Gálatas 2:20 - Nuevo Testamento Toba Sur

²⁰ Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Nuevo Testamento Toba Sombrero Negro

²⁰ qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

La'aqtaqa Ñim Lo'onatac 'Enauacna 2013

²⁰ Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Gálatas 2:20 Referans Kwoze

Gálatas 5:24

Qataq ca shiÿaxaua mashi sogote da lalamaxat so Cristo, nachi camayi 'eeta'am da sogote da qaiuaxaneuo da l'oquiaxac, lÿatchiguem 'enauac na lqopitaxanaqtaic qataq nam 'eetapeguecpi.

2 Corintios 5:15

So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.

Romanos 6:8

Cha'ayi qomi' da mashi seleuaqtañi' so Cristo, qataq sa'amaqtenaq da nachi qanachaalataxaua somayi.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.

2 Corintios 13:5

Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

1 Ts 5:10

Somayi qomi' ileualguete, cha'ayi nshitaique da qanachaalataxaua, nai'ctaxa da na ñica'alaqtauec, huo'otaq mashi qadeleu.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Romanos 8:37

Qalaxayi 'enauac namayipi senoxotaqchiviigui. Chaqdata da ÿataqta qomi' 'añaxaiqa, da qad'añaxac chigoqchigui som qomi' lauotaqa'te.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Filipenses 4:13

Aÿim ishit da ñala'aguet 'enauac na chochaqna, cha'ayi so Cristo aÿim ÿanem da i'añaxac.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Gálatas 3:11

Qaq ÿoqo'oyi ÿataqtegue da lataxac da sa ishit da chochi huo'o ca ÿaÿamaxadeeta ñi Dios da souaxat da i'ottac cam damaxasoxoolec na nqataxacpi. Cha'ayi naua ñiyigui'shi l'aqtaqa ñi Dios 'eeta': “Cam ÿaÿamaxadeeta ñi Dios, camayi da nachaalataxac ÿachigoxotchigui da lpi'iÿaxac.”

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

2 Corintios 13:3

Qaq huaña qome, nachi qami' qanauañi' cam qanmichiitaique mayi ichoxot da so Cristo aÿim detaxaigui. Qataq so Cristo yi sa ishit da saqca ca l'añaxac da huo'o ca qami' 'ena'aque, chaqdata da somayi yi'oq da l'añaxac da qami' huetaiguilo.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Juan 10:11

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Apocalipsis 3:20

Qaq ña 'aula'a da aÿim sootaigui na lasom, seÿaxaatac. Qaq da huo'o ca hua'axaÿa da iÿaxanaxac, qaq da aÿim nauateguet, nachi aÿim senoxonoigui ca lma'. Ime, qaq qomi' nqui'axa'u.

1 Pedro 1:8

Cha'ayi qami' ÿataqta qauauochiic so Jesucristo, nai'ctaxa da sa qauauañiigui; qataq da qau'amaqchiñi nagui, nai'ctaxa da saxanaxa da qauloÿo'ot, qataq ÿataqta huo'o da lli'oxoyic da lta'adaic qadamaxayiqui. Qaq damayi sa ishit da qaivi' da qai'axategue.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Juan 15:13

Qaq dam nauotaxanaqtaic mayi ÿataqta lta'adaic 'eeta': Ca shiÿaxaua ishit da ÿaalec da nachaalataxac na nauochaxauapi.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

2 Corintios 10:3

Cha'ayi 'eesa da chochi qomi' shiÿaxa'u, qalaxayi sa ishit da shinaqta'am na shiÿaxauapi mayi huetalec ana 'alhua da huo'otaq deloqui.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 1:49

Nachi so Natanael 'enapeco': –'Am mayi 'auapaxaguenataxaatac, nachi'am llalec ñi Dios, qataq nachi'am lta'a na Israel llalaqpi.

