Filipenses 1:8 - Nuevo Testamento Toba Sur

⁸ Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

Nuevo Testamento Toba Sombrero Negro

⁸ Dios joote yayaten da'me yataqata eja da'me ami ñetonata'n, nataq'aen da'me yataqata ami joqopitalo, nach'eda da'me yoqopich'i jo'ne jayem yanem ca'li joñe'me Jesucristo.

La'aqtaqa Ñim Lo'onatac 'Enauacna 2013

⁸ Qaq Ñim Lo'onatac 'Enauacna ỹaỹateeta da ỹataqta saishet da choche satenataxaatac da qami' saquicotrapigui, qataq da ỹauoche da qoñiita souaxat da lsoxoyec So Jesucristo maye aỹem ỹami'.

Filipenses 1:8 Referans Kwoze

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

1 Ts 2:8

Qomi' ÿataqta saq llalcolec da qadauotaxanaqtaic da qoñiita. Ÿoqo'oyi saqdata da qami' sanaxama da no'on qad'axaÿaxac mayi chigoqo'ot ñi Dios. Nataq'en huac da ÿataqta qami' sanaxama da maichi qanachaalataxac, souaxat da ÿataqta qami' qanauochaxa'u.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Filemón 1:12

Qaq nagui namayi qaltaq 'am samaxa, qaq 'auaconguet qome, qalaxayi qoneta'am qome da nachaÿim da aÿim 'auaconguet.

Colosenses 2:1

Qaq aÿim ñishitaique da qami' qauaÿajñiita da ÿataqta lta'adaic da ñiloquiaxac souaxat da qoñiita, qataq nam netaña yi la ciudad Laodicea, qataq 'enauac nam saxanaxa da aÿim ÿauatton.

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

2 Corintios 7:15

Qaq somayi ÿataqta ÿacteec da lauotaxanaqtaic da qoñiita naxa da tachigui lauel da qoñiitec da qadalaxayiqui, qataq da 'eetec da qadqochoqoi co'ollaq qauacoñiiguet, qataq huo'o da qadcolanqai.

2 Corintios 6:12

Qaq sa ishit da huo'o ca 'oonolec da qoñiita da huo'o ca 'ico' soxotaqtapiisop, qalaxayi qami' mayi huo'oi naua qomi' qai'oxochiitapiisopa.

Lucas 1:78

Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

1 Juan 3:17

Ÿoqo'oyi da huo'o ca 'oonolec da shinaqta da huo'o 'enauac nam lhueneguesat da nachaalataxac, qaq da huo'otaq ilota'a ca lqaÿa da huo'otaq huo'o da lhuenaxanaxa, qalaq sa ishit da nqouaguec camayi, nachi ¿huá'ago' ca 'eetec camayi da ÿauotec ñi Dios?

Filemón 1:20

Aja', 'am ÿaqaÿa, 'auauo'o qome ca 'adqouagaxanaqtaic da shiita, cha'ayi 'am mashi 'au'amaqteetac so qadataxala'. 'Au'añaqchit qome da iquiyaqteÿaxac, cha'ayi maichi qomi' n'amqajnataxanaxa'u so Cristo.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.

Filipenses 2:1

Qaq ÿoqo'oyi so Cristo da qami' i'añaqchi't, qataq da qami' machiyiñi naq'en da lauotaxanaqtaic somayi, qataq da qami' hueta'agueta so n'Espíritu, qataq da qauauattoñi da nauotaxanaqtaic qataq da nchoxonnataxanaxac,

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.