Filipenses 1:19 - Nuevo Testamento Toba Sur

¹⁹ cha'ayi aÿim saÿaten da saqca ca da da ñachaalataxac, cha'ayi qami' aÿim qanqouagaxauñiitalec, qataq da ltaunaxanaxac so Espíritu Santo mayi netanguit co'ollaxa so Jesucristo.

Nuevo Testamento Toba Sombrero Negro

¹⁹ qa'a jayaten da'me 'uo joga'me adajelaĝanaĝaqui, nataq'aen joda'me lecochaĝac joñe'me Lepaqal ñe'me Jesucristo, qama'le jeca'e qomle jana'me janjo' coñetaĝanaĝaiqui.

La'aqtaqa Ñim Lo'onatac 'Enauacna 2013

¹⁹ cha'aye aỹem saỹaten da saqca cara da ñachaalataxac, cha'aye qami' aỹem qanqouagaxauñiitalec, qataq da ltaunaxanaxac So Saqcha'a La'añaxac So Jesucristo. Qaq de'era nache chegoqchigui qome da saqaỹaloq da aỹem qaisouec.

Filipenses 1:19 Referans Kwoze

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

Hechos 16:7

chochi ivittra'a ca loga't yi 'alhua l'enaxat Misia. Huaña, nachi nshitaique da inoxoodeu'a yi 'alhua l'enaxat Bitinia, qalaxayi so Espíritu Santo mayi chigoqo'ot so Jesús sa ishit da ÿashinema soomayi da nqo'oodeu'a.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

Gálatas 4:6

Qaq dam ichoxot da ÿoqta qami' llalqa ñi Dios 'eeta': Ñimayi qami' namaxalo so n'Espíritu so llalec da taiguilo naua qadquiyaqchilli'. Qaq so Espíritu deÿaxan, 'eeta': “¡'Am ita'a!”

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

1 Corintios 4:17

Qaq ÿoqo'oyi mashi qami' samaxalo so Timoteo mayi 'eeta'am da ÿalec, cha'ayi aÿim ÿachigoxotchigui da quetague' so qadataxala'. Somayi qami' iuennataxanaxanque da 'eetec da ÿataxac da shictague' so Cristo dam sapaxagueetapeguec 'enauac ana qad'onaxanaxaquipi mayi neta'alo naua 'ale'u.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Gálatas 3:5

Ñim Dios mayi qami' ÿanema co'olloxochiyi so n'Espíritu, qataq ÿachaxan nam i'ot da n'aalaxa da huaigui naq'en da qoñiita, qaq ¿chaq tá'ainco' yi i'ot? Ñimayi i'ot namayipi, qalaxayi sa ishit da souaxat da qami' qau'ochiitac na nqataxacpi mayi chigoqo'ot so Moisés. Mayi souaxat da qami' qau'amaqchiñi da qau'aqaichigui co'ollaxa n'aqtac.

Filipenses 1:18

Qalaxayi nachi 'en'am sa seteetega namayipi da tateu'a da dos naua lhuennataxaco, huo'otaq sa ishit, cha'ayi da i'axattac so Cristo. Qaq nachida da i'ot da aÿim samachiguiñi. Qataq lamaaxa qome da ÿacteec naq'en da ñitonaxac damayi,