Filipenses 2:12 - Nuevo Testamento Toba Sur

¹² Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

Nuevo Testamento Toba Sombrero Negro

¹² Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

La'aqtaqa Ñim Lo'onatac 'Enauacna 2013

¹² Qaq ỹoqo'oye qami' ñauochaxau' ỹaqaỹa't, cha'aye qami' nache 'eetai' naxa da aỹem qaualaqaiguet da qami' soota'agueta, qaq nagui da aỹem qaỹoqtaique, qalaq iuen da ỹactec da aỹem qaualaqaiguet. Ỹataqta qauo'onataxañiilec qome da qarca'alaqai, qataq ỹataqta qaualaqaiguet qataq ỹataqta lta'araic da 'enec qanqa'eñi Ñim Lo'onatac 'Enauacna.

Filipenses 2:12 Referans Kwoze

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Hebreos 4:11

Qaq ÿoqo'oyi qomi' ÿataqta ñi'añaxataq, da yaqto' ishit da senoxonaxau'a que'eca mataxac, ten, qom huo'otaq huo'o ca 'eeta'am da lliquiaxac som sa ishit co'ollaxa da da'amqajnataxan.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Filipenses 1:29

Cha'ayi qami' qoÿanema da qan'achiquiaxaqui, da yaqto' qau'amaqchiñi so Cristo, qataq da huo'o da qanque'ejnaxaqui, souaxat somayi.

2 Corintios 7:15

Qaq somayi ÿataqta ÿacteec da lauotaxanaqtaic da qoñiita naxa da tachigui lauel da qoñiitec da qadalaxayiqui, qataq da 'eetec da qadqochoqoi co'ollaq qauacoñiiguet, qataq huo'o da qadcolanqai.

1 Corintios 2:3

Co'ollaq qami' ñachattaiguilo, qalaq qaica ca i'añaxac qataq yiviloxolaqchit da icolanaxa.

Efesios 6:5

Qataq qami' nlatacpi ÿataqta qaualaqaiguet qome na qan'aco'oipi mayi huetalec ana 'alhua. Namayipi ÿataqta huo'o naq 'enec qanqashiñi, qataq qayi'iÿai, qataq ÿataqta qanasapachiita, 'eeta'am qanqashiñi da nachiso so Cristo da qau'onataxañiitacot.

Mateo 11:12

Qaq chigoqta'a co'ollaq nvi' so Juan mayi nachilaxanataxanaq, qaq chochi ivitta'a nagui, da de'eda l'onataxanaxac ñi Dios mayi neta'ague da piguem da ÿataqta huo'o da ncogaxanataguec; qaq nam do'onataxaatega da yi'oqchigui l'añaxac, namayipi nshitaique da deuotaxanec damayi.

Filipenses 1:5

Cha'ayi qami' nataq'en qanhuañiÿau'a da qau'axachi da no'on qad'axaÿaxac, chigoqchiguiña so na'a'q co'ollaq chita'ague da qauacoñiiguet, chochi ivitta'a nagui.

Hechos 9:6

Nachi so Saulo ÿataqta iviloxolaqchit da lcolanaxa, nachi 'enapeco': –'Am ÿataxala', ¿chaq négue't ca 'anshitaique da aÿim so'ot? Nachi so qadataxala' 'enapego' somayi, 'eeta': –Qoñishiguem qome, nachi 'au'a yi la ciudad. Yimayi nachi huaña da 'am qai'aqtaxanem cam 'au'ot.

Filipenses 2:19

Qaq so qadataxala' Jesús qom huo'otaq nachiso chigoqchigui, qaq saqaÿaloq qome da qami' samaxalo ñi Timoteo, da yaqto' qami' nauaneto, da yaqto' ishit da samachiguiñi qom qami' saÿate'n.

1 Corintios 4:14

De'eda shiyiñi damayi sa ishit da huo'otaq ñishitaique da qami' sa'aloqchi't. Chaqdata da ñishitaique da qami' saqatalo, se'enaxatteguema qami' da ÿauotaxanaqtaic ca ÿalec.

Filipenses 4:15

Qataq qami' mayi qoñiitaña na Filipos, nataq'en qauaÿajñiita co'ollaq chita'ague da sa'axat da n'aqtac mayi chigaqaigui da nca'alaxa, qaq co'ollaq shica'ai yi Macedonia, qalaq nachiqamiita 'enauac na 'amqajnataxanaxaicpi da aÿim qanamaqaÿa aso qadtaunaxanaqchi souaxat da qantoñiitapeguec da itaunaxanaxac da qami' sapaxague'n.

Hechos 16:29

Nachi som ilotague' aso ncoñitaxanaxaqui iÿaxanaique aso coÿadaxanaxaqui, nachi ÿataqta nqalgoqta da tau'a so pa'auo, ÿataqta iviloxolaqchit da lcolanaxa. Nachi i'adoto na l-llicte so Pablo qataq so Silas.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.