Gálatas 4:30 - Nuevo Testamento Toba Sur

³⁰ Qalaxayi ¿huá'ague cam 'eetec naua ñiyigui'shi n'aqtaqa? Qomyi 'eeta': “'Au'odauec qome añi nlata qataq ñim llalec, cha'ayi ñim llalec añi nlata sa ishit da nhuanau'a da nsallaxa mayi qaÿaqataxaatapigui' da talec ñim llalec añi 'alo mayi sa ishit da nlata.”

Nuevo Testamento Toba Sombrero Negro

³⁰ Qalaĝaja daa'me nedii's qo'mi 'yaĝatema queda'me Dios enapega ñe'me Abraham: “Auamaĝaye jana'me adelata, auen ca'e na'me at'achaqa', nataq'aen ga'me c'oĝot. Qa'a ñe'me c'oĝot jaga'me nelata ja chimaqachiñe ta'le nalo'taguet yaconeguet ga'me jo'ne qoyanem ñe'me yataqachiñe nec'oĝot, 'me lec'oĝot jaga'me uojotañi.”

La'aqtaqa Ñim Lo'onatac 'Enauacna 2013

³⁰ Qalaxaye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna ỹa'axat da Ñimaye 'enapega co'ollaxa so Abraham, 'eeta': «'Auo'orauec añi nlata qataq ñi llalec; cha'aye ñimaye saishet da nhuanaua'a da lsallaxa ñi 'aỹa'alec Isaac maye llalec añi 'alo maye ỹataqta huesochiguiñi.»

Gálatas 4:30 Referans Kwoze

Juan 8:35

Qaq cam chochi nlatac, camayi sa ishit da nachi 'eetai' da ÿalectaigui cam ñalaqpi. Qaq cam ñalec, qalaxayi nachi 'eetai' da ÿalectaigui cam ñalaqpi.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Gálatas 3:22

Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Gálatas 3:8

Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':

Romanos 4:3

Cha'ayi ¿huá'ague ca 'eetec ca l'aqtac naua ñiyigui'shi l'aqtaqa ñi Dios? Qomyi 'eeta': “So Abraham huo'o da lpi'iÿaxac ñi Dios, qaq chigoqchigui de'eda lpi'iÿaxac da huo'o mshi ñi Dios ÿaÿamaxadeeta, nachi ÿamata'ac da no'on shiÿaxaua.”

Gálatas 4:22

Cha'ayi damayi nanettañi, 'eeta': So Abraham dos soua llalqa. So 'oonolec llalec, late'e aso nlata. Qaq so lÿa, qalaq late'e asom lalamaqte lhua mayi sa ishit da nlata.

Gálatas 4:31

Qaq ÿoqo'oyi qami' ÿaqaÿa't, qomi' sa ishit da shinaqta'am som llalaqpi aso nlata. Cha'ayi qomi' shinaqta'am som llalaqpi asom 'alo mayi sa ishit da nlata.