Filipenses 3:10 - Nuevo Testamento Toba Sur

¹⁰ Qataq aÿim ñishitaique da ÿataqta sauattoota so Cristo qataq da l'añaxac co'ollaq nca'aleeguesop qanqoÿin da nleuaxa, qataq da ñiuanau'a da nque'ejnaxac, chochi sevitta'a da shiita'am somayi da seleu.

Nuevo Testamento Toba Sombrero Negro

¹⁰ Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem,

La'aqtaqa Ñim Lo'onatac 'Enauacna 2013

¹⁰ Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Filipenses 3:10 Referans Kwoze

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

1 Juan 2:3

Qaq da ÿataqta salaxasoxogueta naua lamaxasoxonaxaco ñi Dios, nachi huaña, qaq saÿajnaqta da sauattonaqta ñimayi.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

2 Corintios 1:5

Cha'ayi i'enaxatteguet da qomi' ñiuanaqhua'a na saq llalcolec nque'ejnaxaguesat so Cristo, qaq nachi 'en'am chigoqchigui somayi da qan'añaqchitaguec ÿataqta saq llalcolec.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

1 Juan 2:5

Qaq cam i'o't naua lamaxasoxonaxaco ñimayi, nachi camayi ivida'a da ÿataqta ÿauotec ñi Dios. Qaq 'eda da 'eetec da huo'o mshi saÿajnaq da qomi' ñi'adaqtau'a ñimayi.

Juan 17:3

Qaq de'eda achaalataxac mayi chochaq tateec, damayi nachida da naigui da 'am qaÿauatton, 'am Dios mayi nachi'amta qataq 'am 'eesa, qataq na 'ai'alec Jesucristo mayi 'anamaq co'ollaxa.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

Colosenses 2:13

Cha'ayi qami' co'ollaxa soua ÿoxoguelo vi'iyi, qalaq 'eeta'am da qami' leuaxaiqa, souaxat na qadasouaxashichi, qataq souaxat da sa ishit da qaÿauo'o ca qan'anaxachi. Qalaxayi nagui ñi Dios qami' ÿanema da qadca'alaxauai naq'en so Cristo, qaq nachi ÿapalaxat 'enauac na qadasouaxashichi.

Efesios 4:13

chochi ivitta'a da 'enauac na 'amqajnataxanaxaicpi ÿataqta nalota'a da lpi'iÿaxac qataq da lauattonaxanaxac da ÿauattoota so llalec ñi Dios. Huaña, nachi shinaqta'am ca shiÿaxaua mayi ÿataqta saq nogotolec, cha'ayi ÿataqta semataqta'a da llaxa so Cristo.

2 Corintios 1:10

Ñimayi nachiñi ñi qomi' nca'alaxateeguesopa co'olloxochiyi da lta'adaic nleuaxa, qaq ñaq 'eetalec nagui da qomi' nca'alaxattrapeguec. Qataq ñaquitaqta'a ñimayi da nachi 'eetai' da qomi' nca'alaxattrapeguec,

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

Mateo 20:23

Nachi somayi 'enapeco': –Aja', 'eesa qami' ishit da 'ico' qanÿomiigui cam que'ejnaxac mayi saigui qataq dam chilaxac. Qalaxayi de'eda lataxac da qanso'oota'ague da aÿoic qataq da ñi'emaq, qalaq damayi sa ishit da aÿim qoÿami' da san. Cha'ayi chaqcata cam sogote da ÿaqataxaatapigui' ñi ita'a mayi nachica ca ÿanem.

Romanos 8:36

Qaq ipacchigui da 'enapec naua ñiyigui'shi n'aqtaqa, 'eeta': 'Am sasouaxalec da imauec yi na'a'q da qomi' qaÿauecta'alo da qadeleuaxa; qomi' qoÿiita'ama qanqoÿin aca qaguetapi da qaÿauecta'a ca nalaataqa'.

Gálatas 6:17

Qaq ÿoqo'oyi nachi tachiguiña nagui da sa ishit qome da huo'o ca aÿim nqanaxattac, cha'ayi nam lliguiñipi na i'oc na ñiuaxanec, namayi i'axat da ÿoqta 'eesa da aÿim lamaxashic so qadataxala' Jesús.

2 Pedro 1:13

Cha'ayi sela'a da ÿaÿamaqchiguiñi ñaqshin damayi, llaxatemallaxa da aÿim ña ñica'altauec, nachi aÿim sa ishit da saxaatac de'eda ÿaqataxac.