Filipenses 3:8 - Nuevo Testamento Toba Sur

⁸ Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Nuevo Testamento Toba Sombrero Negro

⁸ Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

La'aqtaqa Ñim Lo'onatac 'Enauacna 2013

⁸ Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Filipenses 3:8 Referans Kwoze

Romanos 8:18

Cha'ayi 'eesa da huo'oi naua qanque'ejnaxaco de'eda qanachaalataxac mayi souaqtaigui nagui, qalaxayi sa ishit da 'en'am ñaqshin cam ñaq natai' ñi'oxoyic mayi ñiuanaqhua'a qome.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Filipenses 3:7

Qalaxayi 'enauac ne'enapi mayi ÿataqta huo'o naq 'enec ñaq'en co'ollaxa, nagui 'eeta'am ñaq'en da ÿataqta qaica ca naigui, souaxat so Cristo.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Filipenses 3:10

Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 14:20

Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

Hebreos 3:14

Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Juan 14:7

Qaq da qami' aÿim qauauattoñi, nachi nataq'en qauauattoñi ñi ita'a. Qaq nagui mashi sogote da qauauattoñi, cha'ayi mashi qauloito'ot ñimayi.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

2 Timoteo 4:6

Da ñachaalataxac mashi qoÿanot ñi Dios, 'ico' ca ntago'q da qaicodelguete aca nca'atoxonaxalate. Cha'ayi mashi sa qaÿapque yi ÿaloqo'.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 16:3

Qaq i'ot qome de'eda namayipi, cha'ayi sa ishit da ÿauatton ñi ita'a, nataq'en aÿim.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

1 Pedro 2:7

Qaq qami' mayi qau'amqajnataxañi, nachi que'eca coma' ÿataqta huo'o qanqashiñi da lli'oxoyic; qalaxayi nam sa ishit da da'amqajnataxan, nachi ipacchiguilo naua ñiyigui'shi l'aqtaqa ñi Dios mayi 'eeta': Som coma' mayi ÿalateec co'olloxochiyi nam noÿic l'opi, somayi nachiso nagui so nllañi ca noÿic.

Gálatas 1:16

nachi huaña, qaq aÿim ÿauattonaxanaxanguet so llalec, da yaqto' aÿim sa'axatem nam saq judiopi da l'aqtac mayi chigaqaigui da nca'alaxa. Qaq co'ollaq mashi ime de'eda, nachi aÿim sa ishit da huo'o ca ñinate'.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

1 Corintios 9:10

cha'ayi nachiqomi' mayi qomi' huaqattegalo. De'eda nqataxac qoÿiyiñi co'olloxochiyi da qaÿauotaique qanaÿamaqtaguec, cha'ayi ca shiÿaxaua mayi n'attapiguishiguem na 'alhua qataq ca nqattac ana ala na trigo ishit da ÿataqta huo'o da naquitaxac da ÿaconguet cam naigui da l'onataxanaxac.

Juan 20:13

Nachi se'esoua namaxa'shi piguem lashi' inatta'po' asomayi, 'eeta': –'Am 'alo, ¿tá'ainco' yi 'anoÿiitac? Nachi asomayi 'enapeco': –Qomyi souaxat da qaÿachi so ÿataxala', qaq aÿim sa saÿaten ca qaÿacha'ague camayi.

Lucas 11:20

Qalaxayi nachida da l'añaxac ñi Dios da so'otaxaatega da so'odauec na n'ecpi, qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Lucas 1:43

Qaq ¿négue't aÿim da huo'otaq aÿim namaqtega adam late'e ñi ÿataxala'?

Romanos 8:39

huo'otaq nam hueto'ot na piguem qataq nam huetaña na pa'aguiñi, qataq 'enauac na laÿipi l'onatacpi ñi Dios, qaica ca ishit da ÿañoxot da nqanaxat da lauotaxanaqtaic da shinaqta ñi Dios dam ÿachigoxotchigui naq'en so qadataxala' Cristo Jesús.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.

2 Pedro 1:2

Ñishitaique da qauacoñiiguet dam chochaq huañi nchoxonnataxanaxa qataq da nlagaxayic mayi chigoqchigui da qadauattonaxanaxaqui ñi Dios qataq so qadataxala' Jesús.

2 Pedro 1:8

Cha'ayi da qami' hueto'oto 'enauac ne'enapi, qataq da qanquigaxachiitashiguem, nachi da qanachaalataxaqui sa ishit da saqca ca naigui qataq sa ishit da chochi nalatta da qadauattonaxanaxaqui so qadataxala' Jesucristo.