Filipenses 2:29 - Nuevo Testamento Toba Sur

²⁹ Qaq ÿataqta lta'adaic qome qanqashiñi da qantonaxaqui da qauacoñiiguet ñimayi, cha'ayi maichi qad'amqajnataxanaxauai so qadataxala', qataq nachi 'eetai' qome da ÿataqta qauauochiic ca 'eeta'am ñimayi.

Nuevo Testamento Toba Sombrero Negro

²⁹ Yataqata ami made'tape qom auañiya, qa'a auayachiñe da'me nataq'aen Qadejaliaĝanec lamaĝajec joñe'me; nach'e eta't adoqopichiyalo jogaa'me jo'ne naq'aeta da'me 'loyaĝa'j, eda'am ñe'me Epafrodito,

La'aqtaqa Ñim Lo'onatac 'Enauacna 2013

²⁹ Qaq ỹataqta lta'araic qome da qantonaxaqui qom qauacoñiiguet ñimaye, qaupagaqñiichigui da lataxac da qaỹaconeguet ca lo'onataxanaxanec So Qarataxala'. Qauauochec qome nataqa'en ca 'eeta'am ñimaye.

Filipenses 2:29 Referans Kwoze

1 Timoteo 5:17

Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

1 Ts 5:12

Qami' qadqaÿa't, qami' ñachoxodenaqtoto da ÿataqta qauloÿiguet na l'onataxanaxanecpi so qadataxala' Jesús nam qami' ilotagueto qataq qami' huaqattegalo.

1 Corintios 16:18

Naamayi i'o't da ÿataqta ÿashitteec naq'en da ñachaalataxac, qata nataq'en da qoñiita. Ÿataqta qauauochiic qome ca shiÿaxaua 'eeta'ama naamayi.

Romanos 16:2

da ÿataqta qauacoñiiguet, cha'ayi acamayi lalamaqte so qadataxala'. 'Eeta'am qanqashiñi da 'eetec na nqaÿañicpi da ÿaconguet ca l'amqajnataxanaxaua. Qataq ÿataqta qautauañi da huo'o ca iueetac, cha'ayi acamayi ÿataqta qalota na itauan, ivida'a nataq'en aÿim.

2 Corintios 10:18

Cha'ayi ca shiÿaxaua mayi qaÿaÿamaxadeeta, sa ishit da nachica cam maichi ñi'oxodeetapeguela't, cha'ayi chaqcata cam ÿaÿamaxadeeta ñi qadataxala'.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

3 Juan 1:10

Qaq ÿoqo'oyi da ivita da ashic, qaq ÿataqta ñi'axatshiguem damayi, souaxat da aÿim quetapeguelec camayi qataq souaxat da latenataxanaxac. Qataq saqdata de'eda i'ottac, nataq'en sa ishit da ÿaconguet na qadqaÿañicpi. Qataq nam huotaique da ÿaconguet namayipi ÿataqta sa ÿashinem qataq ÿamaqhuec da ca'ai naq'en na 'amqajnataxanaxaicpi.

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.

2 Corintios 7:2

Qaq ÿoqo'oyi qauauo'oi qome ca qaddaqa' naua qadquiyaqchilli'. Cha'ayi sa ishit da huo'o ca seque'emaqchitaq qataq da ñi'axataq qataq da satenachitaq.

Romanos 10:15

Qataq ¿huá'ago' ca 'eetec da huo'otaq huo'o ca da'aqtaxan, da huo'otaq sa ishit da namaxashic? Cha'ayi dam 'enapec naua ñiyigui'shi l'aqtaqa ñi Dios, 'eeta': “¡Ÿataqta sa n'onolec da lvidaxac nam ndotai' da n'aqtaxanaxac mayi i'ot da nlagaxayic, qataq i'axattac da no'on qad'axaÿaxac!”

Hechos 28:10

Nachi somayipi ÿataqta qalota da lli'oxonnataxanaxa da shinaqta. Qaq can ime, nachi qaltaq soqolaq, nachi somayipi qomi' ÿanema 'enauac na qadhuenec de'eda qoyiquiaxac.

Hechos 8:8

Qaq 'eda da 'eetec da huo'o mshi 'enauac nam netaña se'eso pueblo ÿataqta huo'o da ntonaxac.

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Juan 13:20

Qaq ÿataqta 'eesa de'eda qami' sa'axatema, da ca ÿaconguet cam ÿamaxashic, qaq camayi nachaÿim da aÿim ÿaconguet. Qaq cam aÿim ÿaconguet, camayi ÿaconguet ñim aÿim namaq.

Lucas 9:5

Qaq ca huaña da sa ishit da qami' qaÿacongueta, qalaq qoquiÿa'ai que'eca pueblo. Ime, qaq qauchigoqoiuec na namoxoÿaxa naua qadapia'chilli'. Qaq damayi l'anaxat da maichi nasouaxajla't camayipi.

Filipenses 2:28

Qaq ÿoqo'oyi ÿataqta huo'o da iyaxa da qami' samaxalo ñimayi, yaqto' ÿataqta qauamaichiguiñi qom qaltaq qanauañi', qataq yaqto' aÿim sa ishit da ÿapacteec saquico.