Gálatas 1:5 - Nuevo Testamento Toba Sur

⁵ Qaq ÿoqo'oyi ¡nachi 'eetai' qome da qaÿi'oxodeetac ñi Dios! Aja', nachi 'eetec de'eda.

Nuevo Testamento Toba Sombrero Negro

⁵ ¡'Noota qom nach'e eta't 'ñonaĝataĝaye joñe'me! Jaja'a, nach'e naq'aeta da'me dojo'.

La'aqtaqa Ñim Lo'onatac 'Enauacna 2013

⁵ Qaq ỹoqo'oye ¡nache 'eetai' qome da qaỹo'oxoreetac Ñim Lo'onatac 'Enauacna! Aja', nache 'eetec de'era.

Gálatas 1:5 Referans Kwoze

Romanos 11:36

Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Apocalipsis 14:7

Nachi somayi ÿataqta n'axannec da l'aqtac, 'eeta': –Ÿataqta huo'o naq 'enec qome qanqashiñi ñi Dios, qataq qavi'oxoyiñi, cha'ayi mashi ivita yi laloqo' da ñimayi nmit na nasouaxashitpi. Qaq qavi'oxoyiñi qome ñim l'onatac na piguem, qataq ana 'alhua, qataq aso auaxai, qataq anam lapelpi mayi npaxaatashiguem na l'ec.

Apocalipsis 7:12

qoÿiita': ¡Aja', nachi 'eetec! Da ñi'oxonnataxanaxac, ñi'oxoyic, qataq da naÿajnec, tonaxac, qataq n'amaqchic, namaxasoxonaxac, qataq da n'añaxac, damayi qoÿanot ñi qadta'a Dios, qaq damayi qaica qome ca loga't qanqoÿin. Aja', nachi 'eetec.

Apocalipsis 5:12

Qaq ÿataqta nlamaxaden da lavilÿaxac, 'eeta': Ñim qagueta llalec mayi qaÿalauat co'ollaxa da qaÿauo'o nachitaqtaxanaqte, ñimayi ÿataqta 'itchiguiñi da qoÿanem da damaxasoxonapec qataq da nsallaxa, naÿajnec, qataq da n'añaxac, n'amaqchic, ñi'oxoyic, qataq ñi'oxonnataguec.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

1 Pedro 5:11

Qaq ñimayi mayi lalamaxat da lli'oxoyic qataq da l'añaxac mayi chochaq tateec. Aja', nachi 'eetec.

2 Timoteo 4:18

Qaq nachi taÿaueegue da aÿim ntelaqna'aguet 'enauac na sa ÿaÿamaxañisat, chochi aÿim ividaxatta'a da aÿim inoxonaqchiteu'a ca l'onataxanaxac mayi hueta'ague da piguem. Qaq somayi mayi hueto'ot da qadyacnataxanaxac chochaq tateec. Aja', nachi 'eetec de'eda.

1 Timoteo 1:17

Ÿoqo'oyi nagui sanaxam ñi qadta'a Dios da qayi'oxonnataxanaxa qataq da qadyacnataxanaxac mayi chochi tateec. Ñimayi qaica ca loga't, qataq sa ishit da qaila'a. Ñim Dios mayi qaica ca lÿa 'en'am, qataq ÿajnaxanaxaic. Aja', nachi 'eetec de'eda.

Filipenses 4:20

¡Qaq ñim qadta'a Dios ÿataqta nachi 'eetai' qome da ñi'oxonnataguec! Aja', nachi 'eetec.

Efesios 1:12

Qaq 'eetec de'eda ñimayi, yaqto' qomi' mayi l'auaxanqa da sepi'aqa'a so Cristo da qanachaalataxac ishit da chigoqchigui da qaÿi'oxodeetac ñimayi souaxat da l'amaqchic.

Romanos 16:27

¡Qaq ñim Dios, mayi qaica ca lÿa qataq ÿajnaxanaxaic, nachi 'eetai' qome da qaÿi'oxodeetac, souaxat so Jesucristo! Aja', nachi 'eetec.

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Mateo 28:20

Qataq qauapaxaguiñiic qome namayipi da ÿalaxalec 'enauac na ÿaqataxacpi mayi qami' sanema. Qataq sa ishit qome da qaucouai'ai da aÿim nachi 'eetai' da qami' soota'agueta 'enauaque naua na'axa'te, chochi ivitta'a ca loga't ana 'alhua. Aja', nachi 'eetec de'eda.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.