Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.
Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.
Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.
Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.
yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.
Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.
Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.
Qalaxayi ñaqaiyita sa ishit da shi'iÿalec ana'ana ÿide da qami' samaxalo da sa'axatta 'enauac namayipi, yaqto' sa ishit qome da qaucouai'ai. Cha'ayi maichi chigoqchigui naq'en da lqouagaxanaqtaic ñi Dios da aÿim ÿanagui da i'onataxanaxac,
Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.
Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.
Nachi so Jesús ÿamaq so Pedro qataq so Juan, nachi 'enapegalo', 'eeta': –Qoquii qome, qauqataxañiÿai' cam qonoq qom qaiuennate so na'a'q mayi qanayica'ai yi Egipto.
Ime, nachi so Andrés ÿauec so Simón da ÿauega ca netaña so Jesús. Qaq so Jesús co'ollaq ila'aguet somayi, nachi 'enapega, 'eeta': –'Am Simón mayi 'am llalec so Jonás, nagui 'am qaÿamata'ac da 'ad'enaxat Cefas –de'eda n'enaxat naigui da Pedro, coma'.
Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.
Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.
nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.