Filipenses 4:14 - Nuevo Testamento Toba Sur

¹⁴ Qalaxayi qami' ÿataqta ÿaÿamaqchiguiñi da aÿim qautauañi souaxat da iuenaxanaxa.

Nuevo Testamento Toba Sombrero Negro

¹⁴ Qalaĝaja yataqata 'noota da'me auauoyi quelqaya da'me jayem alecochiiya, yajouaĝat da'me 'uo da'me yaqalaic ca'li.

La'aqtaqa Ñim Lo'onatac 'Enauacna 2013

¹⁴ Qalaxaye qami' ỹataqta ỹaỹamaqchiguiñi de'era qartaunaxanaxaqui, da aỹem qautauañi souaxat da huo'o da iuenaxanaxa.

Filipenses 4:14 Referans Kwoze

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Gálatas 6:6

Qaq cam ÿaconguet da napaxaguenataguec da l'aqtac ñi Dios, qaq camayi no'on da nhuaate' ca napaxaguenaxala' 'enauac nam hueto'ot lsallaxa.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Filipenses 4:18

Cha'ayi aÿim mashi sogote da saconguet da ñitaunaguec, qaq damayi ÿataqta ÿapacauec. Cha'ayi aso aÿim qanamaqaÿa mayi aÿim nda'a so Epafrodito, asomayi ÿataqta nalaigui 'enauac na iueneguesat. Qaq asa'aso qadtaunaxanaqchi, asomayi 'eeta'am ca nchinaxanaxat ama na laita mayi qaÿavigaxat da qoÿanot ñi Dios, qaq ÿataqta ÿaÿamaxadeeta ñimayi.

Mateo 25:21

Nachi so n'aco' 'enapeco': “Ÿataqta ÿaÿamaqchiguiñi, 'am no'on nlatac, qataq 'aupactelec ca 'au'ot. Qaq cha'ayi 'am ÿataqta 'aupactelec da 'au'ot cam saq 'amaqtaq, qaq nagui ÿataqta lta'adaic qome ca 'am sepataxalec da 'aulo'ogue. Qaq nagui 'aupa'auo qome da aÿim 'antonaxaua.”

Romanos 15:27

Qaq damayi quetelec yi lavilÿaxac da i'ot namayipi, cha'ayi nachi 'eetec iuen da i'ot damayi. Cha'ayi nam judiopi mayi 'amqajnataxanaxaicpi ÿachitec co'ollaxa da n'achiquiaxac mayi saq cha'a nam sa ishit da judiopi. Qaq ÿoqo'oyi namayipi iuen da itaunec nam judiopi 'amqajnataxanaxaicpi dam yi'oqchigui lsallaxa.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

Hebreos 10:33

Cha'ayi da qoñiita huo'o na qaishiueetac, qataq qaÿauana'a't da sa qaiyacnapec, qataq huo'o da qoñiita nam nhuanau'a da nque'ejnaxac nam nachi 'eetec de'eda da nque'ejnaxac qanqoÿin.