Biblia Todo Logo
Bib sou entènèt

- Piblisite -




Gálatas 3:23 - Nuevo Testamento Toba Sur

23 Qaq co'ollaq saxanaxa da nvi' de'eda npi'iÿaxac, nachi na nqataxacpi 'ico' da qomi' ÿapotau'alo, iuatta'a da qai'axategue ca llic da qaipi'iÿa'a so Jesucristo.

Gade chapit la Kopi

Nuevo Testamento Toba Sombrero Negro

23 Ca'li maliaĝa ja di'yoq da'me dojo', daa'me namaĝajoĝonaĝaco yataqachiñe ena'am jaga'me coñetaĝanaĝaiqui jo'ne jouaqatoue da'me qaya'te qadadiguegue, chayovida'a jauanaĝa queda'me jouenaqataque da'me jep'iyaqa ñe'me Jesucristo.

Gade chapit la Kopi

La'aqtaqa Ñim Lo'onatac 'Enauacna 2013

23 Qaq co'ollaq saxanaxa da nvi' de'era, nache na namaxasoxonaxacpi 'ena'am aca ncoñetaxanaxaqui da qomi' ỹapotaua'alo, choche ivitta'a da selaqa'a da qomi' iuen da sauoqo'o ca qarpi'iỹaxac So Cristo.

Gade chapit la Kopi




Gálatas 3:23
15 Referans Kwoze  

Qalaxayi da nachiso so Espíritu da qami' ÿauecta'agueta, nachi sa ishit da qoviito'ot na nqataxacpi.


Nachi ¿negue'to' qone' cam naigui na nqataxacpi mayi chigoqo'ot so Moisés? Qomyi namayipi ÿaqa'aguet qanqoÿin, da yaqto' ishit da ÿachaxan na nasouaxashitpi. Nachi namayi do'onataxan, chochi ivitta'a da nvi' que'eca ñalec mayi taÿa'a de'eda qaÿachaxanapec. Ne'ena nqataxacpi co'ollaq qai'axat, qalaq chigoqchigui qanqoÿin so namaxashicpi piguem l'ecpi. Qaq so Moisés qalaq taiguet da ntaxaÿaxanaxanec.


Cha'ayi ñi Dios i'otec da lcoñitaguishic naq'en 'enauac na shiÿaxauapi da lasouaxashit, da yaqto' ñimayi ishit da imata da huo'o da lchoxonnataxanaxa 'enauac namayipi.


Cha'ayi qomi' saÿajnaq da 'enauac nam 'enapec nam nqataxacpi mayi chigoqo'ot so Moisés, ÿalamaqchigui da 'enapega nam hueto'ot ne'ena nqataxacpi, da yaqto' sa ishit da huo'o ca 'eetega qaica ca ÿasouaxat, qataq yaqto' 'enauac na shiÿaxauapi ishit da huo'ot da 'eetec qom ñi Dios nmit 'enauac na shiÿaxauapi.


Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.


Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.


Qami' mayi qauauoitaique da qoviito'ot na nqataxacpi mayi chigoqo'ot so Moisés, qaq aÿim qau'axachiim nagui de'eda 'eeta': ¿Sa ishito' peta'a da qan'axaÿaxañiitegacnaxa da 'enapec na nqataxacpi?


Cha'ayi cam namaq ñi Dios, camayi i'axa't naua l'aqtaqa ñi Dios, cha'ayi ñimayi ÿataqta imato'ot naq'en so n'Espíritu da ÿami' camayi.


Swiv nou:

Piblisite


Piblisite