Filipenses 2:3 - Nuevo Testamento Toba Sur

³ Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

Nuevo Testamento Toba Sombrero Negro

³ Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

La'aqtaqa Ñim Lo'onatac 'Enauacna 2013

³ Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Filipenses 2:3 Referans Kwoze

Romanos 12:10

Ñi 'oonolec ÿataqta ÿauotec ca lÿa, 'eeta'am naq'en da lauotaxanaqtaic ca maichi lqaÿa. Qataq ÿataqta ipacapega ca lÿa, qataq ñi 'oonolec sa ishit da saq huo'o naq'en ca 'enec ca lÿa.

Gálatas 5:26

Qaq sa ishit qome da qomi' ñi'oxonnaxaiqa, qataq ñi 'oonolec sa ishit da inogoqchittac ca lÿa, qataq sa ishit da maichi ñiquiÿaqta'a't.

Efesios 5:21

Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Efesios 4:2

Qataq sa ishit qome da qami' n'amqajnaxaiqa. Chaqdata da qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ÿataqta ichoxoden ca lÿa da huo'o ca camachaqca.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Filipenses 2:14

Qaq 'enauac cam qau'ochi, qalaq sa ishit da qautaqaitac qataq da qancotaitega't,

Gálatas 5:15

Qalaxayi qami' da maichi qannaquiita'a't, qataq ñi 'oonolec da maichi chictac ca lÿa, qaq damayi ÿataqta qadvichiÿa'a qome. Ten, qom 'ico' maichi qanlaxachiitapeguela't.

1 Timoteo 6:4

que'eca shiÿaxaua chochi n'amqajnaxaic, qalaxayi qaica ca ÿaÿaten. Ÿoqo'oyi lqopitaxat da chochi nmitta'ai da ÿauotaique ncotaxaqui na n'aqtacpi. Qaq de'eda 'eeta'am ca yi'oqchigui lalolaxa. Qaq de'eda nachida da chigoqtapoigui da pa'aguenaxac, cotaxac, nshiunaxanaxac, qataq da qaipettega ca nÿa,

Lucas 18:14

Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Colosenses 3:8

Qalaxayi nagui qai'axañiiuec qome 'enauac ne'ena 'onataxacpi: nalemataic, nayiloxo, sa ÿaÿamaxañisat, nnogoqtaxanaxac, qataq naua qauema n'aqtaqa mayi ishit da qanasaxadeec.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

1 Corintios 3:3

cha'ayi ñaq 'eetalec da qoquiitaigui da qadapachiyaxaqui. Cha'ayi da ña qannoita'a't, qataq qancotaitega't, qataq qaucolaqaitagui, qaq yi'oqta da qami' ña qoquiitaigui da qadapachiyaxaqui, qaq qoñiita'am da n'onataxac 'enauac na shiÿaxauapi.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Romanos 2:8

Qalaxayi idolec qome da layiloxo qom ÿauo'o ca nhuaxanaguec nam i'ottac ca maichi 'eetapeguec qataq sa ishit da ÿalaxalec da 'eesa lataxac, chaqnata nam sa ÿaÿamaxañisat.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.