Filipenses 4:6 - Nuevo Testamento Toba Sur

⁶ Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Nuevo Testamento Toba Sombrero Negro

⁶ Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.

La'aqtaqa Ñim Lo'onatac 'Enauacna 2013

⁶ Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Filipenses 4:6 Referans Kwoze

1 Pedro 5:7

Qataq 'enauac na qauennachiitapega ÿataqta qaumachiÿo'ot ñi Dios, cha'ayi ñimayi ÿataqta qami' ÿoqocha'alo.

Mateo 6:8

Qaq sa ishit qome da qau'enaxachi namayipi. Cha'ayi ñi qadta'a Dios, ñimayi ÿaÿaten cam qami' qaviñiitaique da huo'otaq saxanaxa da qauÿaxañiÿot.

Colosenses 4:2

Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Colosenses 3:17

Qataq 'enauac nam qau'ochi huo'otaq cam qanasaqaiuec, qalaq qauachiitoigui da l'enaxat so qadataxala' Jesús. Qataq chigoqchigui qanqashiñi somayi da qai'añiitacot da qan'achiquiaxaqui ñi qadta'a Dios.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Lucas 12:22

Qaq co'ollaq ime, nachi so Jesús 'enapega som lapaxaguenatacpi, 'eeta': –Nagui qami' shinapegalo: Sa ishit qome da qami' ÿaquicoqchi't cam qonoqoi qataq cam qanapoiña.

Colosenses 3:15

Qataq da nlagaxayic mayi chigoqo'ot ñi Dios ilo'ogue qome da qadquiyaqteÿaxaqui, cha'ayi nachida da huo'o mshi qami' iÿaxanalo ñi Dios, da ÿauotaique da 'ico' 'oonolec n'oquiaxac naq'en da qoñiita. Qaq ÿoqo'oyi ÿataqta qauamaichiguiñi qome.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

Lucas 10:41

Qalaxayi so Jesús, 'enapeco': –Marta, Marta, ÿataqta 'admela't, qataq 'am ÿaquicoqchit nam qalota 'addaxacpi.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

Mateo 10:19

Qalaxayi da ivita da qami' qoÿaneu'alo ne'ena nta'alpi, qalaq sa ishit qome da qami' ÿaquicoqchi't cam 'eetec ca qadtaxaÿaxaqui, huo'otaq ca qad'aqtaqui. Cha'ayi da ivita ca laloqo' da qautaqai, qalaq ñi Dios qami' ÿanema cam qad'aqtaqui.

Lucas 12:29

Qaq ÿoqo'oyi sa ishit qome da qami' ÿaquicoqchi't da huo'otaq qanmichiitaique cam qonoqoi qataq cam qanÿomiigui.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

1 Corintios 7:32

Ñishitaique da ÿataqta qami' huosochiyiñi, qaica ca qami' nqanaxa't. Ca shiÿaxaua da ñaq lamaxaic, ÿataqta nalamaqteguet da quetague' so qadataxala', cha'ayi nshitaique da qaÿaÿamaxadeeta.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

1 Corintios 7:21

Da huo'otaq 'am nlatac co'ollaq 'am qaiÿaxana, qaq no'on da sa ishit da 'admelec damayi. Nai'ctaxa da huo'o ca na'a'q da huo'otaq 'auañoxot da 'am huosochiguiñi, qaq lamaaxa 'anpogoxoinapec.

Mateo 6:34

Qaq sa ishit qome da qami' ÿaquicoqchi't cam huaigui ca lÿa na'a'q. Cha'ayi ca lÿa na'a'q ÿataqteguet cam huaigui lqalaic. Qaq ñi 'oonolec na'a'q mashi 'eeso'oya' cam huaigui lqalaic.

1 Timoteo 2:1

Qaq da hua'auchiguiñi i'aqtac 'eeta': Ñishitaique da saqata da qanayictot da qouagaxaunaxac, da qanqouagaxaueelec 'enauac na shiÿaxauapi, da qanqouagaxaunot ñi Dios, nataq'en da qoÿanot da 'achiquiaxac.

1 Timoteo 5:5

Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.