Filipenses 2:26 - Nuevo Testamento Toba Sur

²⁶ Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

Nuevo Testamento Toba Sombrero Negro

²⁶ qa'a joñe'me yataqata ami netonata'n qama'le jalcote da'me lamaic ta'le yitaĝa ami yauanalo. Nataq'aen jalcote joda'me lachitataic joñe'me qa'a joote auayachiñe quelqaya da'me 'uo joda'me lapite'na ca'li.

La'aqtaqa Ñim Lo'onatac 'Enauacna 2013

²⁶ cha'aye ñimaye huo'o da lyaxa da ỹoltaq qami' nauaneto. Ñimaye ỹataqta huo'o da 'eeta, souaxat da qara'axaỹaxaqui co'ollaxa da ñimaye sa no'on.

Filipenses 2:26 Referans Kwoze

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Romanos 12:15

Qataq qauamaitapegue' cam matapec, qataq qannoinaxauai cam noÿiitapec.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Romanos 9:2

Qataq aÿim ÿataqta saquicota qataq añi iquiyaqte chochi tateec da lqui'ic.

Mateo 26:37

Nachi ÿauec so Pedro qataq soua dos llalqa so Zebedeo. Huaña, nachi somayi ÿataqta daquicota, qataq huo'o da nqui'ic.

Mateo 11:28

Qauanaiua'a aÿim 'enauac da qoñiita mayi qanasamiitañi souaxat da qad'onataxanaxaqui qataq souaxat na qayi'aqui, nachi aÿim qami' ñimataxanaxaadeec.

1 Pedro 1:6

Qaq ÿoqo'oyi nachida da huo'o mshi qami' ÿataqta qauamaichiguiñi, nai'ctaxa da huo'otaq qami' iuen da cada'acolec da huo'o da qanque'ejnaxaqui, souaxat nam qalota qañi'iguenataguiiqui.

Filipenses 1:3

Aÿim naxa da tachigui yi iuel da qoñiita, nachi qaltaq saatacot da ñi'achiquiaxac ñi Dios.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

2 Corintios 9:14

Qataq camayipi nachi ishit da qami' nqouagaxaueetapeguelguete, cha'ayi ÿataqta qalota da lauochi da qoñiita, souaxat da lqouagaxanaqtaic ñi Dios mayi qami' ÿanema.

1 Corintios 12:26

Qaq ÿoqo'oyi da huo'o ca pa'aigue ne'ena nogoxoshitpi da huo'o ca iuet, nachi 'enauac na laÿipi daÿalli. Qaq da huo'o ca pa'aigue da ÿataqta qaÿi'oxoden, nachi 'enauac na laÿipi ntootapigui'.

Romanos 1:11

Cha'ayi ñishitaique da qami' ñauaneto, qataq da qami' setauanque cam chigoqo'ot so Espíritu Santo, yaqto' ÿataqta qami' 'añaxaiqa.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

Filipenses 2:27

Qaq ÿoqta 'eesa da ñimayi sa no'on, mashi huac da saqca. Qalaxayi ñi Dios huo'o da lchoxonnataxanaxa ñimayi. Qalaxayi saqñita ñimayi, cha'ayi nataq'en aÿim, da yaqto' sa ishit naq'en da ÿapacteec da ÿaquicoxo da 'eeta'am nagui.