Gálatas 3:28 - Nuevo Testamento Toba Sur

²⁸ Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Nuevo Testamento Toba Sombrero Negro

²⁸ Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

La'aqtaqa Ñim Lo'onatac 'Enauacna 2013

²⁸ Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Gálatas 3:28 Referans Kwoze

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Juan 10:16

Qaq huo'o nataq'en anam ilo qaguetapi mayi sa ishit da ÿalectaigui anam netaigui añi laÿi' ana qaguetapi. Qaq anamayipi iuen nataq'en da ñauegueuo. Qaq anamayipi qome ÿataqta aÿim ÿalaxaguet, huaña, qa nachi ishit da 'oonole aca nhuataguishipi qagueta, qataq 'oonolec cam nhuataxaua.

Efesios 4:4

Cha'ayi 'oonolec da n'oquiaxac, qataq 'oonolec so Espíritu Santo. Cha'ayi ñi Dios qami' iÿaxanalo co'ollaxa, da yaqto' 'oonolec naq'en da qanaquitaxaqui.

Romanos 9:24

Cha'ayi ñi Dios da qomi' iÿaxanalo, qalaq huo'o na chigoqtoigui naq'en na judiopi, qataq na laÿipi huo'o na chigoqtoigui naq'en na saq judiopi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

1 Corintios 7:19

Nai'ctaxa da huo'o ca n'anaxashit na l'oc ca shiÿaxaua, huo'otaq qaica, qalaxayi nachi 'en'am. Cha'ayi chaqcata ca i'ot na lqataxacpi ñi Dios nachica ca qaÿaÿamaxadeeta.

Juan 11:52

qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac.

Juan 17:11

Qaq aÿim mashi sa ishit da soota'a ana 'alhua. Qalaxayi namayipi ñaq huetalec ana 'alhua, qaq aÿim nagui ashic da 'am ñoqo'ona. 'Am ita'a mayi 'am qui'itta, 'au'ogoxona qome da 'ad'añaxac da 'antela'a nam aÿim 'ai'anempi, yaqto' namayipi ÿataqta n'atta't, 'eeta'am da 'eetec 'am qataq aÿim.

1 Corintios 7:14

Cha'ayi ca ÿale mayi sa da'amqajnataxan ividauga da ÿaÿamaxadeeta ñi Dios, souaxat da huadonguet aca 'amqajnataxanaxai. Qaq aca 'alo mayi sa da'amqajnataxan ividauga da ÿaÿamaxadeeta ñi Dios, souaxat da huadonguet ca 'amqajnataxanaxaic. Cha'ayi da sa ishit da nachi 'eetec de'eda, nachi da qadco'oxoqui 'eeta'am na llalaqpi na sa da'amqajnataxanpi. Qalaxayi nagui sogote da mashi ÿaÿamaxadeeta ñi Dios.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Gálatas 3:14

Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Colosenses 1:4

Cha'ayi co'ollaq huo'o da qad'axaÿaxac da qadpi'iÿaxaqui so Cristo Jesús qataq da qadauotaxanaqtaiqui 'enauac nam lalamaxatpi ñi Dios,

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.