Filipenses 4:12 - Nuevo Testamento Toba Sur

¹² Aÿim sanai'ac da sootaigui da iuenaxanaxa, qataq sanai'ac da sootaigui da qaica ca seueetac. Qataq aÿim saÿaten da ñala'aguet ca camachicague't, nai'ctaxa da huo'otaq ncomadaxa, huo'otaq nqouaxa, huo'otaq da qaica ca qaiuen, huo'otaq da nhuenaxanaxa.

Nuevo Testamento Toba Sombrero Negro

¹² Yataqata ñaya'ac da'me jouaue da'me qaya'te jauana, nataq'aen ñaya'ac laqaya da'me jouaue da'me qaya'te jouetaque; yemeda naajo' 'noyaĝaco joote jouauelo. Qama'le jayaten joda'me eeta nale 'uo ga'me niqui'yaĝac uotaĝa nale joqouat, chayovida'a da'me jayaten da'me eeta nale yaguegue da'me jauana, uotaĝa nale jayem 'naja.

La'aqtaqa Ñim Lo'onatac 'Enauacna 2013

¹² Aỹem sanaỹa'ac da sootaigui da ỹachoxoyec, qataq sanaỹa'ac da sootaigui da qaica ca seueetac. Qataq aỹem saỹaten da sataỹa'aguet ca camachaqca aỹem nvirelec, na'aictaxa da sa seuena'a ca sachec, huo'otaq da qaica ca sachec, huo'otaq da qaica ca seuen, huo'otaq da huo'o ca iuenaxanaxa.

Filipenses 4:12 Referans Kwoze

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

2 Corintios 11:7

Loqo' chaq ¿sa ÿaÿamaxañi peta'a co'ollaxa da sa ishit da seshiiten da sa'axat da n'aqtac mayi chigaqaigui da nca'alaxa, da saÿa da ÿataqta ñi'iguelaxañi, yaqto' qami' ishit da qami' qanauaxaÿaxaayishigue'm?

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

Mateo 13:52

Nachi somayi 'enapeco': –Ca dapaxaguenataxaatapeguec na lqataxacpi so Moisés da huo'otaq ñaq napaxagueetega da l'onataxanaxac ñi Dios mayi neta'ague da piguem, nachi camayi ishit da ivida'a da 'eeta'am cam lalamaxat ca noÿic mayi ÿataqta ÿaÿaten da nqatshiguem nam ÿaÿamaxattacpi cam dalaxaicolec qataq cam toguishic.