Filipenses 3:11 - Nuevo Testamento Toba Sur

¹¹ Cha'ayi huo'o da ñaquitaxac da salectoigui qom qaltaq qanca'alaxateec 'enauac na leuaxaicpi.

Nuevo Testamento Toba Sombrero Negro

¹¹ qa'a qom naq'aeta qama'le yataqata 'uo da'me yeuataqataĝanaĝac queda'me jayem qo'niyelaĝachijeguem jo' qomle, jachiyaqauelo jodia'me napa'lpi.

La'aqtaqa Ñim Lo'onatac 'Enauacna 2013

¹¹ Nache huo'o da ihuataxanaxac da salectoigui qome na leuaxaicpi qom qaltaq qanca'alaxatec.

Filipenses 3:11 Referans Kwoze

Apocalipsis 20:5

Qaq 'eso som hua'auchiguiñi da qanca'alaxateeguesop na leuaxaicpi. Qaq som laÿipi leuaxaicpi, qalaq sa ishit da qaltaq qanca'alaxateec to' qom ivildeec caua mil vi'iyi.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Hechos 23:6

Nachi so Pablo ila'a da huo'o na saduceopi se'eso nta'alpi mayi loicnatac na lataxaguesat, qataq huo'o na fariseopi. Nachi somayi ÿataqta n'axanneque naua l'aqtaqa, 'eeta': –Qami' ÿaqaÿañicpi, aÿim fariseo l'ec, nachi sachigaqaigui na fariseopi, qalaq nagui aÿim qanmichiitac, souaxat da huo'o da ñaquitaxac da qaltaq qanca'alaxateec na leuaxaicpi.

Hebreos 11:35

Huo'o na 'alpi nataq'en ishit da qaltaq nauane' na lqatacpi da qaltaq qanca'alaxateec. Qataq huo'o na ileu souaxat da nque'ejnaxac, cha'ayi sa ÿaconguet da yaqto' qoÿaxaneec. Cha'ayi nshitaique da ivida'a qom qaltaq qanca'alaxateec na leuaxaicpi mayi qaica ca 'en'am qome ca achaalataxac.

2 Ts 2:3

Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

1 Ts 3:5

Ÿoqo'oyi aÿim co'ollaq sa yalo'oguet da iuennataxa da qoñiita, nachi samaq so Timoteo da ichimaxata da qadpi'iÿaxaqui. Cha'ayi mashi huo'o da itelaxa da huo'otaq qami' ÿatenachi't so 'iguenataxanaxaic shiÿaxaua lma'na, nachi saqca ca naigui da qad'onataxanaxac.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

Romanos 11:14

Cha'ayi ñishitaique da yaqto' na maichi ÿalamaxat iuo' l'ecpi ishit da huo'o ca lyaxa da qami' datalguete, yaqto' namayipi ishit da qanca'alaxateec.

Juan 11:24

Nachi aso Marta 'enapeco': –Aÿim saÿaten da yimayi ishit qome da qaltaq nca'aleec qom qanca'alaxateec na leuaxaicpi cam pa'ateec na'a'q.

Lucas 14:14

yaqto' ÿataqta 'auamachiguiñi. Cha'ayi namayipi sa ishit da 'am ishiitena'aguet. Qalaxayi 'am qome huo'o da 'anshiitenaguec qom ivita da qaltaq qanca'alaxateec nam no'on shiÿaxauapi.

Hechos 27:12

Cha'ayi yi'iyi ñigaxasom ÿataqta qauem da qanayiuta'a yi n'omaxa, nachi somayipi huac da 'eeta'a't da nhuennataxac da qanayica'ai yimayi, nachi qaÿi'iguen da qanqo'ona yi Fenice, ñigaxasom yi Creta, da yaqto' qanayiua'a yimayi da n'omaxa. Cha'ayi yimayi datategue da avit qataq da taguiñi.

1 Corintios 15:23

Qalaxayi ñi 'oonolec ÿataqta ca maichi lalamaxat lliquiaxac. So Cristo mashi sogote l'auaxanec da nca'aleec qanqoÿin. Ime, qaltaq jec na lalamaxatpi, qom ñi'iguelaq somayi.

2 Timoteo 4:8

Qaq nagui aÿim iuatta'aguet da nshiitenaguec da ñachaalataxac qui'itta. Qaq de'eda aÿim ÿami' que'eca na'a'q so qadataxala' Jesús som sa depe'enaxan da nmit na shiÿaxauapi. Qalaxayi saqaÿimta da aÿim ÿami', nataq'en 'enauac na shiÿaxauapi mayi ÿayiita'aguet ca lli'iguelaxasoxoc.