ñi'achic ñi ita'a Dios! Qaq ÿoqo'oyi aÿim nagui saÿateeta da ÿataqta ñañanot da so'ot na lqataxacpi ñi Dios. Qaq dam yi'oqchigui ÿapachiyaxac, qalaxayi l-latac dam lamaxasoxonaxac dam ñi'itaxaloxo.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.