Filipenses 4:10 - Nuevo Testamento Toba Sur

¹⁰ Qaq aÿim ÿataqta qalota da ñitonaxac so qadataxala' souaxat da qoñiita da qaltaq aÿim qauennachiÿa'a. Qaq sa ishit da huo'otaq shiitega da aÿim qaucouai'ai, cha'ayi chochi qaica ca qaddaqa'ai da aÿim qautauañi.

Nuevo Testamento Toba Sombrero Negro

¹⁰ Yataqata jayem matac jouaĝat da'me qo'mi naqaya' da'me jep'iyaqa joñe'me Cristo, qama'le nayi male auaqanachichi da'me yitaĝa jayem auenache'ta. 'Uo joga'me yelnataĝac da'me ja jayem 'te auapalaĝache'ta, dite da'me ch'e qaya'te lajoĝoc ta'le jayem alecochiya chayovida'a nayi.

La'aqtaqa Ñim Lo'onatac 'Enauacna 2013

¹⁰ Qaq aỹem ỹataqta huo'o da ñetonaxac So Qarataxala', souaxat da chegoqchigui Somaye da qaltaq aỹem qauennachiỹa'a. Qaq saishet da huo'otaq sheetega da aỹem qaucoviỹa'ai, cha'aye saỹaten da choche qaica ca qardaqa'ai da aỹem qautauañi.

Filipenses 4:10 Referans Kwoze

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

Gálatas 6:6

Qaq cam ÿaconguet da napaxaguenataguec da l'aqtac ñi Dios, qaq camayi no'on da nhuaate' ca napaxaguenaxala' 'enauac nam hueto'ot lsallaxa.

Filipenses 1:3

Aÿim naxa da tachigui yi iuel da qoñiita, nachi qaltaq saatacot da ñi'achiquiaxac ñi Dios.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

2 Corintios 6:7

qataq dam qad'aqtaxanaxac mayi 'eesa, qataq dam l'añaxac ñi Dios mayi qomi' hueta'agueta. Qataq so'ogoxonaxa da n'ogoxonaxat mayi chigaqaigui da qui'itta achaalataxac, da ivita da qomi' qaicogaxana'pe, huo'otaq da huo'o ca ñicotaqpegue'.

Filipenses 2:30

Cha'ayi ñimayi mashi huac co'ollaxa da saqca, souaxat da do'onataxaatacot so Cristo. Qataq ÿataqta ÿanguet da nachaalataxac da lchiquiaxac, da yaqto' ishit da aÿim itaunec cam qami' sa ishit da aÿim qautauñiic, souaxat da qami' qaÿoqtalo.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.