Gálatas 3:27 - Nuevo Testamento Toba Sur

²⁷ Qaq ÿoqo'oyi 'enauac da qoñiita mayi qaunoxoñiu'a da qan'ayiitau'a so Cristo can qami' qanachilaxa'n. Huaña, nachi qami' ÿanaxanaxaanguilo da lataxac somayi, 'eeta'am ca yi'oqchigui nogoxot.

Nuevo Testamento Toba Sombrero Negro

²⁷ qa'a ca'li ami qonachilaĝa'n, nach'e ena'am ami qoyapetenegueta ñe'me Cristo, qama'le nayi da'me adajoĝoqui auañiya'am joñe'me.

La'aqtaqa Ñim Lo'onatac 'Enauacna 2013

²⁷ Cha'aye co'ollaq qami' qanachelaxa'n, nache qami' qana'ayeeua'a So Cristo, qaq nagui qami' qoñiita'am Somaye.

Gálatas 3:27 Referans Kwoze

Romanos 13:14

Chaqdata da qai'añiiñi da lataxac so qadataxala' Jesucristo, qoñiita'am ca qad'ogoxonaxachi. Qaq sa ishit da qauqochiÿai cam qauem 'eetapeguec dam yi'oqchigui qadapachiyaxaqui.

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

Efesios 4:24

Qataq qai'añiiñi da dalaxaic achaalataxac mayi maichi chigoqchigui da l'onatac ñi Dios mayi ÿataqta ichoxot da no'on nataxac qataq qui'itta.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 8:16

Cha'ayi somayipi saxanaxa co'ollaxa da huo'o ca 'oonolec da huo'otaq mashi tanguit so Espíritu Santo, ndoteec da mashi qanachilaxan, qanachilaxangui da l'enaxat so qadataxala' Jesús.

Hechos 9:18

Huaña, nachi so Saulo huo'o aso chigoqtoiguilo naua l'ai'te, 'eeta'am ana lso, nachi ishit da qaltaq nauaañi. Nachi somayi ñishiguem, nachi qanachilaxan, da yaqto' da'amqajnataxan.

Lucas 15:22

Qalaxayi so lta'a 'enapega so l-latacpi, 'eeta': “Sa qauaÿaloxoñi qome da qanqachiideec caua no'on anogo. Ime, qaq qan'otaxanaxañi qataq qai'añiim nataq'en aca chiguishaqte qataq caua lapela'te.

1 Corintios 10:2

Qaq 'enauac de'eda lliquiaxac somayipi co'ollaq qaica'attaueegue so l'oc qataq co'ollaq qai'axasoxoolec aso auaxai, damayi 'eeta'am da nachida da nachilaxanataguec somayipi da yaqto' n'adeu'a qanqoÿin so Moisés.