Gálatas 4:5 - Nuevo Testamento Toba Sur

⁵ Qaq 'eda da 'eetec da lvidaxac somayi, yaqto' ishit da qomi' huesodeec naq'en da yaqto' sa ishit da souaqto'ot na nqataxacpi, nachi ñi Dios ishit da qomi' ÿacongueta da ÿataqta qomi' llalqa.

Nuevo Testamento Toba Sombrero Negro

⁵ Dios namaĝaquena ñe'me Lec'oĝot qaedi qo'mi jo'ne joqochaĝalo daa'me namaĝajoĝonaĝaco male yejodegue. Yem qama'le qo'mi yanema da'me lec'oĝochiyaĝac qaedi ena'am ta'le yataqachiñe qo'mi lec'oqo'tolqa.

La'aqtaqa Ñim Lo'onatac 'Enauacna 2013

⁵ Qaq 'era da 'eetec da lviraxac Somaye, yaqto' ishet da qomi' huesore'c naqa'en da yaqto' saishet da souaqto'ot da lamaxasoxonaxac na nqataxacpi, nache Ñim Lo'onatac 'Enauacna qomi' nanereleguete da yaqto' ỹataqta qomi' llalqa.

Gálatas 4:5 Referans Kwoze

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Efesios 1:5

Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Romanos 8:23

Qaq saqnata namayipi da 'ico' dachottac, nataq'en qomi', nai'ctaxa da mashi qomi' netanguita so Espíritu Santo som l'auaxanec da qomi' qoÿanema. Qalaq ñaqaiyita ÿataqta lta'adaic da pa'atauo qanqui'ic da sayinaqta'aguet que'eca na'a'q qom qomi' ÿacongueta ñi Dios da ÿoqta qomi' llalqa qataq da isouec da qad'oquiaxac.

Gálatas 4:7

Qaq ÿoqo'oyi nagui ÿataqta 'am llalec ñi Dios, qaq sa ishit da chochi 'am nlatac. Qaq nagui da ÿoqta 'am llalec, nachi ñimayi 'am ÿami' qome da lsallaxa mayi ÿachaxanapec da ÿan, chigoqchigui naq'en so Cristo.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Romanos 9:4

Cha'ayi namayipi maichi llalaqpi so Israel, qataq ñi Dios ÿaconguet namayipi da 'eeta'am naq'en da llalaqpi. Ñi Dios ÿataqta hueta'aguet co'ollaxa naq'en namayipi da lli'oxoyic qataq da chigoqta'ague somayipi ÿanem ñi 'oonolec da naÿamaxataxac, qataq ÿanem so nqataxacpi mayi chigoqo'ot naq'en so Moisés, qataq dam lataxac da qaÿi'oxoden ñimayi da huaigui aso ñi'oxonnataxanaxaqui, qataq ÿanem nam ÿachaxanapecpi.

Juan 1:12

Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Romanos 8:19

Cha'ayi ÿataqta lta'adaic da lyaxa 'enauac nam l'onatacpi ñi Dios da iuatta'a que'eca na'a'q qom ivita da na llalaqpi ñi Dios qaÿachaxan ca 'eetec ca lataxac.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Gálatas 4:21

Qami' mayi qauauoitaique da qoviito'ot na nqataxacpi mayi chigoqo'ot so Moisés, qaq aÿim qau'axachiim nagui de'eda 'eeta': ¿Sa ishito' peta'a da qan'axaÿaxañiitegacnaxa da 'enapec na nqataxacpi?

Lucas 1:68

Ÿataqta qaÿi'oxoden qome ñi qadataxala' mayi nDios na Israel l'ecpi, cha'ayi ñimayi qomi' naÿalo da qomi' nca'alaxatreec, cha'ayi maichi qomi' lalamqa'te.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Hechos 20:28

Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Apocalipsis 14:3

Nachi i'ootac somayipi so dalaxaic n'onec, datatau'a ca nso'onqa' ñi Dios, qataq soua cuatro shiguiÿac, qataq som nquedoxonecpi. Qaq qaica ca ishit da ÿaÿaten se'eso n'onec, nachaqsota se'eso ciento cuarenta y cuatro mil mayi qaÿachigoxottoigui co'ollaxa nam shiÿaxauapi mayi huetalec ana 'alhua da qanca'alaxateec.

Romanos 8:14

Cha'ayi 'enauac nam lataxala' so Espíritu mayi chigoqo'ot ñi Dios, nachi namayipi 'enauac llalaqpi ñi Dios.

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.