Gálatas 5:10 - Nuevo Testamento Toba Sur

¹⁰ Qaq nachiso som qadataxala' so chigoqo'ot da ñaquitaxac da qoñiita da sa ishit da ÿaqa'a ca qadhuennataxaqui. Qalaxayi ñi Dios ÿauo'o qome ca nhuaxanaguec ca camachaqca shiÿaxaua mayi sa ishit da qami' ÿalemaxa't.

Nuevo Testamento Toba Sombrero Negro

¹⁰ Qalaĝaja ja joqoleguet da'me a'uamaqachiñe ga'me yelnataĝac, qa'a qademe'teguet ñe'me Cristo. Qom 'uo ga'me ja ami 'te yalemaĝa't, qama'le ja joqoleguet da'me Dios ya'uo ne'uaĝanaguec joga'me.

La'aqtaqa Ñim Lo'onatac 'Enauacna 2013

¹⁰ Aỹem ỹataqta saỹateeta da qami' nataqa'en qauaỹamaxayiñiita da shenapec, cha'aye nache shenaqta'a't da qomi' 'amqaanataxanaxaicpi. Qataq saishet da choche qapio'olec da seqoleguet da Ñim Lo'onatac 'Enauacna ỹauo'o da nhuaxanaguec cam sa qami' ỹalemaxa't.

Gálatas 5:10 Referans Kwoze

Gálatas 5:12

Qaq nam shiÿaxauapi mayi sa ishit da qami' ÿalemaxa't da qami' ÿileeta'pe da qau'ochi ca qan'anaxachi, ¡no'ono' namayipi da ña imauec da n'aqchit da l'oquiaxac!

Filipenses 3:15

Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

Gálatas 1:7

Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

2 Corintios 2:3

Qaq ÿoqo'oyi qami' samaxalo co'ollaxa aso ÿide, cha'ayi sa saÿamaxaden da qami' ñoqo'onalo da yaqto' aÿim qauaquicoqchichi, qamaq nachicatáctaxa ca ÿamaiquiaxac da qau'ochi. Qaq ÿoqo'oyi aÿim saÿateeta da huo'otaq aÿim samachiguiñi, qaq ÿoqta da 'enauac da qoñiita da qauamaichiguiñi.

1 Timoteo 1:20

Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

Gálatas 6:17

Qaq ÿoqo'oyi nachi tachiguiña nagui da sa ishit qome da huo'o ca aÿim nqanaxattac, cha'ayi nam lliguiñipi na i'oc na ñiuaxanec, namayi i'axat da ÿoqta 'eesa da aÿim lamaxashic so qadataxala' Jesús.

Gálatas 4:17

Cha'ayi ne'ena shiÿaxauapi ÿataqta qalota da naquitaxac da qoñiita, qalaxayi sa ishit da no'on ca naquittaique. Cha'ayi namayipi chochi nshitaique da qomi' qoquiÿa'aisalo. Qaq da ime, nachi qami' qauatailec ca 'eetapeguec namayipi.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Gálatas 2:6

Qaq sa ishit da huo'o ca aÿim ÿanem dalaxaic lapaxaguenataxanaxac soua qoÿiitegalo nachi 'eetai'salo nataxala'te; nai'ctaxa da aÿim sa ishit da ÿoqta selotapigui ca 'eetec ca lataxa'c soomayi, cha'ayi ñi Dios sa ishit da ilotapigui ca yi'oqchigui nataxac.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

2 Corintios 10:6

Qataq ÿataqta qaica ca shigaqtega da sauoqo'o ca nhuaxanaguec 'enauac nam sa ishit da ÿalaq, lamaaxa qom huo'otaq mashi nalochiguiñi da qadalaxayiqui.

1 Corintios 5:5

Ime, qanachi que'eca shiÿaxaua qoÿanguet so Satanás, yaqto' qanlaxajñi da l'oquiaxac, qalaxayi qanca'alaxateec som capegue' lqui'i, qom ñi'iguelaq so qadataxala' Jesús.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Filemón 1:21

Qaq aÿim 'am samaxa ana'ana ÿide, cha'ayi saÿateeta da ÿataqta huo'o da 'adalaxayic, qataq ishit da 'ai'agaqteeteec da 'an cam seÿaxanaique.

2 Ts 3:4

Qaq somayi mayi qomi' ÿanema da qanaquitaxac da qoñiita da qoquiitot da qau'ochi dam mashi qau'ochiitac mayi qami' samaxasoxolguete.

Gálatas 4:20

¡Da iyaxa da nachiqami' sootaiguilo nagui, da yaqto' ñadalaxat ca itaxaÿaxac da qami' setaxaiguilo, cha'ayi aÿim ÿataqta sa saÿaten ca shiitec, souaxat da qoñiita!

Gálatas 4:11

Qaq ÿoqo'oyi aÿim ÿataqta lta'adaic da icolanaxa da sa iuena'a da qaica ca naigui da i'onataxanaxac mayi huaigui da qoñiita.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 10:2

Qaq ÿoqo'oyi nagui qami' ñachoxonnoiguilo da qom ivita da qami' ñoqo'onalo, qalaq sa ishit qome da aÿim qauamaqailec, da yaqto' ishit da sa sadeno'ot da shinapega cam qomi' ipataqtapeguelguete da so'otaqtac nam i'ottac nam chochi shiÿaxauapi. Cha'ayi aÿim qaica ca sa'aptapigui da sataÿa'aguet da ñicotaÿapegue' camayipi.

2 Corintios 8:22

Qaq soomayi saqsouate'. Nataq'en samaxasoq so lÿa qadqaÿa mayi nataq'en qomi' saÿajnaqta da 'eetec da ltaunaxanaxac. Qaq nquicteec nagui da ltaunaxanaxac souaxat da lpe'e da qoñiita.

2 Corintios 7:16

Qaq huo'o da ñitonaxac, souaxat da ÿataqta huo'o da ñaquitaxac da qoñiita.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

2 Corintios 2:6

Qami' co'ollaq qau'ochi so qalaponaxaqui da qau'ochi da nhuaxanaguec que'eca shiÿaxaua, qaq de'eda qau'ochi camayi nachi nalotañi.

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

Gálatas 5:7

Qaq qami' ÿataqta qauaÿamaqaichiguiñi co'ollaxa. Qalaq ¿chaq négue't cam chigoqchigui da huo'o mshi qami' qai'axañiiñi da qaualaqailec dam 'eesa lataxac?