Gálatas 3:17 - Nuevo Testamento Toba Sur

¹⁷ Qaq dam shiitega 'eeta': Ñi Dios co'olloxochiyi i'ot so naÿamaxataxac da naÿamaxate' so Abraham. Qaq co'ollaq ime, nachi nanedelec. Qaq co'ollaq mashi ivi' naua cuatrocientos treinta vi'iyi, qanachi anac so nqataxacpi, chigoqchigui so Moisés. Qalaxayi se'eso nqataxacpi sa ishit da huo'otaq nlaxajñi se'eso aÿamaxataxac, qataq sa ishit da huo'otaq qaica ca naigui naq'en dam ÿachaxanapec ñi Dios.

Nuevo Testamento Toba Sombrero Negro

¹⁷ Jenjo' jetaque ami ja'aĝatema: ga'me Dios yaqataĝañi ja naqaeda ta'le ua'edi yaqataqaten uotaĝa ja ya'uo 'te lajo'viyaĝac ga'me onolec namaĝajoĝonaĝac jo'ne Dios yanegue ca'li yenoĝodegue cuatrocientos treinta gaa'me 'uoidi.

La'aqtaqa Ñim Lo'onatac 'Enauacna 2013

¹⁷ Qaq dam sheetega 'eeta': dam ỹachaxanapec co'ollaxa Ñim Lo'onatac 'Enauacna, damaye saishet da naralaxat huo'otaq da qaica naqa'en ca naigui na namaxasoxonaxacpi maye ỹan Ñimaye co'ollaq mashe ivi' soua cuatrocientos treinta vi'iye.

Gálatas 3:17 Referans Kwoze

2 Corintios 1:20

cha'ayi somayi nachiso so ipacchigui naq'en 'enauac na ÿachaxanapecpi ñi Dios. Qaq ÿoqo'oyi da shi'oxodenaq ñi Dios, qaq chigoqchigui so Cristo Jesús da shinaqta' da qadasataxac, “Aja', nachida lataxac.”

Romanos 3:3

Qalaxayi ¿huá'ague ca 'eetec namayipi da huo'otaq sa ipaguelec de'eda n'aqtac? Qaq ¿peta'a ñi Dios nachi ÿaxaañi da sa ishit da ipaguelec da l'aqtac?

Colosenses 2:4

Qaq qami' sa'axatema de'eda, yaqto' sa ishit da huo'o ca qami' ÿatenachi't souaxat naua chochi n'onaxa't ltaxaÿaxaco mayi dashaxanataxa'n.

Gálatas 5:4

Qaq qami' mayi qaupi'itaxañiitega da qami' ÿaÿamaxadeete' ñi Dios souaxat da qau'ochiitac nam nqataxacpi, nachi qami' ÿataqta qoquiÿa'ai so Cristo qataq da lsoxoyic ñi Dios.

Gálatas 3:15

Qami' ÿaqaÿañicpi, huo'o da saloqnaxana, damayi chigaqaigui na yi'oqchigui shiÿaxauapi, 'eeta': Ca shiÿaxaua da huo'otaq naÿamaxate' ca lÿa, huo'otaq da i'ot aca l'aqtac lmalate, qaq da ime, nachi nanedelec. Huaña, nachi sa ishit da huo'o ca ishit da nsogoñi, huo'otaq da ishit da nqochinaxateec.

1 Corintios 1:17

Cha'ayi so Cristo sa ishit da aÿim ÿamaxalec da sachilaxanataxan. Chaqdata da aÿim ÿamaxalec da sa'axattac da nca'alaxa. Qalaxayi sa ishit da so'onataxana ca laÿajnec ca chochi shiÿaxaua, yaqto' sa ishit da huo'otaq saqca ca naigui da l-leuaxa so Cristo co'ollaq qaiuaxaneuo.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

1 Pedro 1:20

So Cristo nal'ena da qaÿaqataxaatapigui' co'ollaq saxanaqaca ana 'alhua da qoÿan, qalaxayi chaqnacta nagui da mashi pa'atreec naua na'axa'te, nachi yi'oq somayi, souaxat da qoñiita.

Hebreos 11:13

Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Hebreos 7:18

Qaq ÿoqo'oyi se'eso hua'auchiguiñi namaxasoxonaxac, somayi qansoguiñi, cha'ayi somayi qaica ca l'añaxac, qataq qaica ca naigui.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

2 Corintios 9:6

Qaq qauennachiÿa'a qome de'eda shinapec, 'eeta': Ca saq 'amaqtaq ca ÿaañi, qaq nataq'en saq 'amaqtaq ca nqat; qaq ca qalota ca ÿaañi, qaq nataq'en qalota ca nqat.

1 Corintios 10:19

Sa ishit da shiitega da ÿataqta huo'o naq 'enec ca nqolac, huo'otaq na nachitaqtaxanaxat lapat da huo'otaq saq 'en'am ca lÿa.

1 Corintios 7:29

Qami' ÿaqaÿa't, da sauotaique shinapec 'eeta': Mashi sa qaÿadauec naua na'axa'te mayi soqolaqtaiguilo. Ÿoqo'oyi nagui na mashi huadon no'on da 'eeta'am da sa ishit da huo'o aca lhua,

1 Corintios 1:12

Qaq ÿoqo'oyi yi'oqta da qoñiita da ÿotta'a't naua qadtaxaÿaxacolli'. Cha'ayi huo'o na 'eeta': “Aÿim ÿataxala' so Pablo;” qataq huo'o na 'eeta': “Aÿim ÿataxala' so Apolo;” qataq huo'o na 'eeta': “Aÿim ÿataxala' so Pedro;” qataq huo'o na 'eeta': “Aÿim ÿataxala' so Cristo.”

Romanos 3:25

Ñi Dios ÿan so Cristo, da yaqto' da l-leuaxa chigoqchigui naq'en da ishit da ÿapalaxat na nasouaxashitpi. Qaq damayi chigoqchigui da qaipi'iÿa'a somayi. Qaq de'eda 'eetec ñimayi, nshitaique da qaÿaÿaten da ishit da i'ot ca ÿaÿamaqchiguiñi, cha'ayi da lhualaxavic ñimayi ÿataqta sa ishit da ilogui som hua'au nasouaxashitpi.

Hechos 7:6

Ñi Dios nataq'en 'enapego' somayi da ca llalaqpi qome taÿa'a da netalec ca ÿaqa'a 'alhua, 'eeta'am ca ÿaqa'a ca chigaqa'ague, nachi chochi nlatacpi qataq ÿataqta huo'o da n'enaguec, chochi ivittrauec caua cuatrocientos vi'iyi.

Gálatas 5:16

Da shiitega 'eeta': Ÿataqta qoquiitegue qome ca 'eetapeguec so Espíritu Santo, yaqto' sa ishit da qoquiitague' cam 'eetapeguec da qadapachiyaxaqui.

Efesios 2:12

Nachi qami' co'ollaxa sa ishit da qauauattoñi so Cristo, qataq sa ishit da qanqachiu'a na llalaqpi so Israel, qataq sa ishit da qauaÿajñi nam aÿamaxataxacpi qataq dam ÿachaxanapec ñi Dios co'olloxochiyi. Qaq chochi qoviitalec ana 'alhua, qaica ca qanaquitaxaqui qataq sa ishit da qauauattoñi ñi Dios.