Gálatas 3:22 - Nuevo Testamento Toba Sur

²² Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Nuevo Testamento Toba Sombrero Negro

²² Qalaĝaja joda'me nedii's 'yaĝatetac queda'me yema jogaa'me aleua laje'pi yapadelo'te gaa'me loeco, qaedi ga'me ch'e jetaque qaneme q'aen ñe'me Dios jo'ne joote yaqataĝañi da'me 'laqatac ñe'me, nach'edata tachiguilo gaa'me jo'ne p'iida'a ñe'me Jesucristo.

La'aqtaqa Ñim Lo'onatac 'Enauacna 2013

²² Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna ỹa'axa't de'era ñe'etaxaloxo da 'enauac maiche qomi' ỹoiqueeta'ape, qaq ỹoqo'oye de'era qanmeỹaxac maye ỹachaxanapec Ñim Lo'onatac 'Enauacna damaye ỹaconeguet nam huo'o da lpi'iỹaxac So Jesucristo.

Gálatas 3:22 Referans Kwoze

Romanos 11:32

Cha'ayi ñi Dios i'otec da lcoñitaguishic naq'en 'enauac na shiÿaxauapi da lasouaxashit, da yaqto' ñimayi ishit da imata da huo'o da lchoxonnataxanaxa 'enauac namayipi.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Gálatas 3:23

Qaq co'ollaq saxanaxa da nvi' de'eda npi'iÿaxac, nachi na nqataxacpi 'ico' da qomi' ÿapotau'alo, iuatta'a da qai'axategue ca llic da qaipi'iÿa'a so Jesucristo.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

2 Pedro 3:13

Qalaxayi qomi' seuataqta'aguet ca dalaxaic piguem qataq aca dalaxai 'alhua mayi ÿachaxanapec co'olloxochiyi ñi Dios, cam huaña da 'enauac qome na shiÿaxauapi no'on da lataxac qataq soxodaicpi.

2 Pedro 1:4

Qaq chigoqchigui damayi da huo'o mshi qami' ÿanema ñi Dios da ÿachaxanapec co'olloxochiyi mayi ÿataqta lta'adaic qataq qaica ca ivi' da lashiichiÿaxac, da yaqto' chigoqchigui de'eda ÿachaxanapec da qami' ishit da qanhuañiÿau'a da lataxac ñi Dios qataq ishit da qauataiueguesop na ishit da deshipaxanaqtaxan mayi chigaqaigui nam qauem nhuennataxacpi mayi huetalec ana 'alhua.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

Romanos 10:9

Cha'ayi da 'au'axat so Jesús da nachiso so 'adataxala', qataq da 'adquiyaqteÿaxac i'amaqten da ñi Dios nca'aleeguesop naq'en somayi da nleuaxa, nachi 'am qanca'alaxateec.

Romanos 5:12

Qaq chigoqchigui so 'oonolec shiÿaxaua da huo'o mshi huo'o da nasouaxashit ana 'alhua qataq da nleuaxa. Huaña, nachi da nleuaxa taigui 'enauac na shiÿaxauapi, cha'ayi 'enauac namayipi huo'o da lasouaxashit.

Romanos 3:23

cha'ayi 'enauac nam shiÿaxauapi huo'o da ÿasouaxat, qataq ÿataqta qaÿoqta ñim Dios mayi ishit da deca'alaqtaxan.

Hechos 16:31

Nachi soomayi 'ena'po': –Qomyi 'au'amaqten so qadataxala' Jesucristo, yaqto' 'am 'anca'aleec, qataq 'enauac ca 'ai'alaqpi.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Gálatas 3:17

Qaq dam shiitega 'eeta': Ñi Dios co'olloxochiyi i'ot so naÿamaxataxac da naÿamaxate' so Abraham. Qaq co'ollaq ime, nachi nanedelec. Qaq co'ollaq mashi ivi' naua cuatrocientos treinta vi'iyi, qanachi anac so nqataxacpi, chigoqchigui so Moisés. Qalaxayi se'eso nqataxacpi sa ishit da huo'otaq nlaxajñi se'eso aÿamaxataxac, qataq sa ishit da huo'otaq qaica ca naigui naq'en dam ÿachaxanapec ñi Dios.

Gálatas 3:14

Qaq damayi nachi qoÿina'ac, yaqto' da lqouagaxanaqtaic ñi Dios mayi ÿachaxanapecot co'olloxochiyi so Abraham, damayi qoÿami' nam sa ishit da judiopi da chigoqchigui qanqoÿin so Cristo Jesús; qaq yaqto' 'enauaque qomi' ishit da chigoqchigui da qadpi'iÿaxac da saconaxaguet som Espíritu Santo mayi ÿachaxanapec co'olloxochiyi ñi Dios.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,