Gálatas 3:24 - Nuevo Testamento Toba Sur

²⁴ Qanachi ne'ena nqataxacpi co'ollaxa chochi qomi' ilotagueto, 'eeta'am naq'en qomi' ca nogotolec da qomi' ÿapaxagueeta'pe, ivitta'a co'ollaq nvi' so Cristo, yaqto' da sa'amaqtenaq somayi, nachi ñi Dios ishit da qomi' ÿaÿamaxadeete'.

Nuevo Testamento Toba Sombrero Negro

²⁴ Daa'me namaĝajoĝonaĝaco ena'am ga'me qanapaĝaguenoqo't ca'li, jo'ne qo'mi yauequeteda'ague ga'me qadadic qama'le qo'mi yovidaĝateda'a ñe'me Cristo, qaedi Dios male qo'mi yataqatelo'te q'ae'n queda'me jep'iyaqa ñe'me.

La'aqtaqa Ñim Lo'onatac 'Enauacna 2013

²⁴ Na namaxasoxonaxacpi 'eeta'am ca napaxaguenataxanaq da qomi' ỹaueca'agueta da qomi' ỹauegalo So Cristo, yaqto' Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac Ñimaye.

Gálatas 3:24 Referans Kwoze

Romanos 10:4

Cha'ayi som Cristo nachiso so loga't nam nqataxacpi mayi chigoqo'ot so Moisés, qataq chigoqchigui somayi da 'enauac nam i'amaqten somayi, nachi ishit da ÿaÿamaxadeeta ñi Dios.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Colosenses 2:17

Cha'ayi 'enauac ne'enapi chochi 'ico' lqui'i cam ñaq naÿa'cna, qalaxayi dam lataxac mayi ÿoqta 'eesa, nachiso so Cristo.

Gálatas 2:19

Cha'ayi aÿim mashi sogote da 'eeta'am da seleu, da yaqto' sa ishit da aÿim ÿauectac na nqataxacpi mayi chigoqo'ot so Moisés. Qaq nachiso se'eso nqataxac so aÿim ÿalauat, da yaqto' aÿim ñica'aleec, da yaqto' so'onataxanot ñi Dios.

Gálatas 3:25

Qaq nagui da mashi nvi' de'eda npi'iÿaxac, nachi sa ishit da souaqto'ot da lapaxaguenataxanaxac na nqataxacpi.

1 Corintios 4:15

Cha'ayi nai'ctaxa da qami' ivi' ca diez mil na qami' ÿapaxaguenque so Cristo, qalaxayi sa ishit da qalota na qadta'aipi. Cha'ayi aÿim mayi aÿim lta'a da qadpi'iÿaxaqui so Cristo Jesús. Cha'ayi aÿim mayi qami' sa'axatema co'ollaxa da no'on qad'axaÿaxac mayi chigaqaigui da nca'alaxa.

Romanos 9:30

Qaq ÿoqo'oyi ¿chaq huá'ague ca 'eetec ca qad'aqtac? Yi nam sa ishit da judiopi qataq sa ishit da nmittaique da ÿaÿamaxadeeta ñi Dios, qalaq nachina nam ÿaÿamaxadeeta ñi Dios, chigoqchigui da lpi'iÿaxac.