Gálatas 4:3 - Nuevo Testamento Toba Sur

³ Qaq 'eda da 'eetec qomi'. Co'ollaq ñaq souaqtaigui da qannogotshic, nachi qomi' souaqto'ot nam lhuennataxac nam shiÿaxauapi mayi huetalec ana 'alhua.

Nuevo Testamento Toba Sombrero Negro

³ Ena'am ta'le naq'aeta ga'me jouaqataue ca'li maliaĝa ja jatetonaq ñe'me Cristo: jogaa'me nepaqa'lpi jo'ne ch'e yeuotapiye'ajalo qo'mi 'yetapeque da'me ena'am da'me qo'mi lelataqa.

La'aqtaqa Ñim Lo'onatac 'Enauacna 2013

³ Qaq 'era da 'eetec qomi', co'ollaq ñaq saxanaxa da sauattonaq So Cristo: Nam saq cha'api maye ilotague' 'enauacna, 'eeta'ama qomi' naqa'en ca l-latac.

Gálatas 4:3 Referans Kwoze

Colosenses 2:20

Cha'ayi qami' sogote da qadleuaxauai so Cristo, qaq mashi qai'axañiiuec nam lhuennataxacpi na shiÿaxauapi da tatapigui lauel nam chochaqna. Qaq ¿tá'ainco' yi 'eeta'amo' da ña qoviitaigui da qau'ochiitac nam 'onataxacpi mayi huetalec ana 'alhua? Yi qanañañiiguet da qau'ochi ne'ena napaxaguenataxanaxacpi

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Gálatas 4:9

Qalaxayi nagui da qauauattoñi ñi Dios, huo'otaq da ñimayi qami' ÿauatto'n, nachi ¿táloxochiyictoxo' qami' da qaltaq qavi'iguelaqaitega dam napaxaguenataxanaxac mayi qaica ca l'añaxac qataq qaica ca naigui da qaltaq qoviito'ot, da yaqto' qami' l-lataqa?

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

Gálatas 4:31

Qaq ÿoqo'oyi qami' ÿaqaÿa't, qomi' sa ishit da shinaqta'am som llalaqpi aso nlata. Cha'ayi qomi' shinaqta'am som llalaqpi asom 'alo mayi sa ishit da nlata.

Hechos 15:10

Qaq ÿoqo'oyi nagui qami', ¿tá'ainco' yi qauqolliguichiitac dam i'ot ñi Dios, qataq qauasaqaitapeguelec na sa ishit da judiopi da sa pa'atta mayi qomi' nataq'en sa ishit da sachoq, ivida'a nataq'en som hua'au qadta'alpi?

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

Juan 8:31

Nachi so Jesús 'enapego' nam judiopi mayi i'amaqten somayi, 'eeta': –Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa.

Hebreos 7:16

da somayi qoÿanagui da ntaxaÿaxanaxanec. Qalaxayi sa ishit da chigaqaigui ca ñalaqpi mayi i'axat na nqataxacpi da chigaqaigui ca ntaxaÿaxanaxanec. Cha'ayi somayi chigoqchigui da l'añaxac da nachaalataxac mayi sa ishit da qanlaxajñi.

Gálatas 4:25

Cha'ayi aso Agar nachaso asom naigui aso qasoxonaxa Sinaí mayi naña yi Arabia. Qaq asomayi nachaso asom naigui yi nagui Jerusalén, cha'ayi nagui yi'iyi la ciudad 'eeta'am aca chochi nlata, nataq'en 'enauac nam llalaqpi.

Gálatas 3:19

Nachi ¿negue'to' qone' cam naigui na nqataxacpi mayi chigoqo'ot so Moisés? Qomyi namayipi ÿaqa'aguet qanqoÿin, da yaqto' ishit da ÿachaxan na nasouaxashitpi. Nachi namayi do'onataxan, chochi ivitta'a da nvi' que'eca ñalec mayi taÿa'a de'eda qaÿachaxanapec. Ne'ena nqataxacpi co'ollaq qai'axat, qalaq chigoqchigui qanqoÿin so namaxashicpi piguem l'ecpi. Qaq so Moisés qalaq taiguet da ntaxaÿaxanaxanec.

Mateo 11:28

Qauanaiua'a aÿim 'enauac da qoñiita mayi qanasamiitañi souaxat da qad'onataxanaxaqui qataq souaxat na qayi'aqui, nachi aÿim qami' ñimataxanaxaadeec.

Romanos 7:14

Cha'ayi qomi' saÿajnaq da saq cha'a na nqataxacpi. Qaq aÿim, qalaxayi yi'oqchigui da chochi aÿim shiÿaxaua, shiita'am da 'ico' aÿim qaimen da yaqto' aÿim l-latac da ñi'itaxaloxo.

2 Corintios 11:20

Cha'ayi qanviñiiguet nam shiÿaxauapi mayi qami' icoñida'aque da chochi qami' l-lataqa, qami' deque'etapiguilo, qataq 'ico' qami' lalamqa'te, qataq sa ishit da qami' ÿauoteque. Nda'a't da iuaxaatapoiguilo naua qadashigolli'.

Gálatas 4:2

Qataq huo'o nam shiÿaxauapi mayi ilotague' somayi, qataq huetapegue' nam l'onatacpi, chochi ivitta'a cam na'a'q mayi ÿicchigui so lta'a.

Gálatas 4:8

Qami' co'ollaq saxanaxa da qauauattoñi ñi Dios, qalaq qami' lcoñitagui'shi nam saq cha'api qanatameetacotpi mayi saq 'en.

Gálatas 4:24

Qaq damayi chochi qaÿaloqnaxangui. Cha'ayi se'esoua dos 'alo nachi naiguilo naua dos aÿamaxataxaco. Se'eso 'oonolec naua aÿamaxataxaco, somayi chigoqchiguiña asom qasoxonaxa mayi l'enaxat Sinaí. Qaq somayi nachiso so naigui aso Agar. Qaq ÿoqo'oyi nam hueto'ot se'eso aÿamaxataxac, namayipi da nañoxoc taÿa'a da nlatacpi.

Hebreos 5:12

Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.