Gálatas 4:15 - Nuevo Testamento Toba Sur

¹⁵ Qalaq ¿táigue que'eca qantonaxaqui mayi qauanomiiteguet co'ollaxa? Qamaq aÿim shinapec da huo'o da no'on qan'aqtaguiiqui, 'eeta': ishíttaxa da qauañoxochi da qanqachi' naua qad'ai'chilli' da aÿim qai'añiima da huo'otaq ishit da qaica ca lqalaic.

Nuevo Testamento Toba Sombrero Negro

¹⁵ Qalaĝaja, ¿jach'e ga'me p'ayapegue da'me dojo' 'uaeñe adamaiqui ca'li jo'ne ami uetauelo mañaĝa? Ca'li yataqachiñe ja aueñi 'te qalaq da'me auacoñiyeguet, chayovida'a ta'le anaqachi' naa'me at'aechidi' qaedi jayem auañema.

La'aqtaqa Ñim Lo'onatac 'Enauacna 2013

¹⁵ Aỹem saỹateeta da ivira'a da ishet da qanqache' naua qara'ai'chilli', nache aỹem qa'añima. Qalaq ¿taigue que'eca qantonaxaqui maye qauanomiiteguet co'ollaxa?

Gálatas 4:15 Referans Kwoze

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Colosenses 4:13

Cha'ayi aÿim ÿataqta sauaachigui da ñi Epafras ÿataqta qalota da lhuogoxo, souaxat da qoñiita, nataq'en nam netaña yi la ciudad Laodicea qataq yi Hierápolis.

1 Ts 5:13

Ÿataqta qauauochiic, qataq ÿataqta qauchoxoyiñi, souaxat da l'onataxanaxac. Qoviitaiguio' da qami' lactrapiguiñi, saqca ca da ñi 'oonolec da qoñiita.

1 Ts 2:8

Qomi' ÿataqta saq llalcolec da qadauotaxanaqtaic da qoñiita. Ÿoqo'oyi saqdata da qami' sanaxama da no'on qad'axaÿaxac mayi chigoqo'ot ñi Dios. Nataq'en huac da ÿataqta qami' sanaxama da maichi qanachaalataxac, souaxat da ÿataqta qami' qanauochaxa'u.

Gálatas 6:4

Qaq ÿoqo'oyi ñi 'oonolec ishit da maichi nmit da maichi lataxac, yaqto' ishit da machiguiñi souaxat da maichi lataxac, qaq sa ishit da nachida da lataxac ca lÿa.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

Gálatas 3:14

Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

2 Corintios 8:3

Qaq aÿim ÿataqta sauaachigui yimayipi da ÿataqta huo'o da lyaxa da detaunaxan. Qaq ÿan 'enauac dam nalotau'a, ivida'a da ÿataqta ÿapacauec naq'en da lachitaqtaxanaxac.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Romanos 10:2

Cha'ayi aÿim sa'axat da namayipi ÿataqta lta'adaic da lyaxa da do'onataxanot ñi Dios, qalaxayi de'eda lyaqchic sa ishit da chigoqchigui ca 'eesa nauattonaxanaxac.

Romanos 9:3

Cha'ayi aÿim mashi sovida'a da ñishitaique da aÿim ÿamaqauec ñi Dios da yaqto' aÿim qaÿoqta naq'en so Cristo, souaxat na ÿaqaÿañicpi mayi maichi ÿalamaxat iuo' l'ecpi, da huo'otaq damayi ishit da naigui ca no'on laÿamqa' namayipi.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

Gálatas 4:16

Qaq nagui, ¿peta'a qami' ñipa'aguenaxa'u souaxat da aÿim 'eesa da qami' sa'axatema?