Filipenses 3:19 - Nuevo Testamento Toba Sur

¹⁹ Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

Nuevo Testamento Toba Sombrero Negro

¹⁹ Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

La'aqtaqa Ñim Lo'onatac 'Enauacna 2013

¹⁹ Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Filipenses 3:19 Referans Kwoze

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

Colosenses 3:2

Qaq ÿataqta tatapigui qadvilli cam pa'ata'ague da piguem, qaq sa ishit da qauennachiitapega nam huetalec ana 'alhua.

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

2 Corintios 11:15

Qaq ÿoqo'oyi sa ishit da qalhuala'a da huo'otaq nam l'onataxanaxanecpi somayi da ishit da chochi n'enaqchingui da 'eetega da no'on cam i'ottac. Qalaxayi ca nhuaxanaguec namayipi ipacchigui qome 'enauac nam i'ottacpi.

2 Corintios 11:12

Qalaxayi aÿim shictot da so'ot dam so'ottac, yaqto' sa ishit da sauo'o ca ldaqa' nam chochi ÿauotaique dam ÿachigoxotchigui, da yaqto' huo'o ca ntonaxac, da 'eeta'ama qomi'.

2 Pedro 2:13

qataq qaÿi'iguelaxateguet qome da nque'etaxangui 'enauac nam i'otec na laÿipi. Namayipi ipi'itaxano' da ÿataqta machiguiñi da quetaigui na lamanaxanaqtaiguesat mayi sa qaÿauec. Namayipi ÿataqta i'ot da n'aloxo, qataq da qai'ot ca sa ÿaÿamaxañi da huo'otaq qami' ÿalectaiguilo da qau'ochiitac na qadqui'axaqui. Nachi namayipi ÿataqta machiguiñi da chochi qami' ÿatenachitta'pe.

Gálatas 6:13

Cha'ayi ivida'a nam shiÿaxauapi mayi nañanguet da qaÿauo'o na n'anaxat na l'oc, namayipi sa ishit da i'ot 'enauac nam 'enapec na nqataxacpi. Qalaxayi namayipi chochi nshitaique da qami' qaÿauo'o na qan'anaxachi, yaqto' namayipi ishit da n'amaqten da ishit da qami' ÿile'n da yaqto' qaÿauo'o ca qan'anaxachi.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

Apocalipsis 22:15

Qalaxayi pa'atauec qome na i'otta'pe naua qauema, qataq na i'ottac da n'enaxanaxac, qataq nam quishiguetaxaicpi, laataxanaxaicpi, qataq nam natameetacot na nqolacpi, qataq 'enauac nam nqopita da i'ot da latenataxanaxac.

Judas 1:16

Namayipi taxaÿaxaicpi qataq quetapeguelec ca lÿa. Chaqdata da nmitta'ai cam maichi lqopitaxanaqtaic. Qataq naua l'aqtaqa ÿataqta ñi'oxonnaxaiqa. Qataq da detaxaÿa ca lÿa shiÿaxaua, qalaq ÿataqta iyaata, cha'ayi chochi naquitta'a.

2 Timoteo 3:4

Namayipi que'elaqtaxanaxaic, qataq saq llivigui lauel, qataq ÿashittagui da ñi'oxonnaxac, qataq ÿagaqainapeguec ca maichi lqochoxo, qaq sa ÿoqochi'iguet ñi Dios.

1 Timoteo 6:5

qataq da loquiaxac qaica ca loga't. 'Eda da 'eetec na shiÿaxauapi mayi mashi sotaq ÿaÿamaq da lauattonaxanaxac, qataq mashi sotaq ÿauatton da 'eesa lataxac. Namayipi ipi'itaxano' da qaÿachigoxottapoigui da yi'oqchigui nsallaxa da n'amqajnataxanaxac. 'Ena na sa ishit da 'anhuoiguet qome.

2 Ts 2:12

Yaqto' ÿataqta lta'adaic da nhuaxanaguec 'enauac nam sa ishit da i'amaqten da 'eesa lataxac. Chaqdata da nqopita na sa ÿaÿamaxañisat.

Filipenses 2:21

Cha'ayi 'enauac nam laÿipi chochi huo'o cam naquittaique, qaq sa ishit da i'ot cam 'eetapeguec so Cristo Jesús.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

Apocalipsis 19:20

Qaq se'eso shiguiÿac, qalaq qaicoñi', nataq'en so 'eetega l'aqtaxanaxanec ñi Dios mayi i'ottac na n'anecpi mayi sa qaÿauanapega da yaqto' qai'amaqten so shiguiÿac. Qaq chigoqchigui ne'ena n'anecpi se'eso 'eetega da n'aqtaxanaxanec da ÿatenachit nam nashiiteguet aso l'anaxanaqte so shiguiÿac, qataq da ÿi'oxoden so n'enaqtac lqui'i. Qaq se'eso shiguiÿac qataq som 'eetega da n'aqtaxanaxanec, soomayi nachi nca'altrauec qanqoÿin da qaÿasaxayingui so lta'adaic nodec mayi huaña da ÿavictac na quiquiaxadaic.

Santiago 4:16

Qalaxayi qami' ÿataqta ñi'oxonnaxaiqa naua qadtaxaÿaxacolli'. Qaq 'enauac de'eda 'amqajnaxac ÿataqta sa ÿaÿamaxañi.

2 Ts 2:8

Huaña qome, nachi nachaxan que'eca shiÿaxaua 'itaxaloxoic. Qalaxayi so qadataxala' Jesús ÿalauat qome, idolec na l'at qom ncosaueegue da iquetetot camayi. Nachi ileuaña naq'en souaxat na l'edaxa qom ñi'iguelaq.

Lucas 18:4

Qalaxayi se'eso shiÿaxaua ÿataqta huo'oi soua na'axa'te da sa ishit da ilo'oguet asomayi. Qalaxayi co'ollaq qaÿoqtegue, nachi somayi deuennataxaatac, 'eeta': “Aÿim nai'ctoxo' da sa ishit da huo'o ca 'enec ñaq'en ñi Dios qataq 'enauac nam shiÿaxauapi,

Lucas 16:19

Huo'o so shiÿaxaua ÿataqta sallaxanec, somayi ÿaatrañi naua no'oñi anogo, qataq qaica ca 'en'ama. Qaq somayi i'ottac 'enauaque naua na'axa'te da lta'adaic lqui'axac.

Lucas 12:19

Ime, qaq shinapega qome som iqui'i, shiita': 'Am iqui'i, nagui mashi ÿataqta qalota nam 'adalamaxatpi mayi 'auaÿamaxat, namayi nalaiguilo caua saqaÿoqteguelo vi'iyi. Nagui 'anmateec, 'auque'e, 'anÿomtac, qataq 'auamachiguiñi.”

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Apocalipsis 18:7

Qataq qauauo'oi qome da nqui'ic qataq da nque'ejnaxac yimayi, ÿataqta qau'enaxachiichigui da 'eetec da ñi'oxonnaxac qataq na qalota lqopitaxanaqtaic. Cha'ayi da lquiyaqteÿaxac naxa yimayi 'eeta': “Aÿim ñiso'ootaña ne'ena, aÿim nate'e. Qaq sa ishit da aÿim pa'ai, qataq sa ishit da huo'o ca ñique'ejnaxac.”

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

Romanos 6:21

Qaq ¿chaq négue't cam qauachigoxochiÿaigui damayi dam i'ot nagui da qad'alqoi? Cha'ayi damayi da naigui, nachida da nleuaxa.

2 Ts 1:9

Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

Judas 1:10

Qalaxayi ne'ena shiÿaxauapi ÿataqta qauema naua l'aqtaqa da detaxaÿa cam sa ishit da ÿauatton. Qaq nam lataxacpi mayi chochi ÿachigoxotchigui da lmejnaxanaxac da ÿauatton, qalaq 'eeta'am da lauattonaxanaxac ca shiguiÿac mayi qaica ca ÿaÿaten. Qaq do'onataxana, qalaxayi maichi que'emaxam.