Filipenses 2:27 - Nuevo Testamento Toba Sur

²⁷ Qaq ÿoqta 'eesa da ñimayi sa no'on, mashi huac da saqca. Qalaxayi ñi Dios huo'o da lchoxonnataxanaxa ñimayi. Qalaxayi saqñita ñimayi, cha'ayi nataq'en aÿim, da yaqto' sa ishit naq'en da ÿapacteec da ÿaquicoxo da 'eeta'am nagui.

Nuevo Testamento Toba Sombrero Negro

²⁷ Yataqata eja quelqaya da'me yataqata yeleuac joñe'me, chayovida'a da'me yamta'le yeleu. Qalaĝaja Dios yataqata yichoĝoden ñe'me, nataq'aen da'me jayem yichoĝoden, qaedi ja yañodelegue joda'me yachoĝodec jo'ne jouetaue nayi.

La'aqtaqa Ñim Lo'onatac 'Enauacna 2013

²⁷ Qaq 'eesa da huo'o so na'a'q da sa no'on ñimaye, hua'c da ỹoqta ileu, qalaxaye Ñim Lo'onatac 'Enauacna ỹataqta ichoxoren ñimaye, qataq nataqa'en aỹem yaqto' saishet da nquigaxatec da ỹaquicoxo.

Filipenses 2:27 Referans Kwoze

Filipenses 2:30

Cha'ayi ñimayi mashi huac co'ollaxa da saqca, souaxat da do'onataxaatacot so Cristo. Qataq ÿataqta ÿanguet da nachaalataxac da lchiquiaxac, da yaqto' ishit da aÿim itaunec cam qami' sa ishit da aÿim qautauñiic, souaxat da qami' qaÿoqtalo.

2 Corintios 2:7

Qaq ÿoqo'oyi nagui no'on da chaqdata da qauchoxoyiñi camayi, qataq qau'añaqchichi. Ten, qom huo'otaq ÿagueec da laquicoxo, nachi ishit da qaica ca naquitaxac.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

Hechos 9:37

Qalaxayi huo'o so na'a'q nachi aso Dorcas sa no'on, nachi ileu. Qaq co'ollaq qaimat da qanachilaxaatac, nachi qaidoshiguemec ca pa'ashiguem so noÿic.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

Filipenses 2:28

Qaq ÿoqo'oyi ÿataqta huo'o da iyaxa da qami' samaxalo ñimayi, yaqto' ÿataqta qauamaichiguiñi qom qaltaq qanauañi', qataq yaqto' aÿim sa ishit da ÿapacteec saquico.