Filipenses 1:14 - Nuevo Testamento Toba Sur

¹⁴ Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Nuevo Testamento Toba Sombrero Negro

¹⁴ Nataq'aen mane'e da'me jayem qoyecoñedeta't, ma'ejama'le jena'me qadayi da'me 'uo da'me 'lañaĝa'j da'me 'yaĝatetedac da'me 'laqataĝanaĝac joñe'me Dios, male 'uo da'me netonaĝa'j jo'ne chiyoqo'ot joñe'me Qadejaliaĝanec qama'le qaya'te t'oitedac.

La'aqtaqa Ñim Lo'onatac 'Enauacna 2013

¹⁴ Qaq co'ollaq qaỹaỹaten da aỹem qaicoñettai', nache qalota na qarqaỹañicpi da na'añaxat da ỹa'axat da la'aqtac Ñim Lo'onatac 'Enauacna, qataq saishet da huo'o ca ñe'etaique, nacherata da ỹauo'o da naquitaxac So Qarataxala'.

Filipenses 1:14 Referans Kwoze

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Lucas 1:74

da qomi' nca'alaxateeguesopa nam qomi' ipa'agueeta'pe, yaqto' sa ishit da huo'o ca shi'oqtaique da shi'oxodenaqtac ñimayi,

Colosenses 4:4

Qaq qanqouagaxauñiitac qome, yaqto' aÿim ÿataqta ishit da sa'axattegue ca lataxac de'eda n'aqtac, cha'ayi damayi nachida da i'onataxanaxac.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Colosenses 4:7

Qaq ñim qanauochaxaua qadqaÿa Tíquico mayi ÿataqta qadpe'et qataq qad'onataxanaxaua da so'onataxanqot so qadataxala', ñimayi qami' i'axatema qome ca qad'axaÿaxaqui da shiita.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

2 Corintios 3:12

Qaq ÿoqo'oyi ÿataqta huo'o da qanaquitaxac, ÿoqo'oyi sa ishit da huo'o ca qomi' nqanaxa't da sa'aqtaxanaq.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Marcos 3:3

Nachi so Jesús 'enapego' se'eso shiÿaxaua mayi daqaqta na lhuaq, 'eeta': –Ña qoñishiguem, 'anachajñigui na laiñi.