Gálatas 1:1 - Nuevo Testamento Toba Sur

¹ Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Nuevo Testamento Toba Sombrero Negro

¹ Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.

La'aqtaqa Ñim Lo'onatac 'Enauacna 2013

^1-3 Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

Gálatas 1:1 Referans Kwoze

1 Corintios 1:1

Aÿim Pablo, maichi chigoqchigui co'ollaxa ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Sóstenes.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Tito 1:3

Qaq co'ollaq ivita so laloqnec ñim Dios mayi qadca'alaxaqui da qomi' ÿauattonaxanaxanque da l'aqtac, nachi aÿim ipataxalec da sa'axateec de'eda l'aqtac.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

Romanos 10:9

Cha'ayi da 'au'axat so Jesús da nachiso so 'adataxala', qataq da 'adquiyaqteÿaxac i'amaqten da ñi Dios nca'aleeguesop naq'en somayi da nleuaxa, nachi 'am qanca'alaxateec.

Hechos 22:10

Nachi aÿim shinapec: “'Am ÿataxala', ¿négue't ca 'anshitaique da so'ot?” Nachi so qadataxala' aÿim 'enapega, 'eeta': “Qoñishiguem, nachi qocot da 'iquiaxac da 'aigue da Damasco. Qaq qom huaña yimayi, nachi 'am qai'aqtaxanem 'enauac cam 'ad'onataxanaxac.”

Hechos 9:6

Nachi so Saulo ÿataqta iviloxolaqchit da lcolanaxa, nachi 'enapeco': –'Am ÿataxala', ¿chaq négue't ca 'anshitaique da aÿim so'ot? Nachi so qadataxala' 'enapego' somayi, 'eeta': –Qoñishiguem qome, nachi 'au'a yi la ciudad. Yimayi nachi huaña da 'am qai'aqtaxanem cam 'au'ot.

Apocalipsis 2:8

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Esmirna. Qoneta': “'Eeta' da l'aqtac na l'auaxanec co'ollaxa da huo'o, qataq nachina na pa'ateec, nam qaÿalauat co'ollaxa, qaltaq ÿi'iguelaxalec da nca'aleec, 'eeta':

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Gálatas 1:17

Qataq sa ishit da saigue da Jerusalén da huo'otaq ñoqo'onalo soua nachi 'eetai'salo da lamaxa'shi so Jesús. Chaqdata da aÿim sa ñaÿaloxon da saigue da Arabia. Qaq co'ollaq ime, nachi ñi'iguelaxa yi Damasco.

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.

Juan 20:21

Ime, nachi so Jesús qaltaq 'enapegalo soomayi, 'eeta': –Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.

Juan 10:30

Aÿim qataq ñi ita'a qomi' 'oonolec da qadataxac.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Gálatas 1:15

Qalaxayi ñi Dios aÿim lca'aguishic co'ollaq saxanaxa da sañiguiñi, souaxat da lta'adaic lauotaxanaqtaic co'ollaq aÿim iÿaxana. Nachi co'ollaq 'eetec de'eda ñimayi,