Filipenses 3:6 - Nuevo Testamento Toba Sur

⁶ Qaq da lataxac da qanayicteguelo naua 'ena'pe naua nqataxaco, qalaq ÿataqta sa ishit da huo'o ca aÿim qaÿasaxalec ÿasouaxashit.

Nuevo Testamento Toba Sombrero Negro

⁶ Ca'li yataqata jequetapegue' da'me dojo' jo'ne naeda'ac ga'me judiopi, chayovida'a da'me jecaa'tape jogaa'me p'etaqadayaqa; qama'le ta'le ga'me jiyaĝaua yiyamaĝaden ñe'me Dios jouaĝat da'me yoqocha'alo naa'me namaĝajoĝonaĝaco, da'me jayem qaya'te yepatenaĝanaĝac.

La'aqtaqa Ñim Lo'onatac 'Enauacna 2013

⁶ Qaq ỹataqta huo'o da iuogoxo da sepaqueelec co'ollaxa na namaxasoxonaxacpi, ỹoqo'oye sevira'a da secaatac nam ỹa'amaqten so Jesús. Qaica ca ishet da ỹauo'o ca ỹasouaxashet da 'eetega da sa sepaguelec na namaxasoxonaxacpi.

Filipenses 3:6 Referans Kwoze

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Mateo 5:20

Cha'ayi qami' shinapegalo da huo'otaq sa ishit da qanapaquiÿalec nam dapaxaguenataxanec na nqataxacpi qataq na nanettaigui na fariseopi da qau'ochi cam 'eetapeguec ñi Dios, nachi sa ishit qome da qaunoxoñiu'a da l'onataxanaxac ñi Dios mayi neta'ague da piguem da ilo'ogue 'enauacna.

1 Timoteo 1:13

Qaq ñimayi aÿim i'otec de'eda, nai'ctaxa da so lÿa na'a'q ÿataqta sasaxalguete na itaxaÿaxaco qauema da sa seyacnapec, qataq secaatac, qataq seshiueetac. Qalaxayi ñi Dios ÿataqta aÿim ichoxoden, cha'ayi saxanaxa da sa'amaqten so Jesús, qataq ÿataqta sa saÿaten da so'ottac.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

Romanos 7:9

Cha'ayi huo'o co'ollaxa so na'a'q da aÿim chochi ñica'altauec, qaq sa ishit da sauatton na nqataxacpi. Qalaxayi co'ollaq sauatton de'eda namaxasoxonaxac, nachi de'eda ñi'itaxaloxo nca'aleec, qaq aÿim qalaq 'ico' seleu.

Hechos 26:5

Namayipi nataq'en ÿaÿateeta, qataq ishit da maichi i'axat, da co'ollaq ñaq aÿim nogotolec qalaq ñanacte' da shictaigui na fariseopi, nam ÿataqta quetegue da l'amqajnataxanaxac na judiopi, saq 'en'am na laÿipi.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Lucas 1:6

Soomayi ÿataqta no'o'n shiÿaxa'u, ÿaÿamaxadeete' ñi Dios. Nataq'en ÿataqta ÿalaxadeguet 'enauac na lqataxacpi ñi qadataxala'. Qaq ÿoqo'oyi sa ishit da huo'o ca ishit da ÿasaxalguete ca lasouaxashi't soomayi.

Mateo 23:25

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ndoteec na pa'auec ana ÿomaxaqui qataq na nqui'axaqui da qauÿoitac, qalaxayi na pa'auo namayipi ÿataqta da'aichigui na qauachigoxochiÿaigui da qadcachaxaqui qataq da qadqopitaxanaqtaiqui.

Hechos 22:5

Qaq som lataxala' na ntaxaÿaxanaxanecpi da qaitaxaÿapegue' ñi Dios, qataq 'enauac nam laÿipi nataxala'pi, namayipi ishit da i'axat de'eda, da nachina namayipi na aÿim ÿanem aso nede mayi taÿa'a na qadaÿipi judiopi mayi netaña yi Damasco. Qaq aÿim saÿa'a yimayi co'ollaxa da shi'iguena'a na 'amqajnataxanaxaicpi, da yaqto' ñauega na Jerusalén, qaq yi qaiuaxan.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

Filipenses 2:15

yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,