Filipenses 4:15 - Nuevo Testamento Toba Sur

¹⁵ Qataq qami' mayi qoñiitaña na Filipos, nataq'en qauaÿajñiita co'ollaq chita'ague da sa'axat da n'aqtac mayi chigaqaigui da nca'alaxa, qaq co'ollaq shica'ai yi Macedonia, qalaq nachiqamiita 'enauac na 'amqajnataxanaxaicpi da aÿim qanamaqaÿa aso qadtaunaxanaqchi souaxat da qantoñiitapeguec da itaunaxanaxac da qami' sapaxague'n.

Nuevo Testamento Toba Sombrero Negro

¹⁵ Ami yaqaya'olqa jo'ne oñiya'ña di'me Filipos, joote auayachiñe da'me eeta ca'li yemta ja'aĝatetac da'me Dios 'laqataĝanaĝac jo'ne onaĝaic da'me jeca'e di'me Macedonia, queda'me nach'e amite' jo'ne jayem auamaqaiya ga'me adajaqajequi. Qaya'te tamenaĝaiqui laqaya ta'le ya'uo da'me dojo' ca'li.

La'aqtaqa Ñim Lo'onatac 'Enauacna 2013

¹⁵ Qataq qami' maye qoñiitaña na nỹecpi na Filipos, nataqa'en qauaỹaañita co'ollaq cheta'ague da sa'axat da no'on na'axaỹaxac maye chegaqaigui da nca'alaxa. Qataq co'ollaq sheca'ai ye 'alhua Macedonia, qalaq qaica ca aỹem itauan nam laỹepi 'amqaanataxanaxaicpi, nacheqamiita da aỹem qanamaqỹa co'ollaxa aso qartaunaxanaqchi.

Filipenses 4:15 Referans Kwoze

Filipenses 1:5

Cha'ayi qami' nataq'en qanhuañiÿau'a da qau'axachi da no'on qad'axaÿaxac, chigoqchiguiña so na'a'q co'ollaq chita'ague da qauacoñiiguet, chochi ivitta'a nagui.

Hechos 16:40

Nachi soomayi co'ollaq queda'ai aso ncoñitaxanaxaqui, nachi nqo'oodeuga ca lma' aso Lidia. Qaq co'ollaq ima't da nauaneto na nqaÿañicpi qataq da i'añaqchittrac, nachi soomayi je'c.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Filipenses 1:12

Qami' ÿaqaÿa't, aÿim ñishitaique da qauaÿajñiita da souaigui, da damayi 'eeta'am da itauan da n'aqtaxanaxac mayi i'axat da nca'alaxa.

Filipenses 1:16

Qataq huo'o na 'eeso'oyi i'axattac so Cristo, qalaxayi chochi huo'o cam naquittaique. Qaq sa ishit da 'oonolec ca lhuennataxa, cha'ayi namayipi nshitaique da nquigaxateec da ñique'ejnaxac nagui da aÿim qaicoñittai'.

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.