Filipenses 2:11 - Nuevo Testamento Toba Sur

¹¹ qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

Nuevo Testamento Toba Sombrero Negro

¹¹ qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

La'aqtaqa Ñim Lo'onatac 'Enauacna 2013

¹¹ qataq yaqto' 'enauac qaỹauattoota So Jesucristo da nacheso so Nataxala', qataq nache llo'oxoyec Ñim Qarta'a maye Lo'onatac 'Enauacna.

Filipenses 2:11 Referans Kwoze

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

Romanos 14:11

Cha'ayi naua ñiyigui'shi l'aqtaqa ñi qadataxala' 'eeta': Ÿataqta 'eesa da aÿim ñica'altauec, ÿoqo'oyi ÿataqta 'eesa da 'enauac qome na shiÿaxauapi aÿim i'adoto naua l-llicte, qataq 'enauac qome namayipi detaxaÿa da ÿataqta aÿim lta'a.

Juan 13:13

Qami' naxa da aÿim qauÿaxañiÿa, qalaq qoñiÿapec da aÿim sapaxaguenataxanapec qataq aÿim qadataxala'ai. Qaq damayi sa ishit da soqolguet, ÿataqta 'eesa.

1 Juan 4:2

Qalaxayi 'eda qome da 'eetec da huo'o mshi qauauattoñi cam netangui so n'Espíritu ñi Dios, 'eeta': 'Enauac nam 'eesa naq'en da so Jesucristo ÿoqta 'eesa shiÿaxaua, qaq nachina na netanguit so n'Espíritu ñi Dios.

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.

1 Corintios 12:3

Ÿoqo'oyi ñishitaique nagui da qauaÿajñiita da ca itaxaÿaxanaxan so Espíritu mayi chigoqo'ot ñi Dios, sa ishit da 'enapec da l'aqtac: “¡Yi sa qaÿalauato' so Jesús!” Qataq qaica ca ishit da 'enapec: “¡Nachiso so Jesús mayi ÿataxala'!” da huo'otaq sa ishit da nachiso so Espíritu Santo da i'aqtaxanaxan.

Juan 14:13

Qaq 'enauac qome nam qauÿaxañiÿaique da qoviilec da i'enaxat, nachi aÿim so'ot, yaqto' ne'ena llalec ñi Dios ishit da ÿachaxan da lli'oxoyic ñi lta'a.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Corintios 8:6

qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.

Apocalipsis 3:5

Qaq cam dauegaxan qome, nachi qoÿanaxanaxaanguilo caua anogo lapagaxaiqa. Nachi sa ishit da sapalaxat ca l'enaxat da qoÿittau'a aca nanedaxalate na nca'aleec. Qataq sa'axateu'a ñi ita'a qataq na lamaxashic piguem l'ecpi.

Mateo 10:32

Qaq ÿoqo'oyi 'enauac nam da'aqtaxanem nam shiÿaxauapi da aÿim quetague', qaq aÿim nataq'en sa'axatem qome namayipi ñi ita'a mayi neta'ague da piguem.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

2 Juan 1:7

Cha'ayi qalota nam huetalec ana 'alhua tenataxanaxaicpi mayi nqolguete' so Jesucristo da ÿoqta 'eesa shiÿaxaua. Qaq cam nachi 'eetec de'eda, qachi nachica ca tenataxanaxaic qataq npa'aguene' so Cristo.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

Romanos 15:9

Somayi nataq'en anac da yaqto' nam sa ishit da judiopi ishit da ÿi'oxoden ñi Dios souaxat da lchoxonnataxanaxa, cha'ayi nachi 'enapec naua ñiyigui'shi l'aqtaqa ñi Dios, mayi 'eeta': Ÿoqo'oyi aÿim 'am shi'oxodeetac da sootangui na ÿotta'a't shiÿaxauapi, qataq so'ootac na n'onecpi mayi naigui da 'ayi'oxoyic.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

Juan 17:1

Qaq co'ollaq ime da 'enapec de'eda so Jesús, nachi ÿamato'ot na piguem, nachi 'enapeco': –'Am ita'a, mashi ivita yi ÿaloqo'. Nagui 'avi'oxoden qome na 'ai'alec, yaqto' na 'ai'alec nataq'en 'am ÿi'oxoden.

Juan 12:42

Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui,

Lucas 2:11

Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Juan 13:14

Qaq aÿim mayi sapaxaguenataxaatac qataq aÿim nataxala', yi seÿota'pe naua qadapia'chilli', qaq nagui no'on da ñi 'oonolec da qoñiita nataq'en iÿoi' naua lapia'te ca lÿa.