2 Corintios 1:24

Cha'ayi qomi' sa ishit da sauoqtaique da qami' sapaxaguenaxaque ca qad'amqajnataxanaxaqui, cha'ayi da qadpi'iÿaxaqui mashi ÿaÿamaqchiguiñi. Chaqdata da sauoqtaique da qami' setauana'q, da yaqto' nquic da qantonaxaqui.

Hechos 9:20

Qaq co'ollaq ime de'eda, nachi so Saulo da'aqtaxaatapoigui ana laponaxaquipi na judiopi, i'axattac so Jesús da nachiso so llalec ñi Dios.

Efesios 5:25

Qataq ca ÿale mashi huadon ÿataqta ÿauotec aca lhua, 'eeta'am nataq'en so Cristo da ÿataqta ÿauotec na 'amqajnataxanaxaicpi, qataq nañanguet da ileualec namayipi.

2 Corintios 5:7

Qaq soqolaqtelec qome da qadpi'iÿaxac, qaq sa ishit da nachica ca yi'oqchigui da seloqtagui.

Juan 3:35

Cha'ayi ñi lta'a Dios ÿataqta ÿauotec so llalec, ÿoqo'oyi ÿataqta imato'ot 'enauac nam lalamaxatpi.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

Hechos 8:36

Qaq co'ollaq ivitra som huaña da huo'o na 'etaxat, nachi se'eso nta'a 'enapeco': –Ne'ena huo'o na 'etaxat, qaq ¿sa ishito' peta'a da aÿim qanachilaxan?

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

Romanos 3:22

De'eda 'eetec da ñi Dios ishit da qomi' ÿaÿamaxadeete', damayi chigoqchigui da qaipi'iÿa'a so Jesucristo, qaq ÿanem 'enauac nam da'amqajnataxan. Qaq sa ishit da lca'atagui na shiÿaxauapi,

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Romanos 5:6

Cha'ayi co'ollaq souaqtaigui da qaica ca qad'añaxac da maichi ñica'alaxataxala't, nachi so Cristo ileualec na qauemaicpi co'ollaq ivita so laloqo' naq'en ñi Dios.

Romanos 5:8

Qalaxayi da ÿoqta ichoxot da ñi Dios qomi' ÿauoteque 'eeta': So Cristo qomi' ileualguete naq'en, nai'ctaxa da qomi' ñaq souaqtaigui da qayi'itaxaloxo.

Romanos 8:10

Cha'ayi so Cristo da mashi qami' nachattaiguilo, nachi nca'aleec som qoquiÿapegue' qadqui'ii, cha'ayi mashi ime da qami' ÿaÿamaxadeete' ñi Dios, qaq nai'ctaxa da huo'otaq de'eda ñi'itaxaloxo ishit da ÿalauat da qad'oquiaxaqui.

Romanos 14:7

Cha'ayi sa ishit da huo'o ca 'oonolec da shinaqta da maichi lalamaxat da nachaalataxac, qataq qaica ca chochi maichi lalamaxat da l-leuaxa.

1 Corintios 6:17

Qaq ÿoqo'oyi ca 'oonolec shiÿaxaua da n'attau'a so qadataxala', nachi 'eeta'ama da 'oonolec, cha'ayi ncoñittragui so Espíritu Santo.

2 Corintios 5:14

Da lsoxoyic so Cristo nachida da qomi' ÿama'q, cha'ayi qomi' saÿajnaqta da 'oonolec so ileualec 'enauac na shiÿaxauapi, qaq ÿoqo'oyi 'enauac namayipi nataq'en 'eeta'am da ileu.

2 Corintios 11:10

Qaq ÿataqta aÿim 'eesa da sauattoota da 'eesa lataxac mayi chigoqo'ot so Cristo, qataq saÿateeta nataq'en da sa ishit da huo'o ca nqat da i'ot da ñitonaxac nam netaña yi 'alhua Acaya.

Filipenses 1:21

Cha'ayi da ñachaalataxac mashi nachattaigui so Cristo, qaq ÿoqo'oyi da seleu, qataq ÿacteec ñaq'en da 'onaxaic.

Hebreos 8:3

Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.