Filipenses 2:14 - Nuevo Testamento Toba Sur

¹⁴ Qaq 'enauac cam qau'ochi, qalaq sa ishit da qautaqaitac qataq da qancotaitega't,

Nuevo Testamento Toba Sombrero Negro

¹⁴ Chane'eja gamachaqaega ga'me a'vichi, ena'te ami jaĝayaqa uotaĝa ta'le auecochetapiye nale,

La'aqtaqa Ñim Lo'onatac 'Enauacna 2013

¹⁴ Qaq da huo'o ca qauo'oche, qalaq saishet da qautaqaitac, qataq saishet da qancotaitega't,

Filipenses 2:14 Referans Kwoze

1 Pedro 4:9

Qataq ñi 'oonolec da qoñiita ÿataqta ilo'oguet ca lÿa da namaxasoxoic, qataq sa ishit da quetapeguelec.

1 Corintios 10:10

Nataq'en qami' sa ishit da qanachiitega ñi Dios, 'eeta'am da 'eetec somayipi co'ollaq huo'o na quetapeguelec ñimayi. Nachi qaÿalauat, ÿalauat so chigaqshiguem Dios lamaxashic mayi lalaataxanaxanec.

Filipenses 2:3

Qataq sa ishit qome da chochi huo'o ca qanaquichiitaique da huo'o ca qau'ochi, huo'otaq souaxat da qami' n'amqajnaxaiqa. Chaqdata da sa ishit da qami' ñi'oxonnaxaiqa, qataq sa ishit da qanamachiitaña ca qadÿai da qoñiÿapec sa ishit da qami' 'eeta'ama.

Santiago 5:9

Qami' ÿaqaÿa't, saqco' qome ca quetapeguelec ca lÿa, yaqto' sa ishit da qaÿauo'o ca qadasouaxashichi. Cha'ayi ñi Dios mayi nmit na nasouaxashitpi, mashi sa qaÿapeque da nvi'.

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

Santiago 1:20

Cha'ayi ca shiÿaxaua lemataqaic sa ishit da i'ot ca ÿaÿamaxadeeta ñi Dios.

Gálatas 5:26

Qaq sa ishit qome da qomi' ñi'oxonnaxaiqa, qataq ñi 'oonolec sa ishit da inogoqchittac ca lÿa, qataq sa ishit da maichi ñiquiÿaqta'a't.

Gálatas 5:15

Qalaxayi qami' da maichi qannaquiita'a't, qataq ñi 'oonolec da maichi chictac ca lÿa, qaq damayi ÿataqta qadvichiÿa'a qome. Ten, qom 'ico' maichi qanlaxachiitapeguela't.

Santiago 3:14

Qalaxayi qami' da huo'o ca huetangui añi lquiyaqte ca lquiÿaxanaqtaic qataq huo'o ca naquittaique, qaq no'on da sa ishit da n'amqajngui da laÿajnec, cha'ayi 'eeta'am da chochi datenataxaatac qataq dataÿa'aguet da 'eesa lataxac.

Romanos 14:1

Ca shiÿaxaua da huo'otaq qaica ca l'añaxac da lpi'iÿaxac, qalaq camayi qauacoñiiguet, qalaxayi sa ishit da qancotaitapigui cam saq 'en.

Judas 1:16

Namayipi taxaÿaxaicpi qataq quetapeguelec ca lÿa. Chaqdata da nmitta'ai cam maichi lqopitaxanaqtaic. Qataq naua l'aqtaqa ÿataqta ñi'oxonnaxaiqa. Qataq da detaxaÿa ca lÿa shiÿaxaua, qalaq ÿataqta iyaata, cha'ayi chochi naquitta'a.

1 Pedro 3:11

Qataq no'on da ÿaxanapec ca sa ÿaÿamaxañi. Nda'a't da i'ot ca ÿaÿamaqchiguiñi, qataq nmitaique ca nlagaxayic, qaq nachica quegue.

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

Romanos 16:17

Qami' ÿaqaÿa't, qami' ñachoxodeetoiguilo da ÿataqta qauloiteguet qome nam huesogui naq'en na shiÿaxauapi, qataq 'ico' qui'aqañi naq'en. Cha'ayi namayipi ÿataqta npa'aguene' nam napaxaguenataxanaxacpi mayi mashi qauaÿajñi. Ÿoqo'oyi qoquiÿa'ai qome namayipi.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

1 Ts 5:13

Ÿataqta qauauochiic, qataq ÿataqta qauchoxoyiñi, souaxat da l'onataxanaxac. Qoviitaiguio' da qami' lactrapiguiñi, saqca ca da ñi 'oonolec da qoñiita.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

Hechos 15:39

Nachi nqalligottrapigui somayi, chochi ivitta'a da nÿottecachi soomayi da lliquiaxa'c. Nachi so Bernabé ÿauec so Marcos, nachi huenoteuo da taigue da Chipre.

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Marcos 14:5

Cha'ayi somayi ishíttaxa da ivi' aca trescientos denarios da qaimen, nachi qaitauan na choxodaqpi. Nachi ÿataqta qaÿalemataÿa asomayi.

Mateo 20:11

Qaq co'ollaq ÿaconguet aso nshiitenaqte, nachi qainoÿa so 'aco'. Nachi qoÿinapega,

Marcos 9:14

Qaq co'ollaq mashi ñi'iguelaxa so Jesús ca huetra'a soua lapaxaguenataqa, nachi iloda'a so qalota shiÿaxauapi da coleesopa soomayi. Nataq'en huo'o nam dapaxaguenataxaatapeguec na nqataxacpi, qaq namayipi ncotatapegueto soomayi.

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?