Filipenses 1:23 - Nuevo Testamento Toba Sur

²³ Ÿataqta huo'o da lqalaic ñaq'en cam ÿoqta llica'ateu'a naamayi. Cha'ayi da lÿa iuennataxa 'eeta': Aÿim ñishitaique da seleu, yaqto' nachi 'eetai' da soota'aguet so Cristo. Cha'ayi damayi ÿataqta ÿacteec da 'onaxaic ñaqshin.

Nuevo Testamento Toba Sombrero Negro

²³ Nale jenate'ta jena'me jenjo', yataqata 'uo joda'me jen laqalaic joga'me jetaque ja'uo, qa'a qom ua'ña da'me jeleu, male jajoya'aguet joñe'me Qadejaliaĝanec Jesucristo, jo'ne nach'ena yataqata jepaquetapega.

La'aqtaqa Ñim Lo'onatac 'Enauacna 2013

²³ Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Filipenses 1:23 Referans Kwoze

2 Corintios 5:8

Qaq ÿataqta huo'o de'eda qanaquitaxac. Qaq ÿoqo'oyi huo'o da qadyaxa da saxanaxauec da ñachaataqtaigui de'eda qad'oquiaxac, nachi qolaq da yaqto' souaqta'aguet so qadataxala'.

Apocalipsis 14:13

Ime, nachi sa'axaÿa so n'aqtac chimqot na piguem, aÿim 'enapega, 'eeta': –'Iyiñi qome da 'eeta': “Ÿataqta machiguiñi qome nagui ca ileu da huo'otaq ileutañi' da l'amqajnataxanaxac so qadataxala'.” Nachi so Espíritu Santo 'enapec: “Aja', nachi 'eetec.” Cha'ayi camayi nmateeguesop nam l'onataxanaxacpi. Qaq da l'onataxanaxac, qalaxayi sa ishit qome da qaicoua'ai.

Hechos 7:59

Qaq co'ollaq ña qaÿasaqtalec so Esteban, nachi somayi nqouagaxaueetac, 'eeta': –'Am ÿataxala' Jesús, 'auaconguet qome ñi shicapegue' iqui'i.

Lucas 23:43

Nachi so Jesús 'enapeco': –Ÿoqta 'eesa da shinapec da nachina nagui da sogote aÿim qoueta'aguet da qoueta'a yi lma' na qanca'alaxateecpi da piguem.

2 Timoteo 4:6

Da ñachaalataxac mashi qoÿanot ñi Dios, 'ico' ca ntago'q da qaicodelguete aca nca'atoxonaxalate. Cha'ayi mashi sa qaÿapque yi ÿaloqo'.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

1 Ts 4:17

Ime, nachi qaltaq jec qomi' mayi ña ñica'alaqtauec, qomi' qaÿacoosopa da salegaqtoigui namayipi, soqolaxaigui na l'oc piguem l'ec da ñauanaxai' so qadataxala' Jesús na pa'ashiguem. Huaña, nachi chochi tateec da souaqta'aguet somayi.

Juan 14:3

Qaq qom mashi ime da ashic da saqataxanai' ca qadmayi, nachi qaltaq ñi'iguelaq da qami' saue'c, yaqto' qami' nachi 'eetai' da aÿim qoviita'aguet que'eca soota'a.

Lucas 12:50

Qalaxayi aÿim saigui qome da ñique'ejnaxac, 'eeta'am ca qanachilaxan, qaq ÿoqo'oyi ¡ÿataqta huo'o da ÿaquicoxo da iyaxa da nal'en nachi ime!

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

Juan 13:1

Qaq nachiso se'eso lÿa na'a'q so huetoigui so naponaxac da qaiuennate so na'a'q co'ollaq qanayica'ai yi Egipto. Qaq so Jesús mashi ÿaÿaten da ivita yi laloqo' da ca'ai ana 'alhua da ÿi'iguelaxa ñi lta'a. Qaq somayi nachi 'eetai' da lauotaxanaqtaic na lalamaxatpi mayi huetalec ana 'alhua, qaq nagui nachi ÿachaxana somayipi da 'eetec dam lta'adaic lauotaxanaqtaic.

Lucas 8:38

Qaq so shiÿaxaua mayi chigaqaigui so n'ec leguemaxaicpi nachi nachoxodeetacot so Jesús da ishit da nashiiteguet da ca'ategue. Qalaxayi so Jesús ÿamaxalec da n'onañi, nachi 'enapega, 'eeta':

1 Ts 2:1

Cha'ayi qami' qadqaÿa't, qauaÿajñiita so hua'auchiguiñi qadvidaxac da qoñiita, somayi sa ishit da saqca ca naigui.

2 Corintios 6:12

Qaq sa ishit da huo'o ca 'oonolec da qoñiita da huo'o ca 'ico' soxotaqtapiisop, qalaxayi qami' mayi huo'oi naua qomi' qai'oxochiitapiisopa.

Filipenses 1:24

Qalaxayi da lÿa iuennataxa 'eeta': Da huo'otaq ña ñica'altauec, qaq damayi nataq'en ÿacteec da no'on, souaxat da qoñiita.