Filipenses 3:1 - Nuevo Testamento Toba Sur

¹ Qaq nagui qami' ÿaqaÿadolqa, qantoñiitapeguec qome so qadataxala'. Qaq aÿim sa ishit da huo'otaq ñasamtapiguiñi da shi'iguelaqtalec de'eda sogote da shiyiñi co'ollaxa, cha'ayi damayi ÿataqta qadviñiqui.

Nuevo Testamento Toba Sombrero Negro

¹ Chane'eja, ami yaqaya'olqa, 'noota qom yataqata ami made'tape, yajouaĝat da'me ademii'teguet joñe'me Jaliaĝanec. Yataqata ja jouala da'me ji'iyelaĝatelegue da'me joote jediñe ca'li, qa'a qom naq'aeta da'me ja'uo qama'le yataqata ami qo'yañaqateneque.

La'aqtaqa Ñim Lo'onatac 'Enauacna 2013

¹ Qaq nagui qami' ỹaqaỹarolqa, qantoñiitapeguec qome da qana'ayeetaua'a So Qarataxala'. Qaq aỹem saishet da huo'otaq ñasamtapiguiñi da she'eguelaxattalec de'era maye sogote da shiyiñi co'ollaxa, cha'aye damaye saỹateeta da ỹataqta qarviñiqui.

Filipenses 3:1 Referans Kwoze

Filipenses 4:4

Qaq ÿataqta qantoñiitapeguec qome so qadataxala' 'enauaque naua na'axa'te. Qaq shi'iguelaxattalec de'eda i'aqtac da ÿataqta qantoñiitapigui' qome.

Romanos 5:11

Qaq sa ishit da nachaqdata de'eda. Cha'ayi nataq'en qomi' ñitonaqtapeguec ñi Dios, qaq de'eda qantonaxac chigoqchigui so qadataxala' Jesucristo. Cha'ayi somayi chigoqchigui da huo'o mshi ñaÿamaxannaqte' ñi Dios.

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

1 Ts 5:16

Qoviitaiguio' da ÿataqta qami' machiyiñi.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

2 Pedro 3:1

Qami' ñauochaxa'u ÿaqaÿa't, qami' samaxalo ana lÿa ÿide. Qaq ne'enaua dos ÿide mayi qami' samaxalo, ñishitaique da sachigoxotchigui ne'ena ÿaqataxacpi da qami' ÿataqta seuennataxanaxa'n.

Efesios 6:10

Qaq nagui qami' ÿaqaÿa't, ÿataqta qan'añaxachi qome, cha'ayi qan'ayiitau'a so Cristo da qauachigoqoichigui da l'añaxac somayi mayi qaica ca ÿaqalanapec.

Lucas 1:47

qataq da iquiyaqteÿaxac ÿataqta machiguiñi souaxat ñi Dios mayi ica'alaxaqui.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Mateo 5:12

Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.