Filipenses 4:1 - Nuevo Testamento Toba Sur

¹ Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Nuevo Testamento Toba Sombrero Negro

¹ Ami yaqaya'olqa, jalcote da'me ami joqopitalo qama'le yataqata ami ñetonata'n. Yataqata jayem matac, qa'a ena'am ta'le ami yi'yoĝodaqa'te nayi. Chane'eja, ¡ena'te aĝañiñi da'me oqui'tegue joñe'me Qadejaliaĝanec!

La'aqtaqa Ñim Lo'onatac 'Enauacna 2013

¹ Qaq ỹoqo'oye qami' ñauochaxau' ỹaqaỹa't, aỹem ỹataqta huo'o da iyaxa da qami' ñauaneto, cha'aye qami' maye nacheqami' qauo'oche da ñetonaxac, qataq qami' ỹo'oxore'te. Qaq qami' ñauochaxau' nache 'eetai' qome da qoquiitague' So Qarataxala'.

Filipenses 4:1 Referans Kwoze

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

Hebreos 10:23

Qaq ÿataqta ñi'añaxataqtec qome da qanaquitaxac da qad'amqajnataxanaxac, cha'ayi ñi Dios ÿataqta ipacchigui qome da qomi' ÿachaxanapeguema.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Juan 8:31

Nachi so Jesús 'enapego' nam judiopi mayi i'amaqten somayi, 'eeta': –Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa.

2 Timoteo 2:1

Qaq 'am ÿalec, 'auacongueto' qome da 'ad'añaxac mayi chigaqaigui da nqouagaxanaqtaic dam qomi' qoÿanema, cha'ayi ñi'adaqtau'a so Cristo Jesús.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

2 Corintios 1:14

da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

2 Pedro 3:17

Qaq ÿoqo'oyi qami' ÿaqaÿadolqa, nagui da mashi qauaÿajñiitac de'eda, qaq no'on da ÿataqta qanchilliila't, da yaqto' sa ishit da chochi qami' ÿauecta'pe da latenataxanaxac na shiÿaxauapi qauemaicpi, nachi ishit da qoquiÿa'ai da qad'amqajnataxanaxaqui.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

2 Ts 2:15

Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Gálatas 5:1

So Cristo qomi' ÿanema da qansoxoc, da yaqto' qomi' huesochiyiñi. Qaq ÿoqo'oyi qami' no'on qome da sa ishit da qai'axañiiuec de'eda qansoxoqui. Qataq sa ishit qome da qavi'iguelaqÿa da chochi qami' nlataqa.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.