Gálatas 3:1 - Nuevo Testamento Toba Sur

¹ ¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Nuevo Testamento Toba Sombrero Negro

¹ Ami Galacia laje', ¡yataqachiñe ja ami 'te damite' qaedi maqachaĝa auetadenataĝañi! ¿Jach'e jogamaĝa ami yeda'n? Naqayem joote ami janema ga'me yoqotenaĝanaĝac jo'ne yataqachiñe di'yoqo'tegue, ga'me eeta da'me leleuaĝa ñe'me Jesucristo ca'li qoyep'elegue jaga'me sodoso.

La'aqtaqa Ñim Lo'onatac 'Enauacna 2013

¹ ¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Gálatas 3:1 Referans Kwoze

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Gálatas 1:6

Aÿim ÿataqta lta'adaic da i'aalaxa da qoñiita, yi ÿataqta saqaÿalqo' da qoquiÿa'ai ñi Dios ñim ÿachigoxotchigui da lauotaxanaqtaic da shinaqta so Cristo co'ollaq qami' iÿaxanalo. Ÿataqta sa'aalac da qoquiigue da ÿaqa'a n'aqtaxanaxac mayi qoÿiitega chigaqaigui da nca'alaxa.

1 Pedro 4:17

Cha'ayi mashi ivita yi laloqo' da qai'auaxaachiguiñi da qanmit ñi 'oonolec nam llalaqpi ñi Dios. Qaq da qai'auaxaachiguiñi da shinaqta, qaq ¿chaxan 'eetec qome ca loga't nam sa ishit da ÿalaxaguet da l'aqtac ñi Dios?

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Hebreos 11:8

So Abraham nataq'en chigoqchigui da lpi'iÿaxac co'ollaq ñi Dios iÿaxana, qalaq somayi ÿataqta ÿalaq da jec, nqo'ona so 'alhua mayi ÿachaxanapecot ñi Dios da ÿanem. Nachi somayi ca'ai so lma', sa ishit da ÿaÿaten cam dataigue.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Gálatas 4:9

Qalaxayi nagui da qauauattoñi ñi Dios, huo'otaq da ñimayi qami' ÿauatto'n, nachi ¿táloxochiyictoxo' qami' da qaltaq qavi'iguelaqaitega dam napaxaguenataxanaxac mayi qaica ca l'añaxac qataq qaica ca naigui da qaltaq qoviito'ot, da yaqto' qami' l-lataqa?

Gálatas 3:3

¿Tá'ainco' qami' yi ÿapacteec da qaica ca qauaÿajñiÿapec? ¿Qami' qaupi'itaxañiitega peta'a da maichi qaumachi da qau'ochi dam dalaxaic qanachaalataxaqui mayi chigoqo'ot so Espíritu?

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Efesios 5:15

Qaq ÿoqo'oyi ÿataqta qauloitegue qome da qadataxaqui. Sa ishit da qoñiita'am cam saqca ca ÿaÿajnapec. Chaqdata da qoñiita'am ca ÿajnaxanaxaic.

1 Timoteo 6:4

que'eca shiÿaxaua chochi n'amqajnaxaic, qalaxayi qaica ca ÿaÿaten. Ÿoqo'oyi lqopitaxat da chochi nmitta'ai da ÿauotaique ncotaxaqui na n'aqtacpi. Qaq de'eda 'eeta'am ca yi'oqchigui lalolaxa. Qaq de'eda nachida da chigoqtapoigui da pa'aguenaxac, cotaxac, nshiunaxanaxac, qataq da qaipettega ca nÿa,

Gálatas 2:14

Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

1 Corintios 11:26

Qaq ÿoqo'oyi da ivita da qolliqui ana'ana pan, qataq qanÿomiigui ana'ana ÿomaxaqui, nachi 'en'am da qau'axachiitac da l-leuaxa so qadataxala' Jesús, chochi ivitta'a ca na'a'q qom ñi'iguelaq.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Romanos 6:17

Qalaxayi huo'o da qan'achic ñi Dios souaxat da qoñiita mayi qami' l-lataqa co'olloxochiyi da ñi'itaxaloxo, qalaxayi nagui ÿataqta imauec da qadquiyaqteÿaxaqui da qaualaqaiguet dam lataxac da napaxaguenataxanaxac mayi qami' qoÿanema.

Romanos 2:8

Qalaxayi idolec qome da layiloxo qom ÿauo'o ca nhuaxanaguec nam i'ottac ca maichi 'eetapeguec qataq sa ishit da ÿalaxalec da 'eesa lataxac, chaqnata nam sa ÿaÿamaxañisat.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Apocalipsis 18:3

Cha'ayi 'enauac nam ÿotta'a't shiÿaxauapi ÿataqta quichigui da nquishishaxac, 'eeta'am da huo'otaq qanÿomaxangui na lataxa. Qataq 'enauac nam nta'alpi mayi ilotague' nam huetalec ana 'alhua ÿataqta nquishistapegue' yimayi, 'eeta'am aca 'alo. Qataq 'enauac nam nmenaxaicpi mayi huetalec ana 'alhua ÿataqta isallaqchit nam qalota lqopitaxanaqtaic yimayi.

2 Ts 1:8

Anaga da ÿauo'o da nhuaxanaguec na sa ÿoqocha'a ñi Dios qataq sa ÿalaxalec da no'on qad'axaÿaxac mayi n'aqtaguec so qadataxala' Jesucristo.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

2 Corintios 10:5

da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

Romanos 10:16

Qalaxayi sa ishit da 'en'a't da qaÿoqocha'a de'eda n'aqtaxanaxac mayi i'axat da nca'alaxa. Qaq ipacchigui da l'aqtac so Isaías co'ollaq 'eeta': “'Am ÿataxala', ¿negue'tom ca ishit da i'amaqten da qad'aqtaxanaxac?”

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Mateo 7:26

Qaq cam aÿim n'axaÿaxaatega, qalaq sa ishit da i'ot de'eda shiitega, qalaq camayi 'eeta'am ca shiÿaxaua mayi qaica ca ÿaÿajnapec, da n'oxootelec naq'en aca delec da n'oxooshiguem ca lma'.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Gálatas 1:2

Aÿim qataq 'enauac nam qadqaÿañicpi mayi aÿim hueta'aguet qami' samaxasaxalo ana qodede, qami' 'amqajnataxanaxaicpi mayi qoñiitaña na 'alhua Galacia.

Gálatas 5:11

Qaq aÿim, qami' ÿaqaÿa't, da huo'otaq ñaq saqattega da qaÿauo'o ca n'anaxat ca shiÿaxaua, qaq na judiopi sa ishíttaxa da aÿim icaatac. Cha'ayi da nachi 'eetec de'eda, nchi n'aqtaguec da l-leuaxa so Cristo co'ollaq qaiuaxaneuo, damayi sa ishit da huo'otaq inogoqchit namayipi.