Filipenses 1:7 - Nuevo Testamento Toba Sur

⁷ Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Nuevo Testamento Toba Sombrero Negro

⁷ Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

La'aqtaqa Ñim Lo'onatac 'Enauacna 2013

⁷ Qaq ỹataqta ỹaỹamaqchiguiñi da iuennataxac da 'enauac qami' seuennategalo, cha'aye ỹataqta qami' sauoteque, cha'aye qami' nataqa'en qanhuañiỹaua'a da no'onataxanaxac maye chegaqaigui da lsoxoyec Ñim Lo'onatac 'Enauacna maye aỹem ipataxalec. Qaq da aỹem qaicoñettai' huo'otaq aỹem qaỹataxaato'ot ca nmit ca nasouaxashetpi, qalaq qami' nache 'eetai' da aỹem qatauñiitac da yaqto' setaqlec da 'eesa lataxac dam no'on na'axaỹaxac.

Filipenses 1:7 Referans Kwoze

2 Corintios 7:3

Qaq sa ishit da shinapec de'eda da yaqto' sauo'o ca qadasouaxashichi, cha'ayi mashi ime caillayi da i'aqtac da qami' ÿataqta qanhuañiÿau'a da iquiyaqteÿaxac, da yaqto' qami' ñachaalataxa'u qataq da qami' ileuaxa'u.

Filipenses 1:5

Cha'ayi qami' nataq'en qanhuañiÿau'a da qau'axachi da no'on qad'axaÿaxac, chigoqchiguiña so na'a'q co'ollaq chita'ague da qauacoñiiguet, chochi ivitta'a nagui.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Colosenses 4:18

Qaq aÿim Pablo maichi semapegue' da shiyiñi da iquinaxanaxac da qami' samaxalo. Qaq qauennachiÿa'a qome da aÿim qaicoñittai'. Qaq ñi Dios qami' ÿanema qome ca qanchoxonnataguiiqui. Aja', nachi 'eetec.

Filipenses 4:14

Qalaxayi qami' ÿataqta ÿaÿamaqchiguiñi da aÿim qautauañi souaxat da iuenaxanaxa.

Efesios 6:20

Cha'ayi ñi Dios aÿim namaq da aÿim l'aqtaxanaxanec, da sa'axat de'eda n'aqtac. Qaq nachida da huo'o mshi aÿim qaicoñittai' nagui. Qaq ÿoqo'oyi qanqouagaxauñiitac qome, yaqto' da aÿim sa'axat de'eda n'aqtac, qalaq sa ishit da shi'itac.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

2 Pedro 1:13

Cha'ayi sela'a da ÿaÿamaqchiguiñi ñaqshin damayi, llaxatemallaxa da aÿim ña ñica'altauec, nachi aÿim sa ishit da saxaatac de'eda ÿaqataxac.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

1 Ts 5:5

Cha'ayi 'enauac da qoñiita mashi qoviitaigui na na'a'q mayi yi'oqchiguiñi. Qaq qomi' sa ishit da souaqtaigui ca pe mayi napanñi.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

2 Corintios 3:2

'A'i, sa ishit. Cha'ayi qami' mayi nachi qoñiita'am acam qad'onataxanaxac lmalate mayi seuenaqtac. Qoñiita'am acam nede da qoÿittalguete naua qadquiyaqte, da yaqto' 'enauac na shiÿaxauapi ishit da ÿauatton qataq da itaxaÿaxan.

1 Corintios 13:7

Qataq n'añaxateguet 'enauac na chochina, cha'ayi huo'o da lpi'iÿaxac, naquitaxac, lhualaxavic.

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

Hechos 21:33

Nachi so huataxanaq lta'a nqochineuo, nachi ÿaconeu'a so Pablo, nachi damaxasoxoolec da qaicoñida'aque naua lhua'q soua lque'te. Qaq co'ollaq ime, nachi dechimaqtaxaatapeguelec somayi qataq chaq negue't cam i'ot.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

Filipenses 1:12

Qami' ÿaqaÿa't, aÿim ñishitaique da qauaÿajñiita da souaigui, da damayi 'eeta'am da itauan da n'aqtaxanaxac mayi i'axat da nca'alaxa.

Filipenses 1:13

Cha'ayi 'enauac na allippi mayi ilotague' na lma' ñi lta'a na nta'alpi, qataq 'enauac na hueta'a ne'ena, ÿaÿaten da aÿim qaicoñittai' souaxat da sasoilec da shictague' so Cristo.

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Filipenses 2:22

Qalaxayi qami' mashi qauaÿajñi da 'eetec da no'on lataxac so Timoteo, qataq da 'eetec da ñitauaatapegue' da sa'axataqtac da n'aqtac, qaq somayi 'eeta'am ca ñalec da itauan ca lta'a.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

Filipenses 4:15

Qataq qami' mayi qoñiitaña na Filipos, nataq'en qauaÿajñiita co'ollaq chita'ague da sa'axat da n'aqtac mayi chigaqaigui da nca'alaxa, qaq co'ollaq shica'ai yi Macedonia, qalaq nachiqamiita 'enauac na 'amqajnataxanaxaicpi da aÿim qanamaqaÿa aso qadtaunaxanaqchi souaxat da qantoñiitapeguec da itaunaxanaxac da qami' sapaxague'n.

Filemón 1:13

Qaq aÿim ishíttaxa da ñillañi namayi, da yaqto' aÿim neto'ot, da yaqto' 'anmenguet da namayi aÿim do'onataxanot nagui da ñaq aÿim qaicoñittai' souaxat da n'aqtac.