Gálatas 3:16 - Nuevo Testamento Toba Sur

¹⁶ Qaq ñi Dios huo'o co'ollaxa so ÿachaxanapecot so Abraham qataq cam llalec. Qaq nam ñiyigui'shi l'aqtaqa ñi Dios sa ishit da 'eeta': “ca llalaqpi,” da 'eeta'am da huo'otaq qalota cam detaqtega shiÿaxauapi. Cha'ayi ñimayi 'eeta': “ca 'ai'alec.” Qaq damayi naigui qone' da 'oonolec ca qaitaqtega shiÿaxaua. Qaq somayi nachiso so Cristo.

Nuevo Testamento Toba Sombrero Negro

¹⁶ Qama'le nayi, gaa'me jo'ne yaqataĝadiñi ñe'me Dios jo'ne 'yetem ca'li ñe'me Abraham, nach'egaua qoyeloĝonaĝachiguilo ñe'me nataq'aen ga'tae'me c'oĝot. Daa'me nedii's ja 'yaĝatetedac ga'me qoyaqataĝañi ta'le qoyeloĝonaĝachiguilo “gaa'me c'oqo'tepi”, dite da'me qoyeloĝonaĝachigui “ga'me c'oĝot”, jo'ne nach'eñe Cristo.

La'aqtaqa Ñim Lo'onatac 'Enauacna 2013

¹⁶ Qaq nagui da ỹachaxanapecot Ñim Lo'onatac 'Enauacna co'ollaxa so Abraham maiche lalamaxat somaye qataq ca llalec. Qaq naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna saishet da 'eeta': «ca llalaqpi,» nachaqrata da 'eeta': «ca 'aỹa'alec.» Qaq damaye naigui qone' da 'oonolec ca qaitaqtega shiỹaxaua. Qaq camaye nacheso So Cristo.

Gálatas 3:16 Referans Kwoze

Romanos 4:13

Cha'ayi ñi Dios ÿachaxanapecot co'ollaxa so Abraham qataq cam llalaqpi ana 'alhua da ÿauo'o lalamaxat lma'. Qalaxayi de'eda qaÿachaxanapec sa ishit da huo'otaq chigoqchigui da souaxat da ÿalaxalec nam nqataxacpi so Abraham. Mayi souaxat da somayi huo'o da lpi'iÿaxac ñi Dios. Nachi ñi Dios ÿaÿamaxadeeta somayi, nachi ÿamata'ac da no'on shiÿaxaua.

Lucas 1:55

Qaq damayi nachi 'eetai' da ÿachaxanapeguem co'olloxochiyi so hua'au qadta'alpi, som Abraham qataq so llalaqpi.

Romanos 4:16

Qaq ÿoqo'oyi de'eda qaÿachaxanapecot so Abraham, damayi chigoqchigui qanqoÿin da npi'iÿaxac, da yaqto' chochi qoÿaatem, qataq yaqto' nachi 'eetai' da hueto'ot 'enauac cam llalaqpi. Qaq damayi 'eeta': De'eda qaÿachaxanapec sa ishit da nachaqnata nam ÿalaxaguet nam nqataxacpi da ÿaconguet, cha'ayi nataq'en 'enauac nam da'amqajnataxan, 'eeta'am so Abraham. Huaña, nachi somayi qoÿanagui da 'enauac qadta'a,

Gálatas 3:8

Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Hechos 3:25

Qaq de'eda ÿachaxanapec co'ollaxa ñi Dios da ÿan, mayi i'aqtaxanaxanec so l'aqtaxanaxanecpi, damayi qadalamaxachi. Qataq ñimayi i'ot da ÿauotaique qadaÿamqai co'ollaq naÿamaxate' som hua'au qadta'alpi, nachi 'enapega so Abraham, 'eeta': “'Enauac qome na ÿotta'a't shiÿaxauapi mayi huetalec ana 'alhua huo'o da nqouagaxa, ÿachigoxotchigui cam 'ai'alaqpi.”

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

1 Corintios 12:27

Qaq qami' mayi nachiqami' l'oquiaxac so Cristo. Ñi 'oonolec da qoñiita n'attau'a de'eda n'oquiaxac.

1 Corintios 12:12

Cha'ayi so Cristo 'eeta'am da 'oonolec n'oquiaxac mayi saqalota na logoxoshitpi. Qaq ne'ena logoxoshitpi, nai'ctaxa da saqalota, qalaxayi n'atta'a't, 'oonolec da n'oquiaxac.

Romanos 12:5

Qaq nachi 'eetec nataq'en qomi', nai'ctaxa da ÿataqta qomi' qalota, qalaxayi 'oonolec da qad'oquiaxac da ñi'adaqtau'a so Cristo. Qataq ñi 'oonolec da shinaqta ÿataqta n'atte' ca lÿa, nachi 'eeta'am da 'oonolec da n'oquiaxac.

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.

Efesios 5:32

Qaq ÿoqo'oyi de'eda sa'axattac ÿataqta lta'adaic da naigui mayi saq cha'a. Damayi i'axat da 'eetec so Cristo qataq na 'amqajnataxanaxaicpi.

Mateo 1:1

Ana'ana nachana ana nanedaxalate som hua'au lta'alpi so Jesucristo som chigoxoguet so nta'a David qataq so Abraham.

Romanos 9:4

Cha'ayi namayipi maichi llalaqpi so Israel, qataq ñi Dios ÿaconguet namayipi da 'eeta'am naq'en da llalaqpi. Ñi Dios ÿataqta hueta'aguet co'ollaxa naq'en namayipi da lli'oxoyic qataq da chigoqta'ague somayipi ÿanem ñi 'oonolec da naÿamaxataxac, qataq ÿanem so nqataxacpi mayi chigoqo'ot naq'en so Moisés, qataq dam lataxac da qaÿi'oxoden ñimayi da huaigui aso ñi'oxonnataxanaxaqui, qataq ÿanem nam ÿachaxanapecpi.

2 Corintios 11:22

¿Namayipi peta'a hebreo l'ecpi? Qaq nataq'en aÿim. ¿Namayipi llalaqpi so Israel? Qaq nataq'en aÿim llalec somayi. ¿Namayipi maichi laualpi so Abraham? Qaq nataq'en aÿim.

Gálatas 3:19

Nachi ¿negue'to' qone' cam naigui na nqataxacpi mayi chigoqo'ot so Moisés? Qomyi namayipi ÿaqa'aguet qanqoÿin, da yaqto' ishit da ÿachaxan na nasouaxashitpi. Nachi namayi do'onataxan, chochi ivitta'a da nvi' que'eca ñalec mayi taÿa'a de'eda qaÿachaxanapec. Ne'ena nqataxacpi co'ollaq qai'axat, qalaq chigoqchigui qanqoÿin so namaxashicpi piguem l'ecpi. Qaq so Moisés qalaq taiguet da ntaxaÿaxanaxanec.