Gálatas 4:29 - Nuevo Testamento Toba Sur

²⁹ Qalaxayi de'eda 'eetec som ñalec mayi yi'oqchigui de'eda lañoxoc co'ollaq ÿataqta icaatac som lÿa ñalec mayi chigoqo'ot da lañoxoc so Espíritu Santo, qaq nachida da 'eetec nataq'en nagui.

Nuevo Testamento Toba Sombrero Negro

²⁹ Jaa'me jaajo' noloqo'ote ca'li ñe'me Abraham c'oĝot jo'ne lat'e jañe'me Agar yecaatac ca'li ñe'me Isaac, jo'ne chiyaqayi da'me lañoqotaĝanaĝac ñe'me Dios Lepaqal da'me niyiñe. Qama'le nayi nach'eda naq'aeta: jogaa'me jo'ne jetaque que'teguelo daa'me namaĝajoĝonaĝaco male qo'mi yecaa'tape, jo'ne qo'mi lec'oqo'tepi da'me Dios yaqataĝañi.

La'aqtaqa Ñim Lo'onatac 'Enauacna 2013

²⁹ Qaq se'eso na'a'q so llalec aso Agar icaatac so Isaac maye chegoqchigui da la'añaxac So Saqcha'a Na'añaxac. Qaq nagui qalaq nache 'eeta'am: Nam huotaique da quegue da lamaxasoxonaxac nam nqataxacpi qalaq qomi' icaata'ape maye qomi' ñalaqpi maye qomi' qaỹachaxana'ape co'ollaxa.

Gálatas 4:29 Referans Kwoze

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.

Romanos 8:13

Cha'ayi qami' da huo'otaq chaqdata da qoquiitague' cam maichi 'eetapeguec da qadapachiyaxaqui, nachi ishit da qadellivi. Qalaxayi da chigoqchigui qanqashiñi so Espíritu Santo da 'ico' qaualauachi nam 'eetapegueguesat de'eda qadapachiyaxaqui, nachi ishit da qadca'allivic.

Gálatas 4:23

Som llalec mayi late'e aso nlata, da lañoxoc nachida dam lañoxoc 'enauac nam yi'oqchigui ñaqpiolec. Qaq som llalec asom sa ishit da nlata, qalaq somayi da lañoxoc ipacchigui dam ÿachaxanapec co'ollaxa ñi Dios.

Juan 15:9

Aÿim ÿataqta qami' sauoteque, shiita'am da 'eetec ñi ita'a da ÿataqta aÿim ÿauotec. Qaq qami' qome ÿataqta qoquiitegue da 'eetec da qami' sauoteque.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.