Gálatas 5:14 - Nuevo Testamento Toba Sur

¹⁴ Cha'ayi 'enauac na nqataxacpi 'oonolec da lataxac imatta't, 'eeta': “'Auauotec ca 'adÿa, 'eeta'am 'anqashin da maichi 'anauojla't.”

Nuevo Testamento Toba Sombrero Negro

¹⁴ Qa'a onolec ga'me lamaĝajoĝonaĝac ñe'me Dios yemata'a't yema gaa'me namaĝajoĝonaĝaco: “Adoqopitalo jogaa'me adaqaya'olqa nach'e naq'aeta na'le anoqopitela't.”

La'aqtaqa Ñim Lo'onatac 'Enauacna 2013

¹⁴ Cha'aye 'enauac na lqataxacpi Ñim Lo'onatac 'Enauacna 'oonolec da lataxac maye imatta't namayepi, 'eeta': «Ñi 'oonolec iuen da ỹauotec ca 'ena'am lỹa, 'eeta'am da lauotaxanaqtaic da maiche nachaalataxac.»

Gálatas 5:14 Referans Kwoze

Mateo 7:12

Qaq ÿoqo'oyi qami' cam no'on mayi qanshiitaique da qami' i'oteque na shiÿaxauapi, nachica qome qau'ochiic 'enauac namayipi. Cha'ayi nachida dam damaxasoxoolec nam lqataxacpi so Moisés qataq naua lliyigui'shi so l'aqtaxanaxanecpi ñi Dios.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec qome da qoñiita ÿataqta ÿauotec ca lÿa. Qoñiita'am da shiitec da ÿataqta qami' sauoteque, qaq nachida qome da qoñiitec da ñi 'oonolec da qoñiita ÿataqta ÿauotec ca lÿa.

Marcos 12:31

Qaq da lÿa mayi nachi 'eeta'am damayi 'eeta': “'Auauotec ca 'adÿa, 'eeta'am 'anqa'en da maichi 'anauojla't.” Qaq qaica ca lÿa nqataxac mayi ÿacteec da qaÿalaxalec, nachinauate' ne'enaua.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

Marcos 12:33

Qataq da ÿataqta qaÿauotec ñi qadataxala' Dios, imauec qanqoÿin da nquiyaqteÿaxac, qataq da nhuennataxa, qataq da achaalataxac, qataq 'enauac da n'añaxac, qataq qaÿauotec ca nÿa, 'eeta'am da 'eetec da maichi nauojla't ca shiÿaxaua. Nachi damayi ÿataqta napacalec 'enauac na nachitaqtaxanaxat mayi qoÿanot ñi Dios, qataq ana nachitaqtaxanaqte mayi qaÿachalec aca nca'atoxonaxalate da qaÿavigaxat.

Gálatas 1:6

Aÿim ÿataqta lta'adaic da i'aalaxa da qoñiita, yi ÿataqta saqaÿalqo' da qoquiÿa'ai ñi Dios ñim ÿachigoxotchigui da lauotaxanaqtaic da shinaqta so Cristo co'ollaq qami' iÿaxanalo. Ÿataqta sa'aalac da qoquiigue da ÿaqa'a n'aqtaxanaxac mayi qoÿiitega chigaqaigui da nca'alaxa.