Gálatas 4:17 - Nuevo Testamento Toba Sur

¹⁷ Cha'ayi ne'ena shiÿaxauapi ÿataqta qalota da naquitaxac da qoñiita, qalaxayi sa ishit da no'on ca naquittaique. Cha'ayi namayipi chochi nshitaique da qomi' qoquiÿa'aisalo. Qaq da ime, nachi qami' qauatailec ca 'eetapeguec namayipi.

Nuevo Testamento Toba Sombrero Negro

¹⁷ Jogaa'me jo'ne jetaque ami yepagaqatetapeque da'me oqui'teguelo daa'me namaĝajoĝonaĝaco jo'ne qoyanema jogaa'me judiopi, jogaa'me yaloĝo'n da'me ami nedote'eneque. Qalaĝaja da'me yataqachiñe jetaque ami 'yeteque nach'edata da'me ami 'naĝa't, qa'a jogaa'me ami yepagaqatetapeque da'me ja jayem 'te auenache'ta dite jogaa'me a'uamaqachiñe'.

La'aqtaqa Ñim Lo'onatac 'Enauacna 2013

¹⁷ Nam huotaique da qami' ỹamaqaleguete da qaualaqaiguet na namaxasoxonaxacpi maye quetague' na judiopi, namayepi nagui ỹachaxaata da iueelec da qoñiita, qalaxaye dam ỹataqta 'eetapeguec huotaique da qami' na'aqche't, cha'aye namayepi huotaique da aỹem qaucoviỹa'ai, ime, nache qami' qauatailec namayepi.

Gálatas 4:17 Referans Kwoze

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

1 Corintios 4:8

Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

Romanos 10:2

Cha'ayi aÿim sa'axat da namayipi ÿataqta lta'adaic da lyaxa da do'onataxanot ñi Dios, qalaxayi de'eda lyaqchic sa ishit da chigoqchigui ca 'eesa nauattonaxanaxac.

Mateo 23:15

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi! Cha'ayi qami' ÿataqta qaumachiÿa ana 'alhua qataq aso auaxai, da yaqto' ca shiÿaxaua i'amaqten qanqashiñi da qad'amqajnataxanaxaqui. Qaq da qaushichi que'eca shiÿaxaua, nachi camayi ÿataqta qau'ochiic da ÿataqta ÿacteec da nhuaxanaguec qom qaÿasaxaña ca nhuaxanqa' na 'itaxaloxoicpi, qaq saq 'en'am qome da qoñiita.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Filipenses 2:21

Cha'ayi 'enauac nam laÿipi chochi huo'o cam naquittaique, qaq sa ishit da i'ot cam 'eetapeguec so Cristo Jesús.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

1 Corintios 4:18

Huo'o ca 'oonolec da qoñiita ÿashittagui da ñi'oxonnaxac, ipettega da huo'otaq aÿim sa ishit da qami' ñamaqtegalo.

Gálatas 4:16

Qaq nagui, ¿peta'a qami' ñipa'aguenaxa'u souaxat da aÿim 'eesa da qami' sa'axatema?

Gálatas 4:18

'Eesa mque' da no'on da qanaquitta'a ca nÿa. Qalaxayi da no'on ca qoÿiitapeguec, qaq damayi no'on da nachi 'eetai' da qanayicto'ot. Qaq sa ishit da chaqdata da qami' soota'agueta.