Filipenses 4:19 - Nuevo Testamento Toba Sur

¹⁹ Qaq ñim ita'a Dios qami' ÿanema qome 'enauac nam qaviñiitaique da ÿachigoxotchigui dam qaica ca 'en'am da lli'oxoyic lsallaxa mayi hueto'ot naq'en so Cristo Jesús.

Nuevo Testamento Toba Sombrero Negro

¹⁹ Chane'eja ñe'me Dios ami yanema yema joga'me auoviñetaque: chiyaqayi joñe'me Qadec'alaĝaiqui Jesucristo da'me ami yanema yema joga'me onaĝaic adeuoyaĝaqui.

La'aqtaqa Ñim Lo'onatac 'Enauacna 2013

¹⁹ Qaq Ñim Ita'a maye Lo'onatac 'Enauacna, qami' ỹanema qome 'enauac cam qaviñiitaique ỹachegoxotchigui dam qaica ca 'ena'am lsallaxa, qataq da llo'oxoyec maye hueto'ot So Cristo Jesús.

Filipenses 4:19 Referans Kwoze

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Romanos 8:18

Cha'ayi 'eesa da huo'oi naua qanque'ejnaxaco de'eda qanachaalataxac mayi souaqtaigui nagui, qalaxayi sa ishit da 'en'am ñaqshin cam ñaq natai' ñi'oxoyic mayi ñiuanaqhua'a qome.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

2 Corintios 4:17

Cha'ayi nam qanque'ejnaxaco nagui de'eda qanachaalataxac, naamayi saq 'amaqtachi qataq saqaÿaloq da inoxoodeec, qaq nachinaua na qomi' i'otegueta cam ÿataqta lta'adaic ñi'oxoyic mayi qaica ca loga't, qaq saq 'en'am na qanque'ejnaxacpi.

Romanos 9:23

Cha'ayi ñimayi i'ot de'eda, cha'ayi nshitaique da qomi' ÿauattonaxanaxanque da lta'adaic lli'oxoyic, qomi' mayi qomi' nqouagueque, qataq qomi' ÿaqataxanai'salo co'ollaxa da nshitaique da ñiuanaqhua'a da lli'oxoyic ñimayi.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

Efesios 1:18

Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

Efesios 2:7

Qaq i'ot de'eda ñimayi, cha'ayi nshitaique da ÿachaxan da 'eetec cam ñaq natrauo na'axa'te da lta'adaic lauotaxanaqtaic da shinaqta qataq dam lqouagaxanaqtaic mayi ÿachigoxotchigui naq'en so Cristo Jesús.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Romanos 11:33

¡Ÿataqta lta'adaxanec da lqouagaxanaqtaic ñi Dios, qataq da laÿajnec qataq da lauattonaxanaxac! Ÿataqta sa ishit da saÿajnaq da sa'axataxaguelo naua 'eetapegueco qataq naua llico.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

1 Ts 2:12

Qataq saqataqtapeguelec 'enauac da qoñiita da ÿataqta qoquiitelec da lataxac ca shiÿaxaua da quetague' ñi Dios mayi qami' iÿaxanalo da qoviito'ot naq'en da l'onataxanaxac da ilo'ogue 'enauacna qataq da lli'oxoyic.

Romanos 1:8

Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui.

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Filemón 1:4

Aÿim nachi 'eetai' naxa da saatacot da ñi'achiquiaxac ñi Dios da tachigui yi iuel da qoneta da ñoqouagaxaueetac.

2 Corintios 12:21

Qataq ÿataqta huo'o da itelaxa da qom ivita da qami' ñamaqtegalo, qalaq ñi ita'a Dios ÿataqta huo'o naq'en da i'aloxo souaxat da qoñiita, qataq da ÿataqta lta'adaic da ñinoinaxac souaxat nam qalota da qoñiita mayi mashi qaÿoqtegue da huo'o na lasouaxashitpi, qalaq sa ishit da ÿaxaneec ca ishipaxanaqchit da nachaalataxac, qataq dam quishiguetaxac, qataq nam nqopitaxanaqtaiguesat mayi qai'ottac.

Mateo 6:32

Cha'ayi na shiÿaxauapi nachi lhuennataxat 'enauac ne'enapi. Qalaxayi qami' huo'o ñim qadta'ai mayi neta'ague da piguem, ñimayi ÿaÿaten da qami' qaviñiitac 'enauac ne'enapi.

Filipenses 4:7

Qaq yaqto' ñi Dios qami' ÿanema da l-lagaxayic mayi ÿataqta napacalec 'enauac nam laÿajneguesat ca shiÿaxaua. Qataq de'eda nlagaxayic, damayi ntela'a da qadquiyaqteÿaxaqui qataq da qadhuennataxaqui da qan'ayiitau'a so Cristo Jesús.