Filipenses 2:30 - Nuevo Testamento Toba Sur

³⁰ Cha'ayi ñimayi mashi huac co'ollaxa da saqca, souaxat da do'onataxaatacot so Cristo. Qataq ÿataqta ÿanguet da nachaalataxac da lchiquiaxac, da yaqto' ishit da aÿim itaunec cam qami' sa ishit da aÿim qautauñiic, souaxat da qami' qaÿoqtalo.

Nuevo Testamento Toba Sombrero Negro

³⁰ qa'a ñejo' yamta'le yeleu da'me t'onataĝatape'uo joñe'me Cristo, yataqata yanegue joda'me nejiyaĝauayaĝac qaedi jayem lecochaĝaneguet, da'me jo'ne ja auaqanachichi ta'le auauoyi da'me ami, yajouaĝat da'me ami qaya'alo.

La'aqtaqa Ñim Lo'onatac 'Enauacna 2013

³⁰ Cha'aye ñimaye mashe hua'c co'ollaxa da ileu, souaxat da do'onataxaatacot So Cristo. Qataq ỹataqta saishet da iteetega da nachaalataxac da ỹaneguet da lchecỹaxac, da yaqto' ishet da aỹem itaunec cam qami' saishet da aỹem qautauñic, souaxat da qami' qaỹoqtalo.

Filipenses 2:30 Referans Kwoze

1 Corintios 16:17

Ÿataqta ñitootapeguec da nvilda'a na soota'a na Estéfanas, qataq na Fortunato, qataq na Acaico, cha'ayi naamayi ishit da i'o't dam sa qauañoxochi, souaxat da qomi' qaÿoqtachi.

Filipenses 4:10

Qaq aÿim ÿataqta qalota da ñitonaxac so qadataxala' souaxat da qoñiita da qaltaq aÿim qauennachiÿa'a. Qaq sa ishit da huo'otaq shiitega da aÿim qaucouai'ai, cha'ayi chochi qaica ca qaddaqa'ai da aÿim qautauañi.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Filipenses 4:18

Cha'ayi aÿim mashi sogote da saconguet da ñitaunaguec, qaq damayi ÿataqta ÿapacauec. Cha'ayi aso aÿim qanamaqaÿa mayi aÿim nda'a so Epafrodito, asomayi ÿataqta nalaigui 'enauac na iueneguesat. Qaq asa'aso qadtaunaxanaqchi, asomayi 'eeta'am ca nchinaxanaxat ama na laita mayi qaÿavigaxat da qoÿanot ñi Dios, qaq ÿataqta ÿaÿamaxadeeta ñimayi.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Filemón 1:13

Qaq aÿim ishíttaxa da ñillañi namayi, da yaqto' aÿim neto'ot, da yaqto' 'anmenguet da namayi aÿim do'onataxanot nagui da ñaq aÿim qaicoñittai' souaxat da n'aqtac.

Filipenses 2:27

Qaq ÿoqta 'eesa da ñimayi sa no'on, mashi huac da saqca. Qalaxayi ñi Dios huo'o da lchoxonnataxanaxa ñimayi. Qalaxayi saqñita ñimayi, cha'ayi nataq'en aÿim, da yaqto' sa ishit naq'en da ÿapacteec da ÿaquicoxo da 'eeta'am nagui.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

1 Corintios 15:53

Cha'ayi de'eda qadapachiyaxac mayi ishit da nlaguiñi, damayi iuen da ÿaañi qanqoÿin cam sa ishit da nlaguiñi. De'eda yi'oqchigui qad'oquiaxac mayi ishit da ileu, damayi iuen da ÿaañi qanqoÿin cam sa ishit da ileu.

Romanos 16:4

Cha'ayi caamayi ÿataqta nañangueta co'ollaxa da lchic, da yaqto' aÿim nca'alaxatreec. Qaq ÿoqo'oyi saatac da ñi'achiquiaxac. Qalaxayi sa ishit da nachaqaÿimta, cha'ayi nataq'en 'enauac na qadqaÿañicpi mayi sa ishit da judiopi.

2 Corintios 4:12

Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.