Gálatas 2:19 - Nuevo Testamento Toba Sur

¹⁹ Cha'ayi aÿim mashi sogote da 'eeta'am da seleu, da yaqto' sa ishit da aÿim ÿauectac na nqataxacpi mayi chigoqo'ot so Moisés. Qaq nachiso se'eso nqataxac so aÿim ÿalauat, da yaqto' aÿim ñica'aleec, da yaqto' so'onataxanot ñi Dios.

Nuevo Testamento Toba Sombrero Negro

¹⁹ Gaa'me namaĝajoĝonaĝaco jayem yachetalegue da'me neleuaĝa, qama'le ena'am ta'le jeleu, qa'a jouaĝat gaa'me namaĝajoĝonaĝaco. Qalaĝaja ¡nayi ñec'aletaye q'aen ñe'me Dios! Yataqachiñe eja da'me ena'am ta'le jayem qoyep'enajeguem, jouetalegue jaga'me sodoso, joueta'ñe' ñe'me Jesucristo,

La'aqtaqa Ñim Lo'onatac 'Enauacna 2013

¹⁹ Qaq souaxat na namaxasoxonaxacpi, nache aỹem 'eeta'am da seleu. Qalaxaye nagui, ¡aỹem ñeca'alec da yaqto' so'onataxanot Ñim Lo'onatac 'Enauacna!

Gálatas 2:19 Referans Kwoze

Romanos 7:4

Qaq nachi 'eetec nataq'en qami' ÿaqaÿadolqa mayi qan'ayiitau'a da l'oquiaxac so Cristo, 'eeta'am da mashi qaullivi, da yaqto' qoquiÿa'ai na nqataxacpi, da yaqto' ishit da 'ico' qaltaq qauadoñi. Nachi nagui qaq qami' lalamqa'te so Cristo som nca'alaxateeguesop naq'en ñi Dios da nleuaxa, da yaqto' so'onataxanqot ñi Dios da so'otaq ca ÿaÿamaqchiguiñi.

Romanos 6:2

¡'A'i, sa ishit! Cha'ayi qomi' mashi soqolqa'ai da ñi'itaxaloxo, qaq 'eeta'am da mashi 'ico' qomi' leuaxaiqa. Qaq ÿoqo'oyi ¿táloxochiyictoxo' da ña soqolaqtalec da so'otaqtac damayi?

1 Ts 5:10

Somayi qomi' ileualguete, cha'ayi nshitaique da qanachaalataxaua, nai'ctaxa da na ñica'alaqtauec, huo'otaq mashi qadeleu.

2 Corintios 5:15

So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.

Romanos 6:11

Qaq ÿoqo'oyi nataq'en da qoñiita qoquiÿa'ai qome na nasouaxashitpi, nachi 'eeta'am qanqashiñi da 'ico' mashi qami' leuaxaiqa. Cha'ayi da qanachaalataxaqui lalamaxat qanqashiñi ñi Dios, cha'ayi mashi qoviito'ot so Cristo Jesús som qadataxala'.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Romanos 6:14

Cha'ayi de'eda ñi'itaxaloxo mashi sa ishit da qami' ÿamaqta'pe, cha'ayi qami' sa ishit da qoviito'ot da lamaxasoxonaxac na nqataxacpi, chaqdata dam lqouagaxanaqtaic ñi Dios.

1 Pedro 4:6

Cha'ayi nam mashi ileu, qalaq ivida'a da qai'aqtaxanem da n'aqtac, yaqto' da nachaalataxac saq cha'a ishit da nca'altauec da 'eeta'am da nachaalataxac ñi Dios. Qaq nai'ctaxa da co'ollaq huetalec ana 'alhua, qaq sogote da qanmit da 'eeta'am 'enauac na shiÿaxauapi.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Colosenses 2:20

Cha'ayi qami' sogote da qadleuaxauai so Cristo, qaq mashi qai'axañiiuec nam lhuennataxacpi na shiÿaxauapi da tatapigui lauel nam chochaqna. Qaq ¿tá'ainco' yi 'eeta'amo' da ña qoviitaigui da qau'ochiitac nam 'onataxacpi mayi huetalec ana 'alhua? Yi qanañañiiguet da qau'ochi ne'ena napaxaguenataxanaxacpi

Gálatas 3:24

Qanachi ne'ena nqataxacpi co'ollaxa chochi qomi' ilotagueto, 'eeta'am naq'en qomi' ca nogotolec da qomi' ÿapaxagueeta'pe, ivitta'a co'ollaq nvi' so Cristo, yaqto' da sa'amaqtenaq somayi, nachi ñi Dios ishit da qomi' ÿaÿamaxadeete'.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Colosenses 3:3

Cha'ayi qami' mashi qadleuaxauai so Cristo, qaq nagui da qanachaalataxaqui hueto'ot somayi da n'attau'a ñi Dios.

Gálatas 3:10

Qaq ÿoqo'oyi nam ÿachito'ot da lpi'iÿaxac nam nqataxacpi mayi chigoqo'ot so Moisés, namayipi huetalec da lta'adaic nhuaxanaguec. Cha'ayi naua ñiyigui'shi n'aqtaqa 'eeta': “'Enauac nam sa ishit da ipaguelec nam 'enapecpi nam 'enauac nanettalec anam nanedaxalate na nqataxacpi, nachi namayipi huetalec da lta'adaic nhuaxanaguec.”

1 Corintios 10:31

Qaq da huo'otaq qauqui'ii, huo'otaq qanÿomi, huo'otaq huo'o ca lÿa qau'ochi, qaq no'on da qai'añiitoigui qanqashiñi da 'enauac qaÿi'oxoden ñi Dios.

Romanos 7:14

Cha'ayi qomi' saÿajnaq da saq cha'a na nqataxacpi. Qaq aÿim, qalaxayi yi'oqchigui da chochi aÿim shiÿaxaua, shiita'am da 'ico' aÿim qaimen da yaqto' aÿim l-latac da ñi'itaxaloxo.

Romanos 5:20

Cha'ayi nam nqataxacpi anac, da yaqto' ishit da nquicteec da yi'oq naq'en na nasouaxashitpi. Qalaxayi co'ollaq nquicteec na nasouaxashitpi, nachi da lqouagaxanaqtaic ñi Dios nataq'en ÿataqta nquiguishiguem.

Romanos 4:15

Cha'ayi nam nqataxacpi ishit da i'ot ca nhuaxanaguec ca shiÿaxaua. Qalaxayi cam huetaña da qaica na nqataxacpi, nachi sa ishit da huo'o ca sa ÿalaxalec namayipi.

1 Corintios 9:20

Naxa da sootaigui na judío l'ecpi, nachi se'enaxat da lliquiaxac namayipi, yaqto' ishit da ñauec. Namayipi quetague' da lliquiaxac na nqataxacpi mayi chigoqo'ot so Moisés. Qaq nataq'en aÿim souaxaÿot na nqataxacpi, nai'ctaxa da sa ishit da ÿoqta shictague' ne'ena nqataxacpi.

Gálatas 6:14

Qaq aÿim, qalaxayi sa ishit da huo'o ca ñi'amqajnaxac; chaqdata da l-leuaxa so qadataxala' Jesucristo co'ollaq qaiuaxanguet so npe'enaxaqui. Cha'ayi nachi chigoqchigui de'eda l-leuaxa so Cristo co'ollaq qaiuaxaneuo da huo'o mshi 'enauac na huetalec ana 'alhua 'eeta'am ñaq'en da leuaxaic, qataq aÿim 'eeta'am naq'en da aÿim leuaxaic.