Filipenses 3:15 - Nuevo Testamento Toba Sur

¹⁵ Qaq ÿoqo'oyi 'enauac da shinaqta mayi mashi nalochiguiñi da qadpi'iÿaxac, no'on da nachi 'eeta'a't da qadhuennataxa. Qalaxayi da huo'otaq huo'o ca lÿa qadhuennataxaqui, qalaq ñi Dios ishit nataq'en da qami' itauanque da qauaÿajñi camayi.

Nuevo Testamento Toba Sombrero Negro

¹⁵ Chane'eja yema da'me qo'mi jo'ne joote maqachaĝa t'añi joda'me qat'oyaĝac nayi da'me qo'mi p'etaqadayaqa, jetaque 'noota qom naq'aeta joga'me qadelnataĝac. Qalaĝaja qom 'uo joga'me adelnataĝaqui laqaya qama'le Dios ami yaloĝonalo qomle da'me yataqatelegue.

La'aqtaqa Ñim Lo'onatac 'Enauacna 2013

¹⁵ Qaq ỹoqo'oye 'enauac da shenaqta maye mashe nalochiguiñi da qarpi'iỹaxac, no'on da nache 'eeta'a't da qarhuennataxa. Qalaxaye da huo'otaq huo'o ca lỹa qarhuennataxaqui, qalaq Ñim Lo'onatac 'Enauacna ishet nataqa'en da qami' itauneque da qauaỹaañi camaye.

Filipenses 3:15 Referans Kwoze

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Gálatas 5:10

Qaq nachiso som qadataxala' so chigoqo'ot da ñaquitaxac da qoñiita da sa ishit da ÿaqa'a ca qadhuennataxaqui. Qalaxayi ñi Dios ÿauo'o qome ca nhuaxanaguec ca camachaqca shiÿaxaua mayi sa ishit da qami' ÿalemaxa't.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

1 Corintios 14:20

Qami' ÿaqaÿa't, sa ishit da qoñiÿa'am da lhuennataxac ca nogotolec. Qalaxayi ca sa ÿaÿamaxañi, nachi qanacoñila't da qoñiÿa'am ca nogotolec. Qalaxayi da qadhuennataqai ÿataqta qoñiÿa'am ca shiÿaxaua ÿi.

Mateo 5:48

Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi.

Hebreos 5:14

Qalaxayi nam nallic mayi sa nsatta, namayi taiguet cam shiÿaxaua mashi ÿi, mayi mashi dauattonaxan, qataq nai'ac da ÿauatton cam no'on qataq ca qauem.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Lucas 11:13

Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

1 Juan 2:5

Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

2 Timoteo 3:17

yaqto' ca lamaxashic ñi Dios ÿataqta nalochiguiñi 'enauac na lhueneguesat, qataq taiguet da i'ot ca camachaqca n'onataxanaxac ÿaÿamaqchiguiñi.

Juan 6:45

Naua nanettrañi l'aqtaqa som l'aqtaxanaxanecpi ñi Dios, naamayi 'eeta': “Ñi Dios ÿapaxaguen qome 'enauac na shiÿaxauapi.” Qaq ÿoqo'oyi 'enauac nam n'axaÿaxana ñi ita'a qataq lapaxaguenatac ñimayi, nachi namayipi aÿim nau'a.

Efesios 1:17

Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi.

1 Ts 4:9

Qaq da lataxac da qanauote' ca n'amqajnataxanaxaua, sa iuen da shiyiñi, cha'ayi ñi Dios mashi qami' ÿapaxaguenque da 'eetec da qaÿauotec ca nÿa